Mark 1:41 - Maktub gə́ To gə Kəmee

⁴¹ Mee Jeju aw taḭ-taḭ ndá yeḛ ula jia ɔrɔ ne rɔ dəw neelé pana: Ma m’ndigi səi ya, maji kar rɔi tel ɔr ɓə̰dərə-ɓə̰dərə ya.

Mark 1:41 Iomraidhean Croise

Gḭ-Néje 1:3

Ala pana: Maji kar loo àr! Ndá loo àr ya tɔ.

Pakɔsje 33:9

Mbata yeḛ pata ndá Née teḛ gə torndia ya ləm, Yeḛ un ndia ndá Née to keneŋ bèe ya ləm tɔ.

Matiyo 9:36

Loo gə́ yeḛ oo koso-dəwje ndá mée aw taḭ-taḭ mbata yeḛ oo dee asəna gə ŋgan badje gə́ lab ɔr dee ləm, njekul dee kara godo ləm tɔ.

Mark 1:40

Dəw kára gə́ to njeba̰ji aw rɔ Jeju’g, unda barmba naŋg nea̰’g to ne təa’g pəgə-pəgə pana: Ɓó lé məəi ndigi ndá i askəm kar ba̰ji neelé godo rɔm’g péd-péd ya.

Mark 1:42

Léegəneeya ba̰ji lé ɔr rɔ dəw’g lé ɓə̰dərə-ɓə̰dərə, ar rəa to kari péd-péd tɔ.

Mark 4:39

Yeḛ ḭ dɔ ɓi’g ndá ḭ gə lel ndaŋgee ləm, yeḛ pa gə paŋgəm mán baa-boo ləm tɔ pana, Mbim udu, ar loo to mundu ləm tɔ! Léegəneeya lel lé əw rəa kula ləm, dɔ mán toso ɗəḭ-ɗəḭ ləm tɔ.

Mark 5:41

Yeḛ un ji ŋgon lé wa ulá pana: Talita kumi (tel takɔji sí pana: Ŋgon dené, ma nja m’ulai, uba naŋg ḭta).

Mark 6:34

Loo gə́ Jeju unda loo mee to’g teḛ aa loo oo boo-dəwje gə́ bula digi-digi lé ndá mée tɔsee gə no̰ mbigi-mbigi dɔ dee’g mbata yeḛ oo dee asəna gə badje gə́ njekul dee godo. Bèe ɓa yeḛ un kudu ndoo dee ne néje ɓəd-ɓəd loo bula tɔ.

Ǝbrəje 1:3

Yeḛ to bao-ronduba lə Ala ləm, gə njekɔr rəa ləm tɔ. Tapea gə́ ɓar mḭ lé yeḛ gəd ne nékundaje ləa gəd-gəd. Loo gə́ yeḛ ɔr won kaiya gə́ wa naŋg nee mba̰ ndá yeḛ ɔd si dɔ jikɔl Njeboo-ronduba gə́ si sém dara’g.

Ǝbrəje 2:17

Togə́bè ɓa, rəa gə́ yeḛ tel tana gə ŋgabɔbeeje, tana sə dee pai-pai lé gə́ kuma̰ mba karee to ne ŋgɔ-njekinjanéməs gə́ njemeekɔrjol ləm, gə njemeenda londoŋ mba ra kula no̰ Ala’g ləm tɔ mba kuga ne kaiya lə dəwje lé.

Ǝbrəje 4:15

Mbata ŋgɔ-njekinjanéməs lə sí lé askəm gər gin rəm lə sí gao ya mbata yeḛ si dan nékərje gə́ gə ria-ria to gə́ ra sí lé nɛ yeḛ tibi ne mbɔr kaiya el.