Nɔ̰-ndôo gə́ wɔji dɔ Jerusalem 4:9 - Maktub gə́ To gə Kəmee

⁹ Deḛ gə́ d’wəi yoo-kiambas lé ndá Meḛ ti mbidi aree maji yaa̰ Unda dee-deḛ gə́ d’wəi yoo-ɓoo ɓa Guru ne naŋg lal kiŋga nésɔ dee.

Nɔ̰-ndôo gə́ wɔji dɔ Jerusalem 4:9 Iomraidhean Croise

2 Mbaije 25:3

Ndɔ gə́ njekɔm’g jinaikara lə naḭ gə́ njekɔm’g sɔ lé ɓoo-boo o̰ mee ɓee-boo’g ar nésɔ dəwje godo.

Teḛ-Raga 16:3

Israɛlje d’ula dee pana: Kar sí j’wəije ji Njesigənea̰’g mee ɓee gə́ Ejiptə lé ɓa maji, loo gə́ j’isi ta ŋgoro naḭ da’g ləm, j’o̰je muru j’ar meḛ sí ndan ne tub-tub ləm tɔ. Mbata seḭ lé ɔr síje teḛje sə sí dɔdilaloo’g neelé mba kar koso-dəwje neelé d’wəi yoo-ɓoo ya.

Esai 22:2

Ɓee-boo kunda bula ləm, Dəwje d’aw dɔ na̰’d gə́ wur-wur ləma, To loo-rɔlel ləm tɔ! Dəwje ləi gə́ d’wəi lé D’a kwəi yoo-kiambas el ləm, D’a kwəi yoo-rɔ el ləm tɔ.

Jeremi 16:4

D’a kwəi yoo rɔko̰, ndá d’a no̰ dee el ləm, d’a dubu dee el ləm tɔ, d’a tel to asəna gə siḭ néje dɔ naŋg’d ləm, d’a kwəi yoo-kiambas gə yoo ɓoo-boo ləm tɔ ndá nin dee a tel to nésɔ lə yelje gə daje gə́ dɔ naŋg nee.

Ejekel 24:23

jɔg lə sí a to dɔ sí’g ya ləm, négɔlje lə sí a to gɔl sí’g ya ləm, seḭ a kwaje ndòo yoo el ləma, seḭ a no̰je el ləm tɔ. Nɛ seḭ a kundaje ndolè mbata néra majelje lə sí ləm, seḭ a tuma̰je ŋgururu-ŋgururu mbuna na̰’g ləm tɔ.

Ejekel 33:10

Ma ŋgon-dəw lé maji kam m’ula gel-bɔje lə Israɛl m’pana: Seḭ pajena: Kaltaje lə sí gə kaiya ra síje wa dɔ síjeḛ ya, gelee gə́ nee ɓa jeḛ j’undaje ne ndolè gə mbəa, see j’a kaskəm si kəmba to gə́ ban wa.

Ejekel 4:16

Yeḛ ulam tɔɓəi pana: Ma ŋgon-dəw lé n’a gə tuji nésɔje gə́ ŋgəm mee ɓee gə́ Jerusalem. D’a kwɔji muru gə́ kwɔji ɓa ko̰ gə meekaarkərm ləm, d’a kwɔji mán gə́ kwɔji ɓa kai gə kaar gəd ləm tɔ.

Ejekel 7:15

Kiambas to raga ləm, yoo-koso gə ɓoo-boo to mee ɓee’g ləm tɔ! Deḛ gə́ d’aar mee ndɔ’g ndá d’a kwəi yoo-kiambas ləm, deḛ gə́ d’aar mee ɓee-boo’g ndá d’a kwəi yoo-ɓoo-boo gə yoo-koso ləm tɔ.

Ləbije 26:39

Deḛ gə́ mbuna sí’d gə́ d’isi kəmba ɓəi lé d’a kunda ndolé mbata lə néra kori-korije lə dee-deḛ ləm, gə ka̰ bɔ deeje-je ləm tɔ.

Tel tura Godndu 28:51

Deḛ d’a sɔ ŋgan nékulje lə sí gə kandə néje gə́ dɔ naŋg’d lə sí saar kar sí godoje ne, d’a kya̰ kó lə sí el ləm, gə mán-nduú lə sí el ləm, gə ubu lə sí el ləma, ŋgan nékulje lə sí gə́ boi-boi əsé njé gə́ lam-lam el ləm tɔ saar kar sí uduje ne bo̰.