Mark 10:14 - Maktub gə́ To gə Kəmee

¹⁴ Loo gə́ Jeju oo togə́bè ndá yeḛ oso gə oŋg biriŋ, tɔɓəi ula dee pana: Ya̰je rəw arje ŋganje ree rɔm’g ɓó tuba deeje el, mbata ɓeeko̰ lə Ala lé to mba deḛ gə́ to tana sə dee bèe ya.

Mark 10:14 Iomraidhean Croise

Gḭ-Néje 17:7

M’a kar ta manrɔ ləm tɔ mbuna sí jeḛ səi gə mbuna ŋgakaije gə́ d’a gə korè gooi gə goo ŋgaka deeje. Ta manrɔ neelé a to gə́ kédé-kédé gə no̰ mba karm m’to ne Ala ləi ləm, gə ka̰ ŋgakaije gə́ d’a gə korè gooi ləm tɔ.

Pakɔsje 78:4

J’a kiya dəa gə ŋgan deeje el, Ta pidi Njesigənea̰ ləm, Gə ta siŋgamoŋ ləa ləma, Gə néreaje gə́ dumkoo gə́ yeḛ ra ləm tɔ lé J’a pa taree kar ŋgaka deeje gə́ gogo.

Esai 65:23

Deḛ d’a ra kula karee nai rɔ dee’g kari ba el ləm, D’a koji ŋganje kar dee tuji el ləm tɔ, Mbata d’a to ginka dəwje gə́ Njesigənea̰ tɔr ndia dɔ dee’g Gə dɔ ŋgan deeje’g sə dee na̰’d.

Bula lə Israɛlje 14:31

Tɔɓəi ŋgan mee ŋgan síje gə́ seḭ pajena: D’a tel to gə́ nékwaje lə dəwje lé, deḛ nja d’a kandə mee ɓee gə́ seḭ mbadeeje lé tɔ.

Matiyo 18:10

Meḛ sí dɔ rɔ sí’g nà seḭ a kulaje sul dɔ ŋgon kára gə́ mbuna mareeje’g neelé mbata ma m’ula sí təsərə, kuraje lə dee gə́ dara d’aar nderəm ta Bɔm gə́ si dara lé.

Matiyo 18:4

Togə́bè ɓa nana ɓa gə́ a kula dəa asəna gə ŋgon gə́ gɔ neelé ndá yeḛ neelé a to njekur dɔ maree’g mee ɓeeko̰ gə́ dara ya.

Matiyo 19:14

Jeju ula dee pana: Ya̰je ŋganje neelé ar deeje ree rɔm’g ɓó ɔg deeje rəw el, mbata ɓeeko̰ gə́ dara lé to mbata lə deḛ gə́ to d’asəna sə dee bèe ya tɔ.

Matiyo 5:10

Deḛ gə́ mar deeje d’ula kəm dee ndòo mbata néra dee gə́ to gə dɔ najee lé rɔ dee lel dee, Mbata ɓeeko̰ gə́ dara to ka̰ dee-deḛ ya.

Matiyo 5:3

Deḛ gə́ d’ula dɔ dee lé rɔ dee lel dee, Mbata ɓeeko̰ gə́ dara to ka̰ dee-deḛ ya.

Mark 3:5

Yen ŋga Jeju aa kəm dee njal ɔr, nɛ mée ḭ səa pu mbata meendər lə dee tɔ ndá yeḛ ula dəw gə́ jia wəi wɔ neelé pana: Ndɔji jii ra̰daŋ.

Mark 8:33

Nɛ Jeju tel kəmee bir-bir gə́ rɔ njékwakiláje’g ndaŋg Piɛrə ulá pana: Njekurai, ɔd tam’g gə́ gogo! Takə̰ji ləi wa bua ka̰ dəwje ɓa ɓó wa bua ka̰ néje lə Ala ɓa el.

Tagə́maji gə́ Ja̰ ndang 3:3

Jeju tel ilá keneŋ pana: Ma m’ulai təsərə, ɓó lé dəw a tel kar dee d’ojee gogo sigi el ndá yeḛ a koo ɓeeko̰ lə Ala lé gə kəmee el.

Tagə́maji gə́ Ja̰ ndang 3:5

Jeju tel ilá keneŋ pana: Ma m’ulai təsərə ya, ɓó lé mán gə ndil to gə́ gin koji dəw el ndá yeḛ a kaskəm kula dəa ɓeeko̰’g lə Ala wɔr el.

Néra Njékaḭkulaje 2:39

Mbata ndukun lé wɔji dɔ sí-seḭ ləm, gə dɔ ŋgan síje ləma, gə dɔ deḛ lai gə́ d’isi ŋgərəŋ, deḛ lai gə́ Ala lə sí a gə ɓar dee gə mbəa lé ləm tɔ.

