Mark 10:22 - Maktub gə́ To gə Kəmee

²² Loo gə́ dəw neelé oo ta neelé ndá yeḛ mi mbidi-mbidi, ɔd mbiriŋ, mbata yeḛ to gə́ njenébaoje gə́ tur dɔ loo.

Mark 10:22 Iomraidhean Croise

Ejekel 33:31

Deḛ d’aw rɔi’g bula ndá koso-dəwje lə neḛ d’isi naŋg nɔḭ’g, d’oo taje gə́ ḭ tai’g nɛ deḛ ra née el mbata ta dee ɓa deḛ su ne kəm loo ləm, d’ya̰ meḛ dee yag gə́ dɔ mal néje’g gə goo rəbee el ləm tɔ.

Matiyo 13:22

Kandə kər gə́ oso mee kun’g lé to asəna gə dəw gə́ oo ta neelé ya nɛ tor ta gə́ wɔji dɔ naŋg nee gə takə̰ji gə́ wɔji dɔ nébaoje ɓa yeḛ la̰ji mée’g aree tuji ta neelé ɔgee ne loo teḛkɔr ŋgia̰ ne ŋgɔsɔrɔ.

Matiyo 19:22

Loo gə́ basa lé oo ta neelé ndá yeḛ mi mbidi-mbidi ɔd mbiriŋ aw mbata yeḛ to njenébaoje gə́ dum dɔ loo.

Matiyo 27:3

Yen ŋga Judas, yeḛ gə́ njekun dɔ Jeju lé yeḛ oo to gə́ gaŋgta dɔ Jeju’g mba̰ ndá lé dumee təs aree tel gə larnda gə́ rɔ-munda lé aw ne ar mbai dɔ njékinjanéməsje-je gə ŋgatɔgje lé

Mark 10:21

Jeju aa kəmee gərərə undá dan kəmee’g ndá ulá pana: Né kára lali ɓəi. Ɔd aw ndogo néje ləi lai ya̰ laree ar njéndooje ɓa i a kiŋga nébao ləi ɓee gə́ dara ɓəi. Tɔɓəi ɔd ree goom’g.

Mark 10:23

Jeju aa kəm dee njal ɔr ndá ula njékwakiláje pana: Kar baoje d’aw mee ɓeeko̰’g lə Ala lé a to né gə́ lé a kuba mu el!

Mark 6:20

Nɛ yeḛ askəm tɔlee el mbata Herɔdə lé ɓəl Ja̰ ləm, yeḛ gəree gə́ dəw gə́ njemeekarabasur gə njemeenda ləm tɔ. Yeḛ aḭ bada dəa’g tɔɓəi loo gə́ yeḛ ɓaree gə mba koo ta ləa lé ndá ta ləa lelee ya nɛ yeḛ maḭ gə́ rəa dəa’g ta-ta tɔ.

Mark 6:26

Mbai lé wa ndòo rəa dɔ ta’g neelé, nɛ rəa gə́ yeḛ man bər-bər ləm, gə njéboanésɔje ləa gə́ d’isi keneŋ ləm tɔ lé yee ɓa aree oo ne loo kɔgee ne el.

Lugu 12:15

Tɔɓəi yeḛ tel təa ula dee pana: Undaje rɔ sí ɓad dɔ nékəmkəḭ gə́ rara kara, mbata nékiŋga gə́ dəw sí danee’g bèdèg ɓa gə́ kuma̰ karee si ne gə kəmə lé el.

Lugu 18:23

Loo gə́ dəw neelé oo ta nee ndá yeḛ mii mbidi, mbata yeḛ to njenébaoje gə́ tur dɔ loo.

2 Njé gə́ Kɔrḭtə 7:10

Tɔgərɔ ya, nékəmndoo gə́ Ala nja wɔji ɓa ar dəw wa ne ndòo rəa dɔ kaiya’g ləa mba teḛ ne rəw-kaji’g, ɓó a tel kɔm rəd gogo el. Nɛ nékəmndoo gə́ ka̰ naŋg nee ɓa oji yoo.

Njé gə́ Epesə 5:5

Maji kar sí gərje gao, dəw gə́ rara gə́ to njemɔdkaiya ləm, əsé njekəmnda ləma, əsé njekwəi-yoo-lar gə́ oo lar asəna gə magəpole ləm tɔ lé deḛje neelé d’askəm kila gɔl dee ɓeeko̰’g lə Kristi gə Ala el.

2 Timote 4:10

Demas lé ubam ya̰’m mba̰ mbata néje gə́ naŋg nee ɓa wa mée aree ḭ əd Tesalonik mba̰. Kresens əd Galati ləm, Titə kara əd Dalmati sèn ləm tɔ.