Nɔ̰-ndôo gə́ wɔji dɔ Jerusalem 4:7 - Maktub gə́ To gə Kəmee

⁷ Kédé lé rɔ mbaije ləa ndɔḭ unda kwɔji ləm, Nda lə dee kara ur dɔ mbà’g ləm tɔ, Rɔ dee kas pəl-pəl unda jər gə́ ɓaree korail ləm, Kəm deḛ lai lé to asəna gə jər Gə́ ɓaree sapir lé ləm tɔ.

Nɔ̰-ndôo gə́ wɔji dɔ Jerusalem 4:7 Iomraidhean Croise

Maktub gə́ wɔji dɔ Jɔb 28:16

Dəw askəm kwɔjee gə larlɔr gə́ Opir el ləm, Esé gə jər gə́ ɓaree Onikis gə́ gadee to yaa̰ el ləma, əsé gə jər sapir el ləm tɔ.

Maktub gə́ wɔji dɔ Jɔb 28:18

Kag gə́ gel mán’d gə́ ɓaree korail ləm, Gə jər gə́ ndɔḭ wər-wər gə́ ɓaree kristal ləm tɔ lé To néje gə́ kari ba mbɔree’g ləm Kəmkàr lé gadee to yaa̰ ur dɔ mər mbaije’g ləm tɔ.

Pakɔsje 144:12

Ŋgan síje gə́ diŋgam lé To d’asəna gə kagje gə́ ma̰a lé Gə́ uba aar dana ɗigi-ɗigi ləb basa dee’g ləm, Ŋgan síje gə́ dené lé kara To d’asəna gə gaji ŋgɔ-kag gə́ d’inja ndajee d’aree bə̰dərə bə̰ Gə́ d’ar gad-kəi-mbaije ndaŋg ne mèr-mèr ləm tɔ.

Pakɔsje 51:7

Aa oo, d’ojim dan néra gə́ kori-kori’g ləm, Kɔm kara taa kèm ləm dan kaiya’g ləm tɔ.

Teḛ-Raga 24:10

Deḛ d’oo Ala lə Israɛlje, loo gə́ gel gɔlee’g to asəna gə né gə́ ra gə jər sapir gə́ ndogó jol-jol bèe ləm, asəna gə dara gə́ tḭja péd-péd bèe ləm tɔ.

Pa gə́ ur dɔ paje 5:10

Yeḛ gə́ m’undá dan kəm’g lé Ndoḭ wər-wər ləm, Gə kas pəl-pəl ləm tɔ, Lée dəwje tɔl-dɔg-loo-dɔg (10.000) kara Yeḛ to ɓəd mbuna dee’g ya.

Pa gə́ ur dɔ paje 5:15

Kur gɔleeje to gə́ gaji kagje Gə́ ra gə mbal gə́ ndá Gə́ d’ula dɔ nékwa gɔlee’d Gə́ ra gə larlɔr gə́ àr ŋgad-ŋgad ləm, Rɔkunda ləa to to gə́ mbal gə́ Liba̰ Gə́ kura yaa̰ asəna gə kag-sɛdrəje bèe ləm tɔ.

Loo gə́ killa rea kəm Daniel’g 1:15

Loo gə́ ndɔ dɔg lé as mba̰ ndá kəm dee-deḛ turu sia̰-sia̰ ləm, rɔ dee kara ər ndɔl-ndɔl ləm tɔ unda basa mar deeje lai gə́ d’usɔ nésɔ lə mbai lé ya.

Lugu 1:15

Mbata yeḛ a to dəw gə́ boo kəm Mbaidɔmbaije’g lé. Yeḛ a kai mán-nduú gə́ mḭ el ləm, nékai gə́ mḭ kára kara a kɔs təa’g el ləm tɔ. Ndilmeenda ɓa a rusu mée njḭ-njḭ loo gə́ yeḛ a nai ne mee kea̰je’g ya ɓəi tɔ.

Njéga̰g-Rəwtaje 13:5

Mbata i a gə taa kèm ndá a koji ŋgon gə́ diŋgam. Nɛ yiŋga a kinja dəa bur el mbata ŋgon neelé d’a kundá gə kəmee kar Ala loo gə́ yeḛ nai ne mee kea̰je’g ya ɓəi, yeḛ neelé a to njekun kudu kɔr Israɛlje ji Pilistije’g kɔm dee tar.

Njéga̰g-Rəwtaje 13:7

Nɛ yeḛ ulam pana: M’a gə taa kèm ndá m’a koji ŋgon gə́ diŋgam, ɓasinè lé m’a kai mán-nduú gə́ mḭ əsé nékai gə́ mḭ el ləm, m’a sɔ né gə́ mina̰ el ləm tɔ mbata ŋgon neelé d’a kundá gə kəmee kar Ala loo gə́ yeḛ nai ne mee kea̰je’g ya saar teḛ ne ndɔ kwəi’g ləa ya.

Njéga̰g-Rəwtaje 16:17

Togə́bè ɓa yeḛ ya̰ mée bura aree ulá ne pana: ndɔ kára kara yiŋga inja dɔm bur el mbata ma lé d’undam gə kəmee loo gə́ m’nai ne mee kɔmje’g ya ɓəi. Ɓó lé ndisa dɔm ndá m’a tel to dəw gə́ kari ba to gə́ dəwje gə́ raŋg lai tɔ.

1 Samel 16:12

Isai ula kula ɓaree aree ree. Yeḛ lé kas pèl-pèl ləm, kəmee turu sia̰-sia̰ ləma, kura yaa̰ ləm tɔ. Njesigənea̰ ula Samel pana: Ḭta, wa dəa gə ubu mbata to yeḛ ya!