Mark 10:40 - Maktub gə́ To gə Kəmee

⁴⁰ Nɛ ka̰ si dɔ jikɔlm’g gə dɔ jigelm’g ɓa yḛ̀, ma ɓa gə́ njekwɔji rəbee el. Loo neelé d’unda gə kəmee d’wɔji ne dɔ deḛ gə́ d’a gə kiŋga lé ya.

Mark 10:40 Iomraidhean Croise

Matiyo 13:11

Jeju tel ila dee keneŋ pana: Seḭ nja, d’ar kəm sí inja mba kar sí gərje ne ta lə ɓeeko̰ gə́ dara gə́ to loo-kiya’g ɓəi, deḛ lé d’ar kəm dee inja dɔ’g el ɓəi.

Matiyo 20:23

Jeju tel ila dee keneŋ pana: To tɔgərɔ ya, né gə́ mee ŋgo-kai-mán’g ləm lé seḭ a kaije ya nɛ ka̰ si dɔ jikɔlm’g gə dɔ jigelm’g lé ma ɓa gə́ njekar dəw el. Deḛ gə́ Bɔm nja wa dɔ gɔlee ar dee ɓa d’a kiŋga ɓəi.

Matiyo 25:34

Yen ŋga, mbai a ree kula deḛ gə́ d’isi dɔ jikɔlee’g lé pana: Seḭ gə́ Bɔm tɔr ndia dɔ sí’g lé ree taaje ɓee o̰je, to ɓeeko̰ gə́ d’wa dɔ gɔlee d’wɔji ne dɔ sí ndɔ gə́ d’un kudu tum ne gin naŋg neelé ya.

Tagə́maji gə́ Ja̰ ndang 17:2

Gə goo dɔmoŋ gə́ i ula dɔ Ŋgoni’g aree to ne dəw dɔ dəwje lai-lai lé togə́bè ɓa deḛ lai gə́ i ɔm dee jia’g lé yeḛ a kar dee d’isi gə kəməgə́ gə no̰ lé tɔ.

Tagə́maji gə́ Ja̰ ndang 17:24

Bɔm, loo gə́ m’a si keneŋ lé ma m’ndigi kar deḛ gə́ i am dee lé d’isi səm keneŋ to mba kar dee d’oo ne rɔnduba ləm, to rɔnduba gə́ i ula dɔm’g mbata i undam dan kəmi’g kédé par-par ɓa i tum gin naŋg nee ɓəi.

Néra Njékaḭkulaje 1:7

Yeḛ tel ila dee keneŋ pana: Bɔm nja wɔji ndəa gə kàree to gə́ mée ndigi ɓó to ta lə sí-seḭ ɓa gə mba gər ndəa əsé kàree el.

Ǝbrəje 11:16

Nɛ ɓasinè lé deḛ ndiŋga ɓee gə́ maji ur dɔ nje gə́ kédé’g, yee ɓa gə́ ɓee gə́ dara. Gelee gə́ nee ɓa rɔ Ala kul ne el, ar dee ɓaree ne Ala lə dee mbata yeḛ gɔl ɓee-boo ar dee mba̰.