Mark 13:21 - Maktub gə́ To gə Kəmee

²¹ Ɓó lé dəw a kula sí pana: Kristi aar nee əsé yeḛ aar yo bèe kara maji kar sí ɔmje meḛ sí dɔ ta’g ləa el.

Mark 13:21 Iomraidhean Croise

Matiyo 24:5

Mbata dəwje bula d’a ree gə rim, d’a pana: Neḛ n’toje gə́ Kristi. Ndá d’a su ne kəm dəwje bula ya.

Mark 13:20

Ndəaje neelé ɓó lé Mbaidɔmbaije a rəm ne karee nai gwɔji el ndá dəw-kunda lə Ala gə́ kára kara a kaji el, nɛ yeḛ rəm gə ndəaje neelé ya̰ aree nai gwɔji ya mbata lə deḛ gə́ yeḛ mbər dee unda dee gə kəmee lé tɔ.

Mark 13:22

Mbata njéndaji kəm Kristije gə́ ŋgɔm ləm, gə njétakorije ləm tɔ lé d’a kḭ gə mba ra nékɔbje gə némɔrije mba su ne kəm loo, banelə d’a su ne kəm deḛ gə́ to gə kəmee ya tɔ.

Lugu 21:8

Jeju un ta ula dee pana: Meḛ sí dɔ rɔ sí’g mba kar dəw kára kara su kəm sí el. Njé gə́ na̰je d’a kun rim ree ne d’a pana: To ma nja ndá ndəa nai dəb ya. Nɛ ndolèje goo dee el.

Tagə́maji gə́ Ja̰ ndang 5:43

Ma m’ree gə ri Bɔm nɛ seḭ wamje gə́ rɔ sí’g el, ɓó lé dəw gə́ raŋg ɓa ree gə ria-yeḛ ndá seḭ a teaje sagm ya.