Nɔ̰-ndôo gə́ wɔji dɔ Jerusalem 4:2 - Maktub gə́ To gə Kəmee

² Ŋganje gə́ Sio̰ gə́ maji péd-péd Gə́ gad dee asəna gə larlɔr gə́ àr ŋgad-ŋgad bèe lé Ai-i, d’oo dee asəna gə jo a̰ji Gə́ njekuba jo ɓa uba dee bèe.

Nɔ̰-ndôo gə́ wɔji dɔ Jerusalem 4:2 Iomraidhean Croise

Esai 30:14

Ndògo-bɔrɔ neelé d’a tɔ pɔs-pɔs To gə́ tɔ ne jo lə njekubajo Gə́ deḛ tɔ d’ar gailá nai el ləm, Esé a kiŋga əb keneŋ Gə mba kun ne pər mee pil’g el ləma, Esé d’a kɔr ne mán ɓul-mán’g bèe el ləm tɔ.

Esai 51:18

Mbuna ŋganje lai gə́ Jerusalem gə́ d’oji dee lé Yeḛ gə́ kára kara gə́ njḛdɔr dee godo ləm, Mbuna ŋganje lai gə́ d’odo dee keneŋ lé Yeḛ gə́ kára kara gə́ njegəd dee godo ləm tɔ.

Jeremi 19:1

Njesigənea̰ pa togə́bè pana: Aw rɔ njekubajo’g aw ndogo səa jo. Ar ŋgatɔgje lə koso-dəwje ləm, gə ŋgatɔgje lə njékinjanéməsje ləm tɔ d’aw səi na̰’d.

Jeremi 19:11

Ndá m’a kula dee ne pana: Njesigənea̰ gə́ njeboo-néje pa togə́bè pana: To gə́ dəw tɔ ne jo lə njekubajo aree askəm gɔlee gogo el lé neḛ kara n’a gə tuji koso-dəwje nee gə ɓee-boo neelé togə́bè ya tɔ. Togə́bè ɓa d’a dubu ne nin dəwje Topet mbata loo-dubu-dəwje lé godo loo gə́ raŋg’d.

Jeremi 22:28

See Jekonia to jo gə́ tɔ gə́ d’ə̰jee bəḭ-bəḭ wa. See yeḛ to né gə́ dəw kára kara oo gə́ né el ɓəi wa. See gelee ban ɓa d’unee-yeḛ gə ŋgakeaje d’aw d’ɔm dee dɔ ɓee’d gə́ deḛ gər el lé wa.

Nɔ̰-ndôo gə́ wɔji dɔ Jerusalem 2:21

Ŋganje gə ɓugaje lai ya rogo naŋg dan rəw’g, Ŋganəmje gə́ ma̰də gə basa lé d’wəi yoo-kiambas tɔ, Ndɔ oŋg’g ləi lé i tɔl dee ləm, I goré gwɔs dee lal koo ne kəmtondoo lə dee ləm tɔ.

Nɔ̰-ndôo gə́ wɔji dɔ Jerusalem 5:12

Deḛ ya ɗar ŋgan-mbaije gə jidee ləm, D’ila koji dɔ ŋgatɔgje’g el ləm tɔ.

Ojee 8:8

Israɛlje d’udu guduru! Ɓasinè deḛ d’isi mbuna ginkoji dəwje gə raŋg’g Asəna gə jo-har bèe.

Jakari 9:13

N’a kə́ Judaje to gə́ kə́ ne ɓandaŋg mber-mber bèe ləm, N’a kar Eprayimje to nérɔ lə neḛ Gə́ asəna gə ɓandaŋg bèe ləma, Ǝi Sio̰, n’a kar ŋganije d’uba loo d’ḭ tar Mba rɔ gə ŋgalə Jaban ləm tɔ. N’a kari tel to asəna gə kiambas lə bao-rɔ bèe.

2 Njé gə́ Kɔrḭtə 4:7

Nébao neelé jeḛ j’odo gə́ jo-ɓan mba kar dee gər gao siŋgamoŋ neelé to gə́ ka̰ Ala ɓó to gə́ ka̰ síjeḛ el.

2 Timote 2:20

Mee kəi gə́ boo lé jo larlɔr ləm, gə jo hand ləm tɔ ɓa to keneŋ goo kára el, nɛ ka̰ kag gə ka̰ a̰ji to keneŋ tɔ, deḛ gə́ kédé lé d’wɔji ne dɔ mbai-kula, deḛ gə́ raŋg lé d’wɔji ne dɔ néje gə́ gə mḭdé-mḭdé ba.