Mark 1:32 - Maktub gə́ To gə Kəmee

³² Loo gə́ kàr andə mba̰ ndá d’odo njérɔko̰je gə deḛ gə́ ndilje gə́ yèr d’ula kəm dee ndòo ree sə dee rəa’g,

Mark 1:32 Iomraidhean Croise

Matiyo 4:24

Nea̰ oso loo mbidi-mbidi ɓeeko̰ gə́ Siri. Deḛ d’odo njérɔko̰je, gə deḛ gə́ d’isi gə meeko̰ gə́ gə ria-ria ləm, gə deḛ gə́ ndilje gə́ majel to meḛ dee’g d’ula kəm dee ndòo ləm, gə deḛ gə́ kɔr ra dee ləma, gə deḛ gə́ yoo-ndag unda dee ləm tɔ, d’odo dee lai-lai ree sə dee rəa’g ndá yeḛ aji dee ya.

Matiyo 8:16

Loo gə́ kàr aar dɔ kam’g ler ndá deḛ d’odo njé gə́ ndilje gə́ majel ra dee d’uba sə dee yao-yao. Jeju pata gə ndia ya tuba ne ndilje gə́ majel meḛ dee’g ləm, yeḛ aji njérɔko̰je lai ləm tɔ.

Matiyo 8:17

Togə́bè ɓa ta gə́ njetegginta Esai pa ləw lé aw lée’g béréré mbata yeḛ pana: Yeḛ nja ɓa odo rɔ yooje lə sí ɓugu dəa’g ləm, yeḛ ɔr rɔko̰je lə sí ɔm dəa’g ləm tɔ.

Mark 1:21

Deḛ d’ɔd d’aw ɓee gə́ Kapernawum. Ndɔ-kwa-rɔ lé Jeju andə aw mee kəi-kwa-dɔ-na̰’g ndá yeḛ ndoo dəwje ta keneŋ.

Mark 1:31

Jeju rəm pər gə́ rəa’g ndá yeḛ wa jia unee ne uree tar ar rɔko̰ lé ḭ dəa’g kə̰geŋ ndá yeḛ ḭ ra né ar dee d’usɔ.

Mark 3:2

Deḛ d’unda kəm dee lér-lér gée’g gə mba koo see Jeju a kɔr rɔko̰ rəa’g gə ndɔ-kwa-rɔ wa. Deḛ ra togə́bè gə mba kiŋga ne loo səgee ne.

Lugu 4:40

Loo gə́ kàr uru naŋg sɔrɔg mba̰ ndá deḛ lai gə́ njé’g lə dee d’oso gə rɔko̰je gə́ ban-ban kara d’odo dee ɗṵga-ɗṵga ree sə dee rəa’g. Yeḛ ila jia dɔ dee’g kára-kára lai aji dee ne.

Lugu 4:41

Ndilje gə́ yèr d’unda loo teḛ meḛ dəwje’g bula gə kii ta dee’g wəl-wəl pana: I to Ŋgon-Ala lé nja. Nɛ yeḛ ɔs ta dee’g rəw, ɔg dee loo pea’g mbata deḛ gər gao yeḛ to Kristi lé nja.