Nɔ̰-ndôo gə́ wɔji dɔ Jerusalem 2:8 - Maktub gə́ To gə Kəmee

⁸ Njesigənea̰ wɔji mée’g Mba tuji ndògo-bɔrɔ lə ŋgoma̰də gə́ Sio̰, Yeḛ wɔjee gə kúla Nɛ yeḛ ɔr jia keneŋ el saar Aree tuji lai-lai ya, Kəi-kaar-kɔgərɔje gə ndògo-bɔrɔje kara No̰-yoo ɓa taa loo keneŋ pəl-pəl Ar deḛ gə́ d’isi keneŋ kara D’isi gə kəmndooyoo tɔ.

Nɔ̰-ndôo gə́ wɔji dɔ Jerusalem 2:8 Iomraidhean Croise

2 Samel 8:2

Yeḛ dum dɔ Moabje ndá yeḛ ar dee to naŋg ɓa yeḛ wɔji dee gə kúla. Yeḛ wɔji dee-deḛ gə́ loo joo mba kar dee d’wəi ləm, deḛ gə́ loo kára lé yee wɔji mba kya̰ dee kəmba ləm tɔ. Togə́bè ɓa Moabje d’ula ne dɔ dee gel Dabid’g ləm, deḛ d’uga ne dɔ rɔ dee d’aree ləm tɔ.

2 Mbaije 21:13

N’a kila kúla-kwɔji-né lə Samarije gə nékwɔji-né lə gel-bɔje lə Akab dɔ Jerusalem’g ndá n’a tuji Jerusalem kwa rəw-rəw to gə́ dəw togo ne mee ka-lar bɔr péd-péd dəb təa naŋg loo gə́ togo mba̰ bèe lé.

Maktub gə́ wɔji dɔ Jɔb 13:21

Maji kari un jii dɔm’d gə́ gogo Mba kar ɓəl-booje ləi d’am m’unda bala el ŋga.

Esai 22:5

Mbata to ndɔ mee pélé wəs-wəs Gə ndɔ tuba sí naŋg ras-ras Gə ndɔ rɔkul-boo Gə́ Mbaidɔmbaije gə́ Njesigənea̰ gə́ njeboo-néje Ula ne mee wəl-loo koo némḭdije’g. Deḛ tɔ ndògo-bɔrɔje pɔs-pɔs Ndá ndu kii lé ɓar par gə́ dɔ mbal’g.

Esai 28:17

M’a kar né gə́ danasur to kúla-kwɔji-né ləm, Gə néra gə́ gə dɔ najee a to nékwɔji maree ləm tɔ. Nɛ ndi-kwɔji a tuji njo̰loo-kula-dɔ gə́ ŋgɔm lé ləm, Man-kunda a tur dɔ nékɔn-rɔ Gə́ to néra gə́ gə goo rəbee el lé ləm tɔ.

Esai 3:26

Denéje d’a no̰ kwa ne ndòo yoo tarəwkɔgje gə́ Sio̰, Némajije d’a godo rɔ dee’g ndá d’a si naŋg kari ba.

Esai 34:11

Dogəro gə nduru d’a kwa gə́ loo-si dee ləm, Kwɔi gə ga̰-ga̰ d’a si keneŋ ləm, D’a kila kúla-kwɔji-né gə́ wɔji dɔ loo-némeeko̰ keneŋ ləma, Nékwɔji-né gə́ ka̰ tuji loo a to keneŋ ləm tɔ.

Esai 5:5

Ɓasinè m’a kula sí né Gə́ m’a gə ra gə ndɔ-nduú ləm: M’a tɔr ŋgalaŋ gə́ keneŋ Gə mba kar daje d’usɔ ləm, M’a təd ndògo gə́ keneŋ Mba kar dee tuba naŋg gə gɔl dee ləm tɔ.

Jeremi 14:2

Judaje d’isi dan kwa-ndòo-yoo’g ləm, Ɓee-booje ləa d’unda ndolè ləm, D’isi dan meeko̰’g ləma, Deḛ tuji dee pugudu-pugudu ləm tɔ, Tɔɓəi ndu kii lə njé gə́ Jerusalem ɓar wəl.

Jeremi 5:10

Ubaje dɔ ndògo-bɔrɔje ləa gə́ tar Ndá tujije loo, Nɛ tuji deeje lai el! Tɔrje barkəm nduúje ləa Gə́ to ka̰ Njesigənea̰ el lé!

Jeremi 52:13

Yeḛ roo kəi lə Njesigənea̰ ləm, gə kəi lə mbai ləma, gə kəije lai gə́ Jerusalem ləm tɔ, tɔɓəi yeḛ tila pər dɔ kəije gə́ boo-boo’g lai tɔ.

Nɔ̰-ndôo gə́ wɔji dɔ Jerusalem 2:17

Njesigənea̰ ra to gə́ yeḛ wɔji mée’g kédé lé ya. Taje gə́ yeḛ pa kédé gə́ ləw lé kara Yeḛ tɔl bém tɔ, Yeḛ tuji loo lal koo ne kəmtondoo ləm, Yeḛ teli gə́ nékalrɔ lə njeba̰ ləi ləma, Yeḛ ar siŋga njékula kəmi ndooje lé Ḭ dɔ maree’d gə́ kédé-kédé ləm tɔ.

Nɔ̰-ndôo gə́ wɔji dɔ Jerusalem 2:18

Deḛ no̰ wəl dɔɓəŋgərə dee’g par gə́ rɔ Njesigənea̰’g. I ndògo-bɔrɔ lə Sio̰ lé Ar mán-no̰ gə́ kəmi’g ruba to gə́ ŋgira-mán bèe dan kàrá gə loondul’g! Ǝw rɔi el ləm, Ar gel mán-no̰ gaŋg kəmi’g el ləm tɔ.

Nɔ̰-ndôo gə́ wɔji dɔ Jerusalem 2:2

Mbaidɔmbaije tuji loo-sije lə Jakob lai-lai Lal koo kəmtondoo ləa ləm, Dan meekḭ jugugu’g ləa lé Yeḛ unda ne kəi-kaar-kɔgərɔje Lə ŋgolə Juda gə́ dené lé naŋg rab-rab ləma, Yeḛ ar dee tel gɔl ne naŋg ləm tɔ, Tɔɓəi yeḛ ila ndɔl dɔ ɓeeko̰’g ləm, Gə dɔ ŋgan-mbaije gə́ keneŋ ləm tɔ.

Nɔ̰-ndôo gə́ wɔji dɔ Jerusalem 2:5

Mbaidɔmbaije lé tel to gə́ njeba̰ bèe, Yeḛ turu njé gə́ Israɛl mag-mag mée’g ləm, Yeḛ tuji kəi-mbaije lə dee ləm, Yeḛ jané kəi-kaar-kɔgərɔje lə dee ləma, Yeḛ ar tuma̰ rɔ gə no̰je ɓa Taa mee ŋgoma̰də gə́ Juda lé pəl-pəl ləm tɔ.

Ejekel 20:22

Lée togə́bè kara neḛ n’rəm gə ji neḛ dɔ dee’g ɓó n’ra né gə mbata lə ri neḛ gə mba kar ndɔl wa dɔ ri neḛ kəm ginkoji dəwje gə raŋg gə́ neḛ n’ar dee d’unda loo mee ɓee gə́ Ejiptə kəm dee’g teḛ lé el.