Nɔ̰-ndôo gə́ wɔji dɔ Jerusalem 2:7 - Maktub gə́ To gə Kəmee

⁷ Mbaidɔmbaije ə̰ji loo-nékinjaməs ləa lé bəḭ-bəḭ ləm Yeḛ uba loo-siée gə́ to gə kəmee ya̰ ləm tɔ, Yeḛ wa ndògo-bɔrɔje gə́ gugu dɔ kəi-mbaije gə́ Sio̰ lé Bura ɔm dee ji njeba̰’g lé, Ndu dee ɓar u-u-u mee kəi’g lə Njesigənea̰ To gə́ ndɔ ra naḭ bèe.

Nɔ̰-ndôo gə́ wɔji dɔ Jerusalem 2:7 Iomraidhean Croise

2 Mbaije 25:9

Yeḛ roo kəi lə Njesigənea̰ ləm, gə kəi lə mbai ləma, gə kəije lai gə́ Jerusalem ləm tɔ, tɔɓəi yeḛ tila pər dɔ kəije gə́ boo-boo’g lai tɔ.

2 Sôrta Gḭka Israɛlje 36:19

Deḛ roo kəi-Ala ləm, deḛ təd ndògo-bɔrɔje gə́ Jerusalem ləm, deḛ tila pər dɔ kəi-mbaije’g ləma, deḛ tuji néje gə́ gad dee to yaa̰ pugudu-pugudu ləm tɔ.

Pakɔsje 89:39

Nɛ i ɔsee piriŋ ilá ne kɔ, I ar oŋg ḭ səi dɔ yeḛ gə́ i wa dəa gə ubu lé!

Esai 64:9

Ɓee-booje ləi gə́ to gə kəmee to gə́ dɔdilaloo, Sio̰ tel to dɔdilaloo, Jerusalem tel to dɔnduba.

Jeremi 21:4

Njesigənea̰, Ala lə Israɛlje pa togə́bè pana: Aa ooje, nérɔje gə́ to ji sí’d gə́ seḭ aw rɔje ne gə mbai gə́ Babilɔn gir ndògo-bɔrɔje’g ləm, gə Kaldeje gə́ d’aḭ dɔ sí sub gə rɔ ləm tɔ lé n’a tel ta dee gə́ dɔ sí-seḭ’g ndá n’a mbo̰ dee dan mee ɓee-boo’g neelé tɔ.

Jeremi 26:18

Mise, dəw gə́ Moreset tegginta mee ndəa’g lə Ejekias, mbai gə́ Juda lé ndá yeḛ ula koso-dəwje lai gə́ Juda pana: Njesigənea̰ gə́ njeboo-néje pa togə́bè pana: D’a ndɔ Sio̰ bur-bur to gə́ mee ndɔ bèe ləm, Jerusalem a tel to kɔr mbalje Gə́ tɔs dɔ na̰’d ləma, Mbal gə́ kəi gə́ to gə kəmee To keneŋ lé a tel to mee kag-kɔr ləm tɔ.

Jeremi 26:6

m’a ra gə kəi neelé to gə́ m’ra gə Silo bèe ləm, m’a kar ɓee-boo neelé tel to nékila ndɔl dɔ’g lə ginkoji dəwje gə raŋg lai gə́ dɔ naŋg nee ləm tɔ.

Jeremi 32:29

Kaldeje gə́ rɔ gə ɓee-boo neelé d’a kandə keneŋ ndá d’a kila pər dɔ’g mba roo ne ɓee-boo neelé na̰’d gə kəije gə́ deḛ tuu né gə́ ə̰də sululu dɔ’g d’ar magə Baal ləm, gə́ deḛ saga nékar naŋg keneŋ d’ar magəje gə mba kar oŋg ḭ ne səm pu lé ləm tɔ.

Jeremi 39:8

Kaldeje roo kəi lə mbai gə kəije lə koso-dəwje ləm, deḛ təd ndògo-bɔrɔ gə́ Jerusalem kərm-kərm ləm tɔ.

Jeremi 4:26

M’aa loo ndá aa oo, Dɔ mbal gə́ Karmel tel to dɔdilaloo, Ɓee-booje lai tuji no̰ Njesigənea̰’g No̰ boo-oŋg’d ləa.

Jeremi 4:27

Njesigənea̰ pa togə́bè pana: Ɓee bura a tel to dɔ nduba, Nɛ m’a tujee gə gelee bura el.

Jeremi 50:28

Ooje ndu kii lə njékaḭje, Deḛ gə́ d’ḭ Babilɔn d’aḭ lé D’aw d’ila mber dalba̰ Le Ala lə sí gə́ Njesigənea̰ Mee ɓee gə́ Sio̰, Dalba̰ gə́ wɔji dɔ kəi ləa gə́ to gə kəmee lé,

Jeremi 52:13

Yeḛ roo kəi lə Njesigənea̰ ləm, gə kəi lə mbai ləma, gə kəije lai gə́ Jerusalem ləm tɔ, tɔɓəi yeḛ tila pər dɔ kəije gə́ boo-boo’g lai tɔ.