Néra Njékaḭkulaje 3:25

Seḭ lé seḭ toje ŋgalə njéteggintaje gə manrɔ gə́ Ala man ne rəa ar ka síjeḛ lé wɔji dɔ sí tɔ, to gə́ yeḛ ula Abrakam pana: Ŋgaka dəwje lai dɔ naŋg lé d’a kiŋga dɔkaisəgərə rɔ ŋgakaije’g ya.

Njé gə́ Rɔmə 11:16

Ɓó lé kó néje gə́ dɔtar ya to maji péd-péd ndá geseeje gə́ raŋg kara d’a to maji togə́bè tɔ. Ɓó lé ŋgira kag to ɓṵdu-ɓṵdu ndá barkəmeeje lai kara d’a kuba pur-pur tɔ.

Njé gə́ Rɔmə 11:28

Tagə́maji neelé deḛ to njékɔsee rəwje gə mbata lə sí-seḭje ya. Nɛ kɔr gə́ yeḛ ɔr ka deeje kédé lé yee ɓa yeḛ ndigi dee ne unda dee dan kəmee’g ɓəi.

1 Njé gə́ Kɔrḭtə 14:20

Ŋgakɔmje, ta gə́ wɔji dɔ kɔr kəm ta lé maji kar sí tɔgje dɔ’g kaŋ-kaŋ ɓó telje ŋganje keneŋ el. Ta gə́ yèr ɓa maji kar sí toje ŋganje gə́ kas dɔ’g.

1 Njé gə́ Kɔrḭtə 7:14

Diŋgam gə́ un mée el ɓəi lé mbɔl dɔ dené ɓa yeḛ tel ne dəw gə́ to gə kəmee, dené gə́ un mée el ɓəi kara mbɔl dɔ ŋgabeeje ɓa yeḛ tel ne dəw gə́ to gə kəmee to. Ɓó lé seḭ raje togə́bè ndá ŋgan síje d’a kàr raŋg-raŋg nɛ ɓó lé seḭ raje togə́bè el ndá ŋgan síje d’a kàr el tɔ.

Njé gə́ Epesə 4:26

Ɓó lé oŋg ḭ sə sí ndá raje ne kaiya el ləm, arje kàr andə sí dɔ oŋg’g lə sí el ləm tɔ.

Tel tura Godndu 4:37

Yeḛ unda bɔ síje-je dan kəmee’g ləm, yeḛ mbər ŋgaka deeje gə́ goo dee’g ləm tɔ, gə goo boo siŋgamoŋ ləa lé ɓa yeḛ ar sí undaje ne loo mee ɓee gə́ Ejiptə teḛje ya,

2 Timote 1:5

Meem to kəmba dɔ meekun’g ləi gə́ i wa məəi dɔ’g ɓiri to gə́ ka̰ kaije Loyis gə kɔinje Enisə lé tɔ. Ma m’gər gao meekun ləi aw gə ka̰ dee-deḛ na̰’d ya.

2 Timote 3:15

Maktub gə́ to gə kəmee lé i ndoo gə ka sí ba, maktub neelé askəm kar kəmi inja dɔ kaji’g gə goo meekun ləi gin Jeju Kristi’g.

Jujé 8:35

Taje lai gə́ Moyis un ndia dɔ’g lé Juje tura kəm koso-dəwje gə́ Israɛl lai, kəm denéje, gə ŋganje, gə dəw-dɔ-ɓeeje’d gə́ njaa mbuna dee’g ləm tɔ lé ɓó ta kára kara gə́ yeḛ lal tura lé godo ya.

1 Piɛrə 2:2

To gə́ ŋgur kil mbà ra ŋganje gə́ kas ŋgwɔd-ŋgwɔd lé maji kar ŋgur kankəmta ra sí togə́bè tɔ, mba kar sí raje ne tɔg gə́ kédé-kédé dɔ kaji’g,

Loo gə́ killa rea kəm Ja̰’g 14:5

D’oo taŋgɔm kára kara ta dee’g el mbata deḛ to dəwje gə́ ta kára kara wa dɔ dee el.

1 Samel 1:11

Yeḛ man rəa ar Njesigənea̰ pana: Njesigənea̰ gə́ njeboo-néje, ɓó lé i ndigi ndá oo kəmtondoo lə kura ləi gə́ dené ləm, ɓó lé i ar məəi olé dɔm’g ɓó ar məəi wəi dɔ ŋgonjelookisi’g ləi gə́ dené el ləma, ɓó lé i ar ŋgonjelookisi ləi ŋgon gə́ diŋgam ləm tɔ ndá m’a kundá gə kəmee kar Njesigənea̰ saar yeḛ a kwəi ne. Yiŋga kara a kinja yiŋga dəa bur el ləm tɔ.

1 Samel 1:22

Nɛ An ɓa aw el ndá yeḛ ula ŋgabeeje pana: Loo gə́ ŋgon lé əw mbà ɓa m’a kaw səa kaw kundá gə kəmee kar Njesigənea̰ mba karee nai keneŋ saar gə no̰ ɓəi.