Nɔ̰-ndôo gə́ wɔji dɔ Jerusalem 5:2 - Maktub gə́ To gə Kəmee

² Némajije lə sí lé tel to ka̰ dəw-dɔ-ɓeeje ləm, Kəije lə sí kara tel to ka̰ dəwje gə́ jeḛ n’gər deeje el ləm tɔ.

Nɔ̰-ndôo gə́ wɔji dɔ Jerusalem 5:2 Iomraidhean Croise

Pakɔsje 109:11

Maji kar njeɓaŋ ləa lé saa néje ləa lɔd ləm, Maji kar dəw-dɔ-ɓeeje ree d’odo nékiŋgaje ləa rəw ya ləm tɔ.

Esai 1:7

Ɓee lə sí to nduba ləm, Pər roo ɓee-booje lə sí ləm, Dəw-dɔ-ɓeeje tuji ndɔje lə sí, Kəm sí’g ya pugudu-pugudu ləma, Deḛ d’undá naŋg rə̰dəŋ-rə̰dəŋ Gə tuji pugudu-pugudu To gə́ dəw-mee-kɔrje bèe ləm tɔ.

Esai 5:17

Badje d’a ko̰ mu to gə́ d’aar ne loo-kaar dee’g bèe ləm, Dəw-dɔ-ɓeeje d’a sɔ némajije lə baoje gə́ tuji lé ləm tɔ.

Esai 63:18

Koso-dəwje ləi gə́ to gə kəmee Gə́ taa ɓee gə́ ka̰ dee lé Kur dee əw el ya ɓəi Ndá njéba̰je lə sí tuba kəi ləi Gə́ to gə kəmee naŋg gə gɔl dee.

Jeremi 17:4

Seḭ a kubaje nédɔji lə sí Gə́ n’ar sí kédé lé kya̰je Mbata néramajelje lə sí Ndá n’a kar sí raje kula ɓər Kar njéba̰je lə sí Mee ɓee gə́ seḭ gərje kédé el, Mbata seḭ arje pər oŋg lə neḛ o̰, To pər gə́ a ko̰ saar gə no̰.

Jeremi 6:12

Kəije lə dee d’a tel to ka̰ njé gə́ raŋg ləm, Loo-ndɔje lə dee gə denéje lə dee Kara bèe ləm tɔ, Loo gə́ m’a kula jim ndiŋ Gə́ dɔ dəw-mee-ɓeeje’g, Njesigənea̰ ɓa pa bèe.

Ejekel 7:21

N’a kya̰ nébaoje neelé ji dəw-dɔ-ɓeeje’g kar dee d’odo mbad-mbad ləm, N’a kar njémeeyèrje gə́ dɔ naŋg nee gə́ nébanrɔ ləm tɔ Mba kar dee d’ila ndɔl dɔ’g.

Ejekel 7:24

N’a kar koso-dəwje gə́ meeyèr lə dee ur dɔ ka̰ mar deeje’g lé ree Mba taa kəije lə dee gə́ ka̰ dee-deḛ, N’a kar beelé lə njésiŋgamoŋje udu guduru Ndá looje lə dee gə́ to gə kəmee lé D’a kila ndɔl dɔ’g ya.

Ojee 8:7

Mbata deḛ dubu lel Ndá lel-boo ɓa d’a kinja. D’a kinja dɔ kó nda̰ el, Ko gə́ uba aar jəm lé D’a kiŋga ndujee el tɔ, Esé ɓó lé to keneŋ ndá kara Dəw-dɔ-ɓeeje ɓa d’a sɔ ya.

Ojee 8:8

Israɛlje d’udu guduru! Ɓasinè deḛ d’isi mbuna ginkoji dəwje gə raŋg’g Asəna gə jo-har bèe.

Soponi 1:13

Némajije lə dee d’a to nékunda banrɔ ləm, Kəije lə dee kara d’a tuji pugudu-pugudu ləm tɔ. Deḛ ra kəije ya Nɛ d’a si keneŋ gogo el ləm, Deḛ ma̰a kag-nduúje ya Nɛ d’a kai manee el ŋga ləm tɔ.