Nɔ̰-ndôo gə́ wɔji dɔ Jerusalem 2:5 - Maktub gə́ To gə Kəmee

⁵ Mbaidɔmbaije lé tel to gə́ njeba̰ bèe, Yeḛ turu njé gə́ Israɛl mag-mag mée’g ləm, Yeḛ tuji kəi-mbaije lə dee ləm, Yeḛ jané kəi-kaar-kɔgərɔje lə dee ləma, Yeḛ ar tuma̰ rɔ gə no̰je ɓa Taa mee ŋgoma̰də gə́ Juda lé pəl-pəl ləm tɔ.

Nɔ̰-ndôo gə́ wɔji dɔ Jerusalem 2:5 Iomraidhean Croise

2 Mbaije 25:9

Yeḛ roo kəi lə Njesigənea̰ ləm, gə kəi lə mbai ləma, gə kəije lai gə́ Jerusalem ləm tɔ, tɔɓəi yeḛ tila pər dɔ kəije gə́ boo-boo’g lai tɔ.

Maktub gə́ wɔji dɔ Jɔb 13:24

See gelee ban ɓa i iya kəmi səm Undam ne gə́ njeba̰ ləi wa.

Maktub gə́ wɔji dɔ Jɔb 19:11

Oŋg ləa ḭ səa to gə́ pər bèe dɔm’g. Yeḛ ra səm to gə́ dəw gə́ kára mbuna njéba̰je’g ləa bèe.

Pakɔsje 89:40

Manrɔ gə́ i man ne rɔi ar kura ləi lé I oo gə́ né gə́ əḭ el, I ɔs dɔgugu ləa ila naŋg ar ndɔl wa dəa.

Pakɔsje 89:41

I təd ndògo-bɔrɔje ləa lai ləm, I guru kəi-kaar-kɔgərɔje ləa naŋg rug-rug ləm tɔ.

Esai 29:2

M’a kaḭ dɔ Ariel sub gə rɔ Ndá no̰ ndòo gə tuma̰ ŋgururu-ŋgururu d’a taa loo keneŋ, Bèe ɓa ɓee-boo lé a to kasəna gə́ Ariel mbam-ma ya.

Esai 63:10

Nɛ deḛ to njékɔsta-rəwje ləm, Deḛ d’ula kəm ndilee gə́ to gə kəmee ndòo ləm tɔ. Yeḛ tel to ne njeba̰ lə dee ləm, Yeḛ rɔ ne sə dee ləm tɔ.

Jeremi 15:1

Njesigənea̰ ulam togə́bè pana: Lée Moyis gə Samel ya d’aar no̰ neḛ’g mba ra rəwta lə koso-dəwje neelé kara n’a koo kəmtondoo lə deḛje neelé el. Tuba dəwje neelé no̰m’g ɔm dee əw mba kar dee d’ɔd d’aw.

Jeremi 21:4

Njesigənea̰, Ala lə Israɛlje pa togə́bè pana: Aa ooje, nérɔje gə́ to ji sí’d gə́ seḭ aw rɔje ne gə mbai gə́ Babilɔn gir ndògo-bɔrɔje’g ləm, gə Kaldeje gə́ d’aḭ dɔ sí sub gə rɔ ləm tɔ lé n’a tel ta dee gə́ dɔ sí-seḭ’g ndá n’a mbo̰ dee dan mee ɓee-boo’g neelé tɔ.

Jeremi 30:14

Deḛ lai gə́ d’undai dan kəm dee’g lé Meḛ dee wəi sel dɔi’g. Dəw kára kara ə̰ji dɔi’g el, Mbata m’a kundai to gə́ njeba̰ bèe ləm, Kəmkàr gə́ m’wɔjii lé kədərə ləm tɔ, Gə mbata néra kori-korije ləi Gə́ ɔs dɔ na̰-na̰ ləm, Mbata kaiya raije gə́ bula dum tura ləm tɔ.

Jeremi 52:13

Yeḛ roo kəi lə Njesigənea̰ ləm, gə kəi lə mbai ləma, gə kəije lai gə́ Jerusalem ləm tɔ, tɔɓəi yeḛ tila pər dɔ kəije gə́ boo-boo’g lai tɔ.

Nɔ̰-ndôo gə́ wɔji dɔ Jerusalem 2:2

Mbaidɔmbaije tuji loo-sije lə Jakob lai-lai Lal koo kəmtondoo ləa ləm, Dan meekḭ jugugu’g ləa lé Yeḛ unda ne kəi-kaar-kɔgərɔje Lə ŋgolə Juda gə́ dené lé naŋg rab-rab ləma, Yeḛ ar dee tel gɔl ne naŋg ləm tɔ, Tɔɓəi yeḛ ila ndɔl dɔ ɓeeko̰’g ləm, Gə dɔ ŋgan-mbaije gə́ keneŋ ləm tɔ.

Nɔ̰-ndôo gə́ wɔji dɔ Jerusalem 2:4

Yeḛ wa ɓandaŋg ləa to gə́ njeba̰ bèe Ar jikɔlee ɔr léréré wɔji ne dɔ né ɗig To gə́ njeban ləa bèe tɔ, Yeḛ tuji néje lai gə́ mbərḛ mbə̰ kəm dəwje’g ləm, Yeḛ ɓugu oŋg ləa dɔ kəi-kubu’g Le ŋgoma̰də gə́ Sio̰ to gə́ pər bèe ləm tɔ.

Ejekel 2:10

Yeḛ tudu maktub nee nɔm’g ndá ta no̰je, gə ta kim rɔje, gə ta no̰ sii mbigi-mbigije ɓa ndaŋg mée’g tereŋ ləm, gə giree’g tereŋ ləm tɔ.

1 Samel 28:16

Samel ulá pana: To gə́ Njesigənea̰ ɔr rəa rɔi’g ari to gə́ njeba̰ ləa mba̰ ŋga, see gelee ban ɓa i dəjim ma ta wa.