Mark 12:14 - Maktub gə́ To gə Kəmee

¹⁴ Deḛ ree rəa’g d’un ta dəjee pana: Mbai, jeḛ n’gər gao i lé to kankəm dəw gə́ gəd ya, i to gə́ njeɓel kəm dəw kára kara el ləm, i to gə́ njekɔr kəm dəw kára kara el ləma, I ndoo dee rəw lə Ala lé gə goo rəbee ya ləm tɔ. Bèe ŋga see kuga lar-gədɓee lə Sesar lé see to né gə́ kəm ra əsé to né gə́ kəm ra el wa. See j’a kuga səa əsé j’a kuga səa el wa.

Mark 12:14 Iomraidhean Croise

2 Sôrta Gḭka Israɛlje 18:13

Mise tel ilá keneŋ pana: Njesigənea̰ to Njesikəmba! M’a pata né gə́ mee Ala ləm ndigi pa ɓa.

2 Sôrta Gḭka Israɛlje 19:7

Ɓasinè, maji kar ɓəl lə Njesigənea̰ ɔm dɔ sí’g, undaje kəmkàr dɔ rɔ sí’g mbata rɔ Njesigənea̰, Ala lə sí lé néra gə́ kori-kori godo keneŋ ləm, yeḛ ɔr kəm dəwje gə goo maji lə deḛ gə́ raga ba el ləma, yeḛ ndigi néndogo-gel el ləm tɔ.

Nehemi 9:37

Dɔ naŋg lé ar némajije ləa ḭ dɔ maree’g gə́ kédé-kédé Ar mbaije gə́ i ar sí j’ulaje dɔ sí n’raje né j’ar dee lé Mbata kaiyaje lə sí ya, Deḛ d’o̰ dɔ darɔ sí ləm, Gə dɔ nékulje lə sí ləm tɔ To gə́ meḛ dee ndigi Ndá jeḛ ɓa j’isi dan boo-nékəmndoo’g ya.

Pakɔsje 120:2

Njesigənea̰, maji kari ɔrm ji njétaŋgɔmje’g ləm, Gə ji deḛ gə́ ndo̰ dee pata su ne kəm loo ləm tɔ.

Pakɔsje 55:21

Yeḛ ula jia ndiŋ Mba kunda deḛ gə́ d’isi səa lɔm kédé ləm, Ndu manrɔ ləa kara yeḛ un kəmee dɔ’g rəw ya ləm tɔ.

Jeremi 42:20

Seḭ nja seḭ suje kəm rɔ sí mbata seḭ ulamje rɔ Njesigənea̰, Ala’g lə sí mba pa pana: M’ra ndòo rɔ Njesigənea̰ Ala’g lə sí mbata lə sí ləm, m’ula sí taje lai gə́ Njesigənea̰, Ala lə sí pa lé ləm tɔ ndá seḭ a raje née ya.

Misee 3:8

Nɛ ma lé gə goo ndil Njesigənea̰ ndá Siŋgam to kɔgərɔ-kɔgərɔ, Néra gə́ gə dɔ najee gə siŋgamoŋ taa rɔm pəl-pəl Gə mba karm m’riba ne dɔ néramajel lə Jakobje ləm, Gə kaiya ra Israɛlje ləm tɔ.

Matiyo 22:16

Deḛ d’ula njékwakila deeje ləm, gə herodiḛje ləm tɔ rəa’g d’ar dee d’ulá pana: Mbai, jeḛ n’gər gao to gə́ i lé to kankəm dəw ya ləm, i ndoo dəwje kankəmta lə Ala gə goo rəbee, ɓəl ne kəm dəw kára el ləm tɔ mbata i lé rɔ dəwje gə́ raga ɓa kəmi wəi dɔ’g el.

Matiyo 22:17

Ta gə́ to neelé maji kar i ula sí woḭ ya. See kuga lar-gədɓee gə Sesar lé see to né gə́ kəm ra əsé to né gə́ kəm ra el wa.

Mark 12:13

Waga ndá d’ula Parisiḛje gə Herodiḛje gə́ na̰je rəa’g mba kar dee ndo̰ təa.

Mark 12:15

Jeju gər ta-hulai lə dee gao aree ila dee keneŋ pana: Gelee ban ɓa seḭ aḭje məəm bèe wa. Unje ŋgon lar gə́ ndá kára gə́ nee amje m’oo.

Mark 14:45

Loo gə́ Judas teḛ keneŋ ndá yeḛ rəm pər gə́ rɔ Jeju’g ulá pana: Mbai! Ɓa yeḛ ɔd il ɓɔlee ɓəi.

Lugu 20:22

See kar sí j’ugaje lar-gədɓee gə Sesar lé see to né gə́ kəm ra əsé to né gə́ kəm ra el wa.

