Nɔ̰-ndôo gə́ wɔji dɔ Jerusalem 4:16 - Maktub gə́ To gə Kəmee

¹⁶ Njesigənea̰ nja ɓa sané dee kad-kad Yeḛ un kəmee dɔ dee’g rəw ləm tɔ. Dəw ila riɓar dɔ njékinjanéməsje’g el ləm, D’oo kəmtondoo lə ŋgatɔgje el ləm tɔ.

Nɔ̰-ndôo gə́ wɔji dɔ Jerusalem 4:16 Iomraidhean Croise

Gḭ-Néje 49:7

Ndɔl a kwa dɔ oŋg lə dee mbata to oŋg gə́ nuŋga kəd-kəd ləm, Gə dɔ oŋg gə́ ḭ sə dee pu ar dee ra néra gə́ gə bɔsɔrɔ ləm tɔ. M’a kai dee mbuna Jakobje’g ləm, M’a sané dee mbuna Israɛlje’g ləm tɔ.

2 Sôrta Gḭka Israɛlje 36:17

Togə́bè ɓa Njesigənea̰ ar mbaije lə Kaldeje d’ḭ rɔ sə dee ndá yeḛ tɔl basaje gə kiambas mee loo’g lə deḛ gə́ to gə kəmee’g. Yeḛ ya̰ basa əsé ŋgoma̰də əsé ɓuga əsé dəw gə́ dəa pudu lé kəmba el nɛ yeḛ ya̰ deḛ lai jia’g ya.

Pakɔsje 106:27

Mba kar ginkaje lə dee d’wəi ne Mbuna ginkoji dəwje gə raŋg’g lé ləma, Gə mba sané dee ne mee ɓeeje gə́ dɔ naŋg nee ləm tɔ.

Pakɔsje 106:44

Loo gə́ deḛ ra ndòo rəa’g ndá Yeḛ oo kəmtondoo lə dee ya.

Esai 24:2

A to kwɔji dɔ njekinjanéməs gə koso-dəwje ləm, A to kwɔji dɔ mbai gə kura ləa ləm, A to kwɔji dɔ njekəi gə́ dené gə ŋgonjelookisi ləa gə́ dené ləm, A to kwɔji dɔ njerab-né gə njendogee ləm, A to kwɔji dɔ njekar maree tona né gə njetaa né jia’g ləma, A to kwɔji dɔ njekunda ɓaŋg dɔ maree’g gə njetaa né tel kəmee ləm tɔ.

Esai 47:6

Ma m’ar məəm ḭ səm pu dɔ koso-dəwje’g ləm, M’ila ndɔl dɔ nédɔji’g ləm Ndá ma m’uba dee m’ya̰ dee meḛ jii’g, Nɛ seḭ arje meḛ sí aw taḭ-taḭ dɔ dee’g el ləm, Seḭ arje néməməna̰ lə sí wɔi gwɔb ɓuga’g ləm tɔ.

Jeremi 15:4

N’a tel dee gə́ néɓəl mbata lə ɓeeko̰je lai gə́ dɔ naŋg nee mbata lə néra majelje lai gə́ Manasə, ŋgolə Ejekias, mbai gə́ Juda ra mee ɓee gə́ Jerusalem lé.

Jeremi 24:9

M’a kar dee to néɓəl gə némeeko̰ mbata lə ɓeeko̰je lai gə́ dɔ naŋg nee ləm, m’a kar dee to nékula sul dɔ’g ləm, gə nékunda kogo ləm, gə nékɔr sor ndam ləma, gə nékila ndɔl dɔ’g ləm tɔ mee looje lai gə́ m’a gə tuba dee keneŋ lé.

Jeremi 52:24

Mbai dɔ njéŋgəmlooje wa Seraja, ŋgɔ-njekinjanéməs ləm, gə Soponi, njekinjanéməs gə́ njekɔm’g joo ləma, gə njéŋgəm-tarəwkəije munda ləm tɔ.

Nɔ̰-ndôo gə́ wɔji dɔ Jerusalem 2:20

Njesigənea̰, aa loo oo, See na̰ ɓa i ra səa né togə́bè lé wa! See kəm kar denéje d’usɔ ŋgan deeje Gə́ d’ḭ meḛ dee’g Gə́ d’unda dee dan kəm dee’g lé wa. See kəm kar dee tɔl njékinjanéməsje gə njéteggintaje Mee kəi-si Njesigənea̰ gə́ to gə kəmee’g lé wa.

Nɔ̰-ndôo gə́ wɔji dɔ Jerusalem 2:6

Yeḛ wa ndògo-bɔrɔ gə́ gugu dɔ ɓee-boo ləa Gə́ to gə kəmee unda naŋg rab-rab ləm, Loo-kwa-dɔ-na̰ ləa kara yeḛ tuji pugudu-pugudu ya ləm tɔ. Njesigənea̰ ar meḛ njé gə́ Sio̰ wəi Dɔ ndɔ ra naḭje’g ləm, Gə dɔ ndɔ-kwa-rɔje’g ləm tɔ. Dan oŋg-boo’g ləa lé Yeḛ un kəmee rəw dɔ mbai’g ləm, Gə dɔ njekinjanéməs’g ləm tɔ.

Nɔ̰-ndôo gə́ wɔji dɔ Jerusalem 5:12

Deḛ ya ɗar ŋgan-mbaije gə jidee ləm, D’ila koji dɔ ŋgatɔgje’g el ləm tɔ.

Ejekel 5:10

Gelee gə́ nee ɓa bɔ ŋganje d’a sɔ ŋgan deeje mbuna sí’g ləm, ŋganje d’a sɔ bɔ deeje ləm tɔ, n’a gaŋgta dɔ sí’g tɔɓəi n’a sané ne ges sí lai gə́ nai lé kad-kad dan lel’g.

Tel tura Godndu 28:25

Njesigənea̰ a kar njéba̰je lə sí dum sí, seḭ a teḛje kawje gə mba rɔje sə dee gə rəw gə́ kára ba ndá seḭ a kaḭje no̰ dee’g gə rəwje siri, tɔɓəi seḭ a toje né rɔkul gə́ boo lə ɓeeko̰je lai gə́ dɔ naŋg nee.

Tel tura Godndu 32:26

M’a m’ula m’pana: M’a gə sané dee gə lel tam ləm, M’a gə kar ri dee udu Mbuna dəwje’g ləm tɔ!

Ǝbrəje 8:9

Manrɔ gə́ sigi lé a to kasəna gə yeḛ gə́ ləw gə́ ma man ne rɔm m’ar bɔ deeje el. To ndɔ gə́ m’wa ji dee wɔgədɔ m’ɔr dee Ejiptə’g m’teḛ sə dee Mbata deḛ d’ai meḛ dee sam-sam dɔ manrɔ’g ləm el, Bèe ɓa ma kara dɔm to̰ ne kəw el. Mbaidɔmbaije ɓa pa bèe.