Nɔ̰-ndôo gə́ wɔji dɔ Jerusalem 4:11 - Maktub gə́ To gə Kəmee

¹¹ Njesigənea̰ ɔr suna meekḭ jugugu ləa, Yeḛ ɓugu oŋg ləa gə́ nuŋga kəd-kəd lé tɔ. Yeḛ ula pər mee ɓee gə́ Sio̰’g Aree roo gin ɓee lé dula-dula.

Nɔ̰-ndôo gə́ wɔji dɔ Jerusalem 4:11 Iomraidhean Croise

Esai 51:20

Siŋga ŋgan síje lai godo Ar dee to gə mba̰-rəwje rib-rib Asəna gə da-kalje gə́ d’wa dee gə ba̰də bèe, Oŋg-boo lə Njesigənea̰ wa dɔ dee Gə goo tɔji ji lə Njesigənea̰, Ala lə sí.

Jeremi 13:14

Njesigənea̰ pana: N’a kunda dee dɔ na̰’d kar dee təd njigi-njigi, bɔ ŋganje gə ŋgan deeje na̰’d, n’a koo kəmtondoo lə dee el ləm, n’a kar mee neḛ oso lemsé dɔ dee’g el ləm, meekɔrjol a to mbata lə dee el ləma, né kára kara a kɔg neḛ dɔ tuji dee’g el ləm tɔ.

Jeremi 17:27

Nɛ loo gə́ m’un ndum m’ar sí mba kar sí undaje ndɔ-kwa-rɔ gə kəmee ləm, kar sí odoje nékodo gə́ wɔi a̰dje ne tarəwkɔgje’d gə́ Jerusalem mee ndɔ-kwa-rɔ’g el ləm tɔ lé ɓó lé seḭ unje mbi sí rəw dɔ’g ndá m’a kila pər tarəwkɔgje’g lə ɓee-boo karee roo kəi-mbaije gə́ Jerusalem dula-dula kar pəree wəi nda̰ el.

Jeremi 21:14

Njesigənea̰ pana: N’a kwɔji sí kəmkàr Gə goo kandə néra síje, N’a kila pər mee kag-kɔr’g lə sí Ndá yee a roo looje lai gə́ gugu dəa.

Jeremi 36:7

Banelə Njesigənea̰ a koo ndu ndòo raje lə dee kar nana kara a kɔs ne badm tel dɔ panjaa’g ləa gə́ majel’g. Mbata oŋg, gə meekḭ jugugu gə́ Njesigənea̰ wɔji-kwɔji ra gə koso-dəwje neelé to ɓəl yaa̰.

Jeremi 7:20

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, m’a kar oŋg ləm gə oŋg-boo ləm taa loo gə́ neelé yal-yal. A kɔm dɔ dəwje’g, gə dɔ daje’g, gə dɔ kagje gə́ mee ndɔje’g, gə dɔ kandə néje gə́ naŋg nee tɔ, oŋg neelé a ko̰ to gə́ pər bèe ndá a kwəi nda̰ el.

Nɔ̰-ndôo gə́ wɔji dɔ Jerusalem 2:1

Ɗi togə́bè wa. Ɓa Njesigənea̰ ar oŋg ḭ səa pu Ɓa dəb ne rigim dɔ ŋgoma̰də gə́ Sio̰’g lé wa. Boo-nérɔnduba lə Israɛl gə́ ndɔḭ wər-wər lé Yeḛ ḭ səa dara ɔsee piriŋ ilá naŋg! Yeḛ ar mée wəi dɔ nétura-gɔl-kɔm’g ləa Mee ndɔ oŋg’d ləa lé tɔ.

Nɔ̰-ndôo gə́ wɔji dɔ Jerusalem 2:17

Njesigənea̰ ra to gə́ yeḛ wɔji mée’g kédé lé ya. Taje gə́ yeḛ pa kédé gə́ ləw lé kara Yeḛ tɔl bém tɔ, Yeḛ tuji loo lal koo ne kəmtondoo ləm, Yeḛ teli gə́ nékalrɔ lə njeba̰ ləi ləma, Yeḛ ar siŋga njékula kəmi ndooje lé Ḭ dɔ maree’d gə́ kédé-kédé ləm tɔ.

Nɔ̰-ndôo gə́ wɔji dɔ Jerusalem 2:3

Dan boo-oŋg’g ləa lé Yeḛ təd siŋgamoŋ lə Israɛlje kərm-kərm, Yeḛ ɔr jikɔlee rɔ dee’g Loo gə́ njéba̰je lə dee ree rɔ sə dee lé, Yeḛ ila pər mbuna Jakobje’g Ar ndəa̰ o̰ bilim-bilim ləm, Aree roo looje gə́ gugu dɔ dee sub dula-dula ləm tɔ.

