Mark 1:26 - Maktub gə́ To gə Kəmee

²⁶ Ndil gə́ yèr lé teḛ mee dəw’g neelé ndá yeḛ oree lərərə-lərərə aree no̰ wəl-wəl ɓa unda loo teḛ mée’g ɓəi.

Mark 1:26 Iomraidhean Croise

Mark 1:25

Jeju ndaŋg ndil gə́ yèr neelé ɓəgəgə ulá pana: Wa tai! ndá teḛ mee dəw’g neelé gə́ raga.

Mark 1:27

Deḛ gə́ d’aar keneŋ lé ta igi dee sel, d’aar jim. Tɔɓəi d’ula ta dee dəji na̰ mbuna na̰’d pana: See né neelé to gə́ ri ɓa bèe wa. See to ta gə́ sigi wa. Yeḛ nja ɓa wa ta ndilje gə́ yèr kara ar dee tel rɔ dee goo ta’g ləa.

Mark 9:20

D’wa ŋgon lé gə́ rəa’g tɔ. Léegəneeya gə́ ŋgon lé un kəmee oo Jeju ndá ndil gə́ yèr lé wá ilá naŋg birig aree nduburu naŋg gururu-gururu ləm, ar əm uba təa’g ndugu-ndugu ləm tɔ.

Mark 9:26

Yen ŋga ndil gə́ yèr neelé wa ŋgon lé mbiree mba̰-mba̰, ra né wəl ɓa unda loo teḛ mée’g ɓəi. Ŋgon lé to sel asəna gə dəw gə́ wəi bèe, ar njé gə́ na̰je pana: Yeḛ wəi mba̰.

Lugu 11:22

Nɛ ɓó lé dəw gə́ njesiŋgamoŋ gə́ ur dəa-yeḛ’g lé ree teḛ dəa’g tədee rém-rém dumee ndá a kiri nérɔje ləa gə́ yeḛ ɔm mée dɔ dee’g rigim ləm, tɔɓəi néje gə́ maree unda banrɔ neelé a kai dəwje pə-pə ləm tɔ.

Lugu 9:39

Ndil gə́ yèr lé uba ŋgon pḛ́ wá mbiree mba̰-mba̰ ləm, ar əm uba təa’g mbugu-mbugu ləma, aree ra né pénéné aw səa saar tədee rug-rug ləm tɔ ɓa ubá wɔg yá̰ ɓəi.

Lugu 9:42

Loo gə́ ŋgon lé unda dɔ Jeju dəb ndá ndil gə́ yèr lé wá ilá naŋg birig, mbiree mba̰-mba̰. Nɛ Jeju ndaŋg ndil gə́ yèr neelé paḭ ndá aji ne ŋgon lé ɓa wá ulá ji bɔbeeje’g ɓəi.