Mark 11:14 - Maktub gə́ To gə Kəmee

¹⁴ Yen ŋga, yeḛ un ta pa gə kodé lé pana: Maji kar dəw kára kara sɔ ka̰di gogo pai godo. Njékwakiláje d’oo ta gə́ yeḛ pa lé tɔ.

Mark 11:14 Iomraidhean Croise

Matiyo 21:19

Jeju aa loo oo kodé dɔ ji rəw gə́ wala bèe. Yeḛ aw pər gə́ keneŋ ndá kamee ɓa yeḛ oo. Yen ɓa yeḛ pana: I a kandə gogo el nja saar gə no̰. Léegəneeya kodé lé wəi wuu, tudu kurum.

Matiyo 21:33

Urje mbi sí ooje ne gosota gə́ raŋg tɔɓəi. Dəw kára gə́ to njekəi si gən wa ndɔ-nduú. Yeḛ ula ŋgalaŋ giree’g siŋ-siŋ ləm, ra loo mbula mán-nduú ləma, uru pal ləm tɔ. Yeḛ wa ndɔ-nduú neelé ula ji njéndəaje’g ndá ɔd par aw dɔɓee gə́ raŋg.

Matiyo 21:44

Nana ɓa gə́ a koso dɔ mbal’g neelé ndá a təd rəa keneŋ njigi-njigi ya, nɛ dəw gə́ rara ɓa mbal neelé a koso dəa’g ndá a rədee naŋg mbə̰ji-mbə̰ji ya tɔ.

Matiyo 3:10

Tina to ŋgira kagje’g béréré-béréré mba̰. Kag gə́ rara ɓa gə́ andə gə ka̰dee gə́ maji el ndá d’a tuga badə gaŋg kila pər’d.

Matiyo 7:19

Kag gə́ rara gə́ andə gə ka̰dee gə́ maji el ndá d’a tuga badə gaŋg kila pər’d.

Mark 11:13

Yeḛ aa loo oo kodé gə́ kamee idi keneŋ nu bèe ndá yeḛ ɔd aw keneŋ mba koo ɓó banelə kiŋga né keneŋ, loo gə́ yeḛ ree pər gə́ gelee’g ndá yeḛ oo kamee ba mbata to naḭ kandə lə kodé el ɓəi.

Mark 11:15

Loo gə́ deḛ teḛ Jerusalem mba̰ ndá Jeju andə mee kəi-Ala’g. Yeḛ un kudu tuba deḛ gə́ d’isi rab néje lə dee mee kəi-Ala’g ləm, gə deḛ gə́ ndogo sə dee ləm tɔ. Yeḛ tila tabulje lə njémbél-larje ləm, gə tila nési lə njérab-dərje bigiri-bigiri ləm tɔ.

Tagə́maji gə́ Ja̰ ndang 15:6

Nana ɓa gə́ nam kaarm’g el ndá d’a kilá kɔrɔ asəna gə barkəm nduú ndá yeḛ a tudu kurum-kurum. Tɔɓəi d’odo barkəm nduúje gə́ tudu lé d’ɔm dee dɔ na̰’d roo dee dula-dula tɔ.

2 Piɛrə 2:20

Tɔgərɔ ya, deḛ gə́ gər Mbaidɔmbaije lə sí Jeju Kristi, yeḛ gə́ Njekaji sí ɓa d’ḭ ne dan néje gə́ mina̰ gə́ dɔ naŋg nee d’unda ne loo teḛ lé ɓó lé deḛ tel d’unda rɔ dee keneŋ d’aree dum dee tɔɓəi ndá tel dɔ néra dee gə́ gogo lé a ree majel dɔ dee’g unda nje gə́ kédé ŋga.

Loo gə́ killa rea kəm Ja̰’g 22:11

Dəw gə́ nérea to kori-kori ndá maji kar nérea to kori-kori ɓəi. Dəw gə́ nérea to né gə́ mina̰ ndá maji kar nérea to né gə́ mina̰ ya ɓəi tɔ. Dəw gə́ njemeekarabasur lé maji kar nérea to gə dɔ najee ɓəi ləm, dəw gə́ njemeenda lé maji karee unda rəa gə kəmee ya ɓəi ləm tɔ.