Mark 10:1 - Maktub gə́ To gə Kəmee

¹ Jeju ḭ loo gə́ nee’g aw dɔ naŋg gə́ Jude gir baa gə́ Jurdɛ̰. Boo-dəwje mbo̰ dɔ na̰ rəa’g tɔɓəi ndá yeḛ un kudu ndoo dee ta, to gə́ nérea gə́ yeḛ ra ta-ta ya.

Mark 10:1 Iomraidhean Croise

Njekillamber 12:9

Njekilamber lé to gə́ njekəmkàr ɓa goo kára ba el nɛ yeḛ ndoo koso-dəwje loo gər-gin-né ləm, yeḛ tən gosotaje bula ləm, yeḛ ə̰də gel dee ləma, yeḛ unda dee gə nduree-nduree ləm tɔ.

Jeremi 32:33

Deḛ tel gir dee d’ila d’am ɓó d’oom gə kəm dee el. Deḛ ndoo dee né teḛ gə ndɔ rad ya ndoo dee ya nɛ deḛ d’ur mbi dee mba taa ne tandoo lé el.

Matiyo 26:55

Yen ŋga Jeju ula boo-dəwje neelé pana: See teḛje gə kiambasje gə ɗuguru-kagje ji sí’g kel-kel mba kwamje ne asəna gə gayim-ɓogo bèe wa. Gə ndɔm-ndɔm m’isi mbuna sí’g m’ndoo sí né mee kəi-Ala’g lə sí, nɛ seḭ wamje keneŋ peb el.

Matiyo 4:23

Jeju gugu mee ɓeeko̰ gə́ Galile ndá yeḛ ɔr goo tagə́maji gə́ wɔji ne dɔ ɓeeko̰ lé ndoo dee ne mee kəi-kwa-dɔ-na̰je’g lə dee ləm, rɔko̰ gə́ rara gə néyooje gə́ rara gə́ ra dəwje lé kara yeḛ ɔr rɔ dee’g ləm tɔ.

Mark 1:21

Deḛ d’ɔd d’aw ɓee gə́ Kapernawum. Ndɔ-kwa-rɔ lé Jeju andə aw mee kəi-kwa-dɔ-na̰’g ndá yeḛ ndoo dəwje ta keneŋ.

Mark 10:2

Parisiḛje rəm pər gə́ rəa’g dəjee ta gə mba kaḭ ne mée pana: See kar diŋgam tuba dené ləa see to né gə́ kəm ra wa.

Mark 12:35

Jeju un ta si ndoo dee mee kəi-Ala’g kəmee gə́ kédé-kédé ndá yeḛ dəji dee pana: See gelee ban ɓa njéndaji-maktubje pana: Kristi lé to ŋgon Dabid wa.

Mark 14:49

M’isi sə sí gə ndɔm-ndɔm m’ndoo sí né mee kəi-Ala’g nɛ seḭ wamje gə ji sí peb ndɔ kára bèe el. Yee gə́ nee ɓa to mba kar ta gə́ to mee maktub gə́ to gə kəmee lé aw ne lée’g béréré ya.

Mark 2:13

Jeju tel aw ta koŋgo baa-boo’g ya tɔɓəi. Boo-dəwje d’ḭ kəmlə-kəmlə d’aw rəa’g ndá yeḛ ndoo dee ta.

Mark 4:2

Yeḛ ndoo dee néje gə́ ɓəd-ɓəd gə gosota ula dee pana:

Mark 6:2

Yeḛ aw kəi-kwa-dɔ-na̰’g gə ndɔ-kwa-rɔ gə mba ndoo dee ta. Dəwje bula gə́ d’oo ta ləa lé kaar dee wa dee paḭ-paḭ ar dee dəji na̰ ta wédé-wédé pana, see ta néje gə́ yeḛ pa lé see ḭ ne ra wa. See kəmkàr ləa neelé ḭ ne rɔ na̰’g wa. See némɔrije gə́ yeḛ ra gə jia neelé ginee to gə́ banwa.

Mark 6:34

Loo gə́ Jeju unda loo mee to’g teḛ aa loo oo boo-dəwje gə́ bula digi-digi lé ndá mée tɔsee gə no̰ mbigi-mbigi dɔ dee’g mbata yeḛ oo dee asəna gə badje gə́ njekul dee godo. Bèe ɓa yeḛ un kudu ndoo dee ne néje ɓəd-ɓəd loo bula tɔ.

Mark 6:6

Kaaree wá paḭ mbata meendər lə dee. Jeju aw gə dɔɓee-dɔɓee gə́ gugu dɔ ɓee ləa lé ndoo dee ta keneŋ.

Tagə́maji gə́ Ja̰ ndang 10:40

Jeju ɔd aw tel gaŋg baa gə́ Jurdɛ̰ aw si tor loo gə́ Ja̰ ra dəwje batɛm keneŋ kédé lé.

Tagə́maji gə́ Ja̰ ndang 11:7

Tɔɓəi yeḛ ula njékwakiláje pana: Ar sí n’telje j’awje Jude.

Tagə́maji gə́ Ja̰ ndang 18:20

Jeju ilá keneŋ pana: Tapam to kəm dəwje’g raga pai-pai. Ma m’ndoo dee ta mee kəi-kwa-dɔ-na̰je’g gə mee kəi-Ala’g loo gə́ Jibje lai mbo̰ dɔ na̰ keneŋ ɓó m’ula dee ta gə goo ŋgəḭ kára kara el.