Nɔ̰-ndôo gə́ wɔji dɔ Jerusalem 1:4

Rəwje gə́ aw gə́ Sio̰ lé No̰ ndòo ɓa taa pəl-pəl ya Mbata dəw kára kara ila gɔlee loo-ra-naḭ’g el. Tarəwkɔgje ləa lai wa ŋgɔ njag-njag ləm, Njékinjanéməsje ləa tuma̰ ŋgururu-ŋgururu ləm, Ŋgama̰dje ləa lai d’isi dan ndòo’g ləma, Mee ɓee-boo lai adə mbag-mbag ləm tɔ.

Nɔ̰-ndôo gə́ wɔji dɔ Jerusalem 2:1

Ɗi togə́bè wa. Ɓa Njesigənea̰ ar oŋg ḭ səa pu Ɓa dəb ne rigim dɔ ŋgoma̰də gə́ Sio̰’g lé wa. Boo-nérɔnduba lə Israɛl gə́ ndɔḭ wər-wər lé Yeḛ ḭ səa dara ɔsee piriŋ ilá naŋg! Yeḛ ar mée wəi dɔ nétura-gɔl-kɔm’g ləa Mee ndɔ oŋg’d ləa lé tɔ.

Nɔ̰-ndôo gə́ wɔji dɔ Jerusalem 2:5

Mbaidɔmbaije lé tel to gə́ njeba̰ bèe, Yeḛ turu njé gə́ Israɛl mag-mag mée’g ləm, Yeḛ tuji kəi-mbaije lə dee ləm, Yeḛ jané kəi-kaar-kɔgərɔje lə dee ləma, Yeḛ ar tuma̰ rɔ gə no̰je ɓa Taa mee ŋgoma̰də gə́ Juda lé pəl-pəl ləm tɔ.

Ejekel 24:21

Maji kam m’ula gel-bɔje lə Israɛl m’pana: Mbaidɔmbaije gə́ Njesigənea̰ pa togə́bè pana: Aa ooje, n’a gə kila ndɔl dɔ loo lə neḛ gə́ to gə kəmee gə́ to néti-rɔ dɔ siŋgamoŋ’d lə sí ləm, gə to ŋgonkəm sí ləma, gə né gə́ seḭ undaje dan kəm sí’g ləm tɔ. Ŋgan síje gə́ diŋgam gə njé gə́ dené gə́ seḭ ya̰ deeje lé d’a kwəi yoo-kiambas tɔ.

Ejekel 7:24

N’a kar koso-dəwje gə́ meeyèr lə dee ur dɔ ka̰ mar deeje’g lé ree Mba taa kəije lə dee gə́ ka̰ dee-deḛ, N’a kar beelé lə njésiŋgamoŋje udu guduru Ndá looje lə dee gə́ to gə kəmee lé D’a kila ndɔl dɔ’g ya.

Ləbije 26:31

M’a kar ɓee-booje lə sí tel to dɔ nduba ləm, m’a tuji looje lə sí gə́ to gə kəmee ləma, néje lə sí gə́ d’ə̰də sululu lé kara m’a taa baḭ dee el ləm tɔ.

Ləbije 26:44

Nɛ loo gə́ d’a si mee ɓee’g lə njéba̰je lə dee kara m’a mbad dee gə no̰ el ləm, m’a tel ginkoji lə dee kar dee to gə́ né gə́ d’a tuji dee pugudu el ləma, ma gaŋg kúla manrɔ ləm rɔ sə dee el ləm tɔ, mbata ma m’to Njesigənea̰, Ala lə dee ya.

Amɔs 2:5

N’a kula gə pər mee ɓee gə́ Juda’g Karee roo kəi-mbaije gə́ Jerusalem dula-dula ya.

Misee 3:12

Gelee gə́ nee ɓa gə mbata lə sí-seḭ lé ɓa Sio̰ a tel to gə́ loo-ndɔ Gə́ ndɔ bur-bur ləm, Jerusalem a tel to kɔr mbalje Gə́ tɔs dɔ na̰’d ləma, Dɔ mbal gə́ wɔji dɔ kəi gə́ to gə kəmee lé Semee a tel to ne mee kag-kɔr ləm tɔ.

Matiyo 24:2

Nɛ yeḛ tel ila dee keneŋ pana: Néje lai neelé see aaje lai ooje ya wa. Ma m’ula sí təsərə, mbal gə́ rara gə́ to dɔ na̰’d gə́ a lal jura naŋg el lé kára kara godo.