Mark 13:9 - Maktub gə́ To gə Kəmee

⁹ Meḛ sí dɔ rɔ sí’g. D’a teḛ sə sí loo-gaŋg-rəwtaje’g ləm, d’a kunda sí gə ndəi-kɔb mee kəi-kwa-dɔ-na̰je’g ləm tɔ. D’a kaw sə sí no̰ njéguburuɓeeje’g gə no̰ mbaije’g gə mbàm mba kar sí ɔrje ne goo ta ləm ar deeje tɔ.

Mark 13:9 Iomraidhean Croise

Matiyo 5:22

Nɛ ma nja m’ula sí woḭ, nana ɓa gə́ ra meeko̰ dɔ ŋgokea̰’g ndá d’a koso səa loo-gaŋg-rəwta’g ya. Yeḛ gə́ taji ŋgokea̰ ɓaree mbə lé ndá d’a koso səa loo-gaŋg-rəwta lə Jibje. Yeḛ gə́ ɓar ŋgokea̰ kɔr ndá pər gehene’g ɓa gə́ bo̰ nérea gə́ a kɔs təa’g.

Mark 1:44

Yen, i lé maji kari tɔs kəmi dɔ rɔi’g ɓó ar tai gə́ ja̰ kara teḛ ar dəw oo el. Nɛ aw gə darɔi aw tɔji njekinjanéməs ndá un né gə́ godndu Moyis wɔji lé mba karee to ne nékɔrkəmta mbata lə dee.

Mark 13:5

Jeju un ta ula dee pana: Meḛ sí dɔ rɔ sí’g mba kar dəw kára kara su kəm sí el.

Mark 13:8

Ginkoji dəwje gə́ dəb kára d’a kḭ gə ginkoji dəwje gə́ loo gə́ raŋg’d ləm, ɓeeko̰ gə́ dəb kára a kḭ gə ɓeeko̰ gə́ loo gə́ raŋg’d ləm, naŋg a yə gə loo-loo ləma, ɓoo-boo a koso gə loo-loo ləm tɔ. Yee ɓa gə́ némeeko̰ gə́ un kudee gə́ kun ɓəi.

Mark 6:11

Ɓó lé loo gə́ rara ɓa gə́ seḭ a teḛje keneŋ ɓa deḛ ndigi kwa sí gə́ rɔ dee’g el ləm, deḛ ndigi koo ta lə sí el ləm tɔ ndá ḭ saaje rɔ sí keneŋ gə́ gogo ləm, kundaje kor gə́ gɔl sí’g kɔd-kɔd dɔ ɓee’g neelé ləm tɔ mba karee to gə́ nékɔrkəmta gə́ a kwa dɔ dee lé kɔmje dɔ dee’g.

Lugu 9:5

Ɓó lé njéɓeeje lé d’wa sí gə́ rɔ dee’g el ndá undaje loo teḛje mee ɓee’g neelé ɓa kundaje kor gə́ gɔl sí’g kɔd-kɔd undaje ne naji lə sí ɔmje dɔ dee’g.

Tagə́maji gə́ Ja̰ ndang 15:20

Arje meḛ sí olé dɔ ta gə́ ma m’ula sí’g lé: Kura lé a kur dɔ ɓéeje’g el. Ɓó lé deḛ d’ula kəm-ma ndòo ndá d’a kula kəm sí-seḭ ndòo tɔ, ɓó lé d’aa dɔ ta ləm kər-kər ndá d’a kaa dɔ ta lə sí-seḭ kər-kər tɔ.

Tagə́maji gə́ Ja̰ ndang 16:2

D’a kun sí tɔb sí mee kəi-kwa-dɔ-na̰je’g, nana ɓa gə́ tɔl sí kara mee ndəa gə́ a gə ree lé a kḛji mée’g pana: Neḛ n’ra né n’ar Ala ya.

Néra Njékaḭkulaje 21:11

Yeḛ ree rɔ sí’g ndá un ndar lə Pool tɔ ne gɔlee gə jia-yeḛ ya ɓa tel pana: Aa ooje, ta gə́ Ndilmeenda riba dəa lé ɓa nee: Dəw gə́ njendar neelé Jibje d’a teá ne togə́bè Jerusalem’g ɓó gə kulá ne ji njépole-magəje’g ya.

Néra Njékaḭkulaje 7:54

Loo gə́ d’oo ta nee ndá oŋg ḭ meḛ dee’g jugugu, ar dee d’usɔ ŋgaŋ dee dɔ Etien’g pəgərə-pəgərə.

Néra Njékaḭkulaje 9:16

Tɔɓəi ma nja m’a tɔjee loo némeeko̰ gə́ a kiŋgá gə mbata lə no̰’m gə́ yeḛ a kunda lé karee oo gao ya ɓəi.

Njé gə́ Pilibə 1:29

Kaji neelé ḭ rɔ Ala’g ya, yeḛ nja ɓa wa sə sí noji gə mba kar sí ɔmje meḛ sí dɔ Kristi’g ɓa goo kára ba el, nɛ mba kar sí ulaje rɔ sí ndòo gə mbata ləa tɔ.

2 Njé gə́ Tesalonikə 1:5

Né neelé ɓa Ala unda ne rɔ rəwta-gaŋg ləa gə́ to gə dɔ najee ar sí, gə mba kar sí asjekəm kwa ɓeeko̰ lə Ala gə́ deḛ d’ula kəm sí ndòo gə mbəa lé gə́ nénduba lə sí.

2 Ja̰ 1:8

Aaje rɔ sí kər-kər mba kar kó kula lə sí tuji el ɓó gə mba kiŋgaje ne nédɔji lə sí doŋgɔ moŋgoŋgo̰ ya.

Loo gə́ killa rea kəm Ja̰’g 1:9

Ma, ŋgoko̰ si gə́ Ja̰ m’to gə́ njeboaloo-si lə si dan néurti’d gə́ ra si ləm, m’ai məəm sam-sam m’ŋgina sə sí ɓeeko̰ lé gin Jeju’g ləm tɔ. Ma nja m’isi gə karm ba dɔgoré-loo gə́ ria ləa lə Patmos. Ta lə Ala gə́ m’ula dee ləm, gə ginta lə Jeju gə́ m’ɔr ləm tɔ lé yee ɓa m’isi ne gə mbəa.

Loo gə́ killa rea kəm Ja̰’g 2:10

Ɓəl nékəmndoo gə́ gə a rai el. Aa oo, njekurai lé a kwa njé gə́ na̰je mbuna sí’g a kila ɗa gɔl sí’g mba kaḭ ne meḛ sí ləm, néurti a ra sí ndɔ dɔg ləm tɔ. Ila ŋgonkoji dɔ Ala’g saar wəi ne, ɓa m’a kari dɔgugu kəmə lé.

Loo gə́ killa rea kəm Ja̰’g 2:13

Ma m’oo loo-sii ləm, ma m’gər gao kalimbai lə Njekurai to keneŋ ləm tɔ. I wa rim kɔgərɔ ləm, ndɔ tɔl Antipas, njekɔrginta ləm gə́ to majikoji gə́ deḛ tɔlee ɓee lə sí loo gə́ loo-si Njekurai to keneŋ kara i ya̰ goo meekun ləi el ləm tɔ.