Nɔ̰-ndôo gə́ wɔji dɔ Jerusalem 2:4

Yeḛ wa ɓandaŋg ləa to gə́ njeba̰ bèe Ar jikɔlee ɔr léréré wɔji ne dɔ né ɗig To gə́ njeban ləa bèe tɔ, Yeḛ tuji néje lai gə́ mbərḛ mbə̰ kəm dəwje’g ləm, Yeḛ ɓugu oŋg ləa dɔ kəi-kubu’g Le ŋgoma̰də gə́ Sio̰ to gə́ pər bèe ləm tɔ.

Nɔ̰-ndôo gə́ wɔji dɔ Jerusalem 2:8

Njesigənea̰ wɔji mée’g Mba tuji ndògo-bɔrɔ lə ŋgoma̰də gə́ Sio̰, Yeḛ wɔjee gə kúla Nɛ yeḛ ɔr jia keneŋ el saar Aree tuji lai-lai ya, Kəi-kaar-kɔgərɔje gə ndògo-bɔrɔje kara No̰-yoo ɓa taa loo keneŋ pəl-pəl Ar deḛ gə́ d’isi keneŋ kara D’isi gə kəmndooyoo tɔ.

Nɔ̰-ndôo gə́ wɔji dɔ Jerusalem 4:22

Néra kori-kori ləi lé d’ɔr dɔi’g mba̰, I ɓee gə́ Sio̰ lé, Dəw a kwai ɓər el ŋga, Nɛ i ɓee gə́ Edɔm lé Yeḛ a kar bo̰ néra kori-kori ləi ɔs tai’g ləm, Yeḛ a kila kaiyaje ləi gə́ raga ləm tɔ.

Ejekel 22:31

Yen ŋga n’a kɔm boo-oŋg lə neḛ dɔ dee’g ləm, n’a roo dee dula-dula gə pər oŋg lə neḛ ləma, n’a kar ta néra deeje tel wa dɔ dee ləm tɔ. Mbaidɔmbaije gə́ Njesigənea̰ ɓa pa bèe.

Ejekel 36:18

Yee ɓa neḛ n’ɔm ne boo-oŋg lə neḛ dɔ dee’g mbata məs gə́ deḛ d’ɔm naŋg mee ɓee’g ləm, mbata magəje gə́ d’ar ɓee mina̰ ne ləm tɔ.

Ejekel 6:12

Yeḛ gə́ si əw ndá a kwəi yoo-koso ləm, yeḛ gə́ si dəb ndá a kwəi yoo-kiambas ləma, yeḛ gə́ nai ɓa d’a kaḭ dəa sub gə rɔ ndá yeḛ a kwəi yoo-ɓoo-boo ləm tɔ. N’a kɔm boo-oŋg lə neḛ dɔ dee’g karee as lée’g béréré ya.

Loo gə́ killa rea kəm Daniel’g 9:12

Taje gə́ yeḛ gaŋg dɔ sí’g gə dɔ mbaije’g lə sí gə́ d’o̰ dɔ sí lé yeḛ ar dee d’aw lée’g béréré tɔɓəi yeḛ ar tuji-boo teḛ dɔ sí’g tɔ. Tuji-boo gə́ teḛ dɔ Jerusalem’g lé d’oo garee togə́bè dɔ naŋg nee kédé el.

Ləbije 26:28

m’a kɔs sí rəw gə oŋg gə́ to ɓəl kədm-kədm, tɔɓəi m’a kar bo̰ néra sí ɔs ta sí’g unda nje gə́ kédé as gɔl siri mbata kaiyaje lə sí ləm tɔ.

Soponi 2:2

Kédé ɓa gə mba kar godndu gə́ wɔji dɔ sí aw lée’g béréré ɓəi ləm Kar ndəa neelé dəs to gə́ tisa kó gə́ dəs ɓəi ləm, Kédé ɓa kar oŋg lə Njesigənea̰ gə́ to asəna gə kɔr pər bèe lé ɔm dɔ sí’g ɓəi ləma, Kédé ɓa gə mba kar ndɔ oŋg lə Njesigənea̰ lé teḛ dɔ sí’g ɓəi ləm tɔ.

Jakari 1:6

Lée togə́bè kara taje lə neḛ gə tornduje lə neḛ gə́ n’ar kuraje lə neḛ gə́ njéteggintaje lé see wa dɔ ka síje-je el wa. Deḛ d’ɔs badm tel ndá dee pana: Njesigənea̰ gə́ njeboo-néje ra sə sí to gə́ yeḛ wɔji gə goo panjaa sí gə néra síje lé ya.

Lugu 21:22

Mbata ndəaje neelé a to ndɔ dal ba̰ mba kar ta gə́ ndaŋg mee maktub’g lé aw ne lée’g béréré ya.