Mark 14:1 - Maktub gə́ To gə Kəmee

¹ Nai ndɔ joo mba kar dee ra naḭ Pag gə́ muru gə́ nétiee godo keneŋ lé. Mbai dɔ njékinjanéməsje-je gə njéndaji-maktubje saŋg goso né gə mba kwa ne Jeju ɓó gə karee wəi ne.

Mark 14:1 Iomraidhean Croise

Gḭ-Néje 37:18

Deḛ d’aa loo d’ée loo gə́ yeḛ nai əw ɓəi. Ndá loo gə́ yeḛ teḛ rɔ dee’g el ɓəi lé d’ula njuma̰ meḛ na̰’d gə mba tɔlee.

Pakɔsje 52:3

I gə́ njebeelé lé see gelee ban ɓa i ti rɔi dɔ meeyèr’g ləi bèe wa. Meemaji lə Ala to saar gə no̰ ya.

Pakɔsje 62:4

See ndɔ gə́ ra ɓa seḭ a kəwje kḭ kɔmje na̰ dɔ dəw’g lé wa. See ndɔ gə́ ra ɓa seḭ lai a kəwje kḭ saŋgje loo mbata kṵdáje Kareje to asəna gə ndògo-bɔrɔ gə́ to podé lé Esé asəna gə ŋgalaŋ gə́ unda naŋg bèe lé wa.

Pakɔsje 62:9

Seḭ koso-dəwje lé kàr gə́ rara kara Maji kar sí ɔmje meḛ sí dəa’g, Tegje ginta gə́ to meḛ sí’g areeje! Mbata Ala to njo̰loo-kula-dɔ lə sí ya.

Teḛ-Raga 12:1

Njesigənea̰ ula Moyis gə Aaro̰ ta mee ɓee gə́ Ejiptə pana:

Ləbije 2:6

I a kwa gaji dana-dana tɔɓəi i a kɔm ubu dɔ’g tɔ, to nékar Ala gə́ to nduji ya.

Matiyo 12:14

Parisiḛje teḛ ɗaga ndá deḛ d’wɔji na̰ ta saŋg ne rəw gə mba tɔlee.

Matiyo 6:2

Bèe ndá loo gə́ i un né mba kar njéndooje ndá ar ndiil ɓar dɔ’g el mbata njéhulaije ɓa ra togə́bè d’unda ne rɔ dee kəm dəwje kəi-kwa-dɔ-na̰je’g ləm, gə tɔ-rəwje’g ləm tɔ mba kiŋga ne riɓar. Ma nja m’ula sí woḭ, ɓai née ya d’iŋga kən mba̰.

Mark 14:12

Ndɔ gə́ dɔtar gə́ d’o̰ muru gə́ nétiee godo keneŋ lé to ndɔ gə́ d’a gə tɔl badə Pag lé keneŋ ndá njékwakila Jejuje dəjee pana: See loo gə́ ra ɓa i ndigi kar sí j’aw j’wa dɔ gɔl néra Pag keneŋ j’ari wa.

Mark 14:2

Mbata deḛ pana: Maji ra bèe ndɔ naḭ’g el, nà banelə boo-dəwje d’a kḭ ra né dɔ neḛje’g wəl-wəl.

Tagə́maji gə́ Ja̰ ndang 11:47

Yen ŋga mbai dɔ njékinjanéməsje-je gə Parisiḛje lé mbo̰ njégaŋ-rəwtaje dɔ na̰’d dəji dee pana: See ɗi ɓa j’a ra wa. Mbata dəw neelé ra némɔrije ɓəd-ɓəd bula yaa̰.

Tagə́maji gə́ Ja̰ ndang 13:1

Kédé ɓa gə mba kar ndɔ ra naḭ Pag teḛ ɓəi lé Jeju gər gao, kàr kya̰ naŋg nee karee tel aw rɔ Bɔbee’g teḛ mba̰ ləm, yeḛ unda njékea̰je gə́ dɔ naŋg nee dan kəmee’g ləm tɔ ndá, yeḛ ra ne né gə́ doŋgɔ ar dee mba kar dɔ meenoji ləa mbata lə dee lé ɔr ne njal.

Néra Njékaḭkulaje 12:4

Loo gə́ yeḛ wá mba̰ ndá yeḛ ulá daŋgai’g ar kudu-njérɔje sɔ-sɔ gə́ wɔji dɔ njérɔje sɔ-sɔ lé ŋgəm təa. Yeḛ wɔji gə mba kar naḭ Pag godo mba̰ ɓa a teḛ səa kəm koso-dəwje’g ɓəi.