Nɔ̰-ndôo gə́ wɔji dɔ Jerusalem 3:5 - Maktub gə́ To gə Kəmee

⁵ Yeḛ ar kuma̰-yoo gə némeekonje D’aḭ dɔm sub to gə́ ndògo-bɔrɔ bèe tɔ.

Nɔ̰-ndôo gə́ wɔji dɔ Jerusalem 3:5 Iomraidhean Croise

Maktub gə́ wɔji dɔ Jɔb 19:8

Yeḛ udu rəwje jigi-jigi dɔm’g, m’askəm dəs el, Yeḛ ar loo ndul njudu-njudu kila rəw-kabmje’g.

Pakɔsje 69:21

Taji gə́ deḛ tajim lé ya Iri ɓəŋgərəm budu-budu Ar rɔm wəi ne sululu. M’isi m’ŋgina koo kəmtondoo lé Nɛ m’ŋgina pi, M’ŋgina njégɔlməmje Nɛ bura el ya tɔ.

Jeremi 23:15

Gelee gə́ nee ɓa Njesigənea̰ gə́ njeboo-néje pa ne ta togə́bè Dɔ njéteggintaje’g pana: Aa ooje, n’a kar dee d’usɔ kam kag-táaje ləm, N’a kar dee d’ai mán gə́ kuma̰-yoo to keneŋ ləm tɔ. Mbata njéteggintaje gə́ Jerusalem lé D’ar kɔs ta lə Ala rəw Taa loo mee ɓee’g pəl-pəl.

Jeremi 8:14

See gelee ban ɓa j’isi naŋg wa. Maji kar sí mbo̰je dɔ na̰, J’awje mee ɓee-booje gə́ siŋga dee to Mba kar sí j’wəije keneŋ! Mbata Njesigənea̰ Ala wɔji kar sí j’wəije, Yeḛ ar sí j’aije mán Gə́ kuma̰ tɔl dəw to keneŋ, Mbata jeḛ n’raje kaiya J’ɔsje ne ta lə Njesigənea̰ rəw.

Jeremi 9:15

M’a sané dee mbuna ginkoji dəwje gə raŋg gə́ bɔ deeje gər dee kédé el ləm, deḛ nja kara gər dee el ləm tɔ. N’a kula kiambas goo dee’g Saar kar gel dee un ne ɗiao.

Nɔ̰-ndôo gə́ wɔji dɔ Jerusalem 3:19

Ar məəi olé dɔ kəmndoo’g ləm ləm, Gə dɔ ko̰-né gə́ m’oo’g ləm, Gə dɔ ta-a’g ləma, Gə dɔ kuma̰-yoo’g ləm tɔ lé

Lugu 21:20

Loo gə́ seḭ a kooje boo-njérɔje d’a taa Jerusalem pəl-pəl ndá seḭ a gərje gao to gə́ ta tuji lə Jerusalem nai dəb ba ŋga.