Lugu 23:2

Deḛ d’un ta səgee ne pana: Jeḛ j’iŋga dəw neelé loo sula gə́ yeḛ si sula njé’g lə sí gə mba kar dee d’ḭ gə njeko̰ɓee, ɔg dee dɔ kuga lar-gədɓee gə Sesar ləm, yeḛ pana: Neḛ nja n’to Kristi gə́ n’to mbai gə́ boi lé ləm tɔ.

Tagə́maji gə́ Ja̰ ndang 7:18

Yeḛ gə́ pata gə mbaiyee-kea̰ ndá saŋg rɔnduba gə́ wɔji dəa-yeḛ nja gə dɔrea. Nɛ yeḛ gə́ saŋg rɔnduba gə́ wɔji dɔ dəw gə́ njekulá lé ndá yeḛ to kankəm dəw ya, néra gə́ gə goo rəbee el kára kara godo mée’g.

Njé gə́ Rɔmə 13:6

Yee gə́ bèe ɓa seḭ ugaje ne négədɓee gə mbəa tɔ. Mbata njéko̰ɓeeje lé loo gə́ deḛ ra kula lə dee d’aree ɔr rɔd ndá deḛ to kuraje lə Ala ya.

2 Njé gə́ Kɔrḭtə 2:17

Mbata jeḛ lé jeḛ n’tel ta lə Ala j’ila gel asəna gə ka̰ dəwje gə́ raŋg gə́ ra togə́bè lé el. Nɛ jeḛ ndá ne meḛ sí kaḭ m’pa ne ta mbata lə Ala ləm, jeḛ j’ɔm na̰’d gə Kristi m’pa ne ta no̰ Ala’g ləm tɔ.

2 Njé gə́ Kɔrḭtə 2:2

Ɓó lé m’ula kəm sí ndòo ndá see na̰ ɓa askəm kam rɔlel wa. See to yeḛ gə́ m’ula kəmee ndòo lé el wa.

2 Njé gə́ Kɔrḭtə 4:1

Gelee gə́ neelé ɓa, jeḛ gə́ Ala ɔm kula neelé ji sí’g gə goo meekɔrjol ləa lé meḛ sí ila ne kas el.

2 Njé gə́ Kɔrḭtə 5:11

Jeḛ gə́ n’gər loo ɓəl Mbaidɔmbaije lé jeḛ j’oma̰ gə dəwje mba kar dee d’un ne meḛ dee. Ala gər ndaa sí gao ləm, məəm to yel gə́ dɔ sí’g m’pana: Seḭ nja kara ta gə́ meḛ sí’g ɓa ar sí gərje ne ndaa síjeḛ gao ləm tɔ.

2 Njé gə́ Kɔrḭtə 5:16

Togə́bè ɓa un ginee ɓasinè lé jeḛ n’gər dəw kára kara gə goo darəa el. Kristi kara ɓó lé jeḛ n’gəree gə goo darəa kédé lé ndá ɓasinè j’a gəree togə́bè el tɔ.

Njé gə́ Galati 1:10

Ɓasinè lé see dəwje ɓa ma m’saŋg loo mba kar dee d’ɔr ta ləm maji əsé Ala wa. See ma m’saŋg loo mba taa kəm dəwje wa. Ɓó lé m’ra né mba taa ne kəm dəwje ɓəi ndá m’a to kura lə Kristi el.

Njé gə́ Galati 2:6

Deḛ gə́ to gə́ njékɔrno̰ deeje lé lé deḛ to gə́ ban-ban kédé lé ma m’ɔr ne kəm dee el: mbata Ala lé ɔr kəm dəw kára kara el tɔ, deḛ gə́ to gə́ njékɔrno̰ deeje lé kara d’ila ta kára gə́ raŋg dɔm’g gə mbəa el tɔ.

Tel tura Godndu 16:19

Né gə́ to ka̰ dəw lé seḭ a bugureje dɔ’g el ləm, seḭ a kɔrje kəm dəwje gə goo maji lə darɔ dee gə́ raga ba el ləma, seḭ a taaje néndogo gel el ləm tɔ mbata néndogo gel lé tɔ kəm njékəmkàrje ləm, tuji taje gə́ gə goo rəbee ləm tɔ.

1 Njé gə́ Tesalonikə 2:4

Nɛ to gə́ Ala nja oo sí gə́ dəwje gə́ kəm kila mber Tagə́maji lé ɓa ɔm kula neelé ji sí’g ɓəi ndá jeḛ j’ɔr taree mba n’taa ne kəm Ala ya, yeḛ gə́ njenaa meekuru lə sí ɓó mba taa ne kəm dəwje ba el.