Nɔ̰-ndôo gə́ wɔji dɔ Jerusalem 2:16 - Maktub gə́ To gə Kəmee

¹⁶ Njéba̰je ləi lai pata d’oma̰ ne səi ləm, Deḛ d’ur kɔl piu ləma, D’usɔ ŋgaŋ dee pəgərə-pəgərə dɔi’g ləm tɔ. Deḛ pa ne pana: Jeḛ n’tujeeje pugudu-pugudu mba̰! Ndɔ gə́ jeḛ j’isi ŋgina lé ree ndá Ndɔ lé ɓa nee ŋga.

Nɔ̰-ndôo gə́ wɔji dɔ Jerusalem 2:16 Iomraidhean Croise

Pakɔsje 109:2

Mbata ta dee teḛ gə ta meeyèr gə ta gə́ təd kunda tam’g ləm, Taŋgɔm ɓa deḛ pa ne səm ləm tɔ.

Pakɔsje 112:10

Njemeeyèr lé aa loo ée ndá Oŋg ḭ səa pu ləm, Yeḛ sɔ ŋgaŋgee dəa’g pəgərə-pəgərə ɓa Lée dumee təs ɓəi ləm tɔ. Néje gə́ njémeeyèrje ndiŋga lé Tel to né gə́ kari ba.

Pakɔsje 124:3

Deḛ tur sí kəmba mba̰ Loo gə́ oŋg ḭ sə dee pu dɔ sí’g lé.

Pakɔsje 22:13

Njékoma̰ səmje gugu dɔm sub to gə́ bɔ maŋgje bèe ləm, Deḛ d’aḭ dɔm sub asəna gə bɔ maŋgje gə́ Basan ləm tɔ.

Pakɔsje 35:16

Deḛ d’usɔ ŋgaŋ dee dɔm’g tar pəgərə-pəgərə Gə njéhulaije gə́ to njékula sul dɔ loo’gje lé na̰’d.

Pakɔsje 35:21

Deḛ teḛ ta dee d’oma̰ ne səm pana: Kwa! Kwa! N’ooje ya ŋga!

Pakɔsje 35:25

Maji kar dee pa gə meḛ dee pana: Oiyo, né gə́ neḛ ndigije ɓa nee ya! Ma lé neḛ n’urumje mee neḛje’g magə mba̰, Maji kar dee pa bèe el tɔ.

Pakɔsje 37:12

Njemeeyèr lé wɔji-kwɔji ra majel gə njemeekarabasur lé ləm, Yeḛ sɔ ŋgaŋgee dəa’g pəgərə-pəgərə ləm tɔ.

Pakɔsje 41:8

Njéba̰je ləm lai wédé na̰ ta mbuna na̰’g d’wɔji ne dɔm, Deḛ d’ə̰ji pana: Nékəmndoo ləm a kaw səm saar kam m’tuji ne ya,

Pakɔsje 56:2

Ǝi Ala, maji kari oo kəm lootondoo’g ya kari! Mbata dəwje d’aw səm jələ-jələ, Ndɔje kára-kára lai lé deḛ rɔ səm ləm, D’ula kəm ndòo ləm tɔ.

Pakɔsje 57:3

Ma m’ra né gə ndum gə́ boi wəl M’ɓar ne Ala gə́ to Njekurdɔloo’g, M’ɓar ne Ala gə́ to njera né la ne səm.

Esai 49:19

Mee looje lə sí gə́ tuji d’wa ŋgɔ njag-njag ləm, Mee ɓee lə sí gə́ tuji pugudu-pugudu ləm tɔ lé Njé’g lə sí gə́ d’isi keneŋ lé Loo a kas dee el ŋga, Deḛ gə́ njétuji sí pugudu-puguduje lé kara D’a kɔr rɔ dee si ŋgərəŋ tɔ.

Jeremi 26:6

m’a ra gə kəi neelé to gə́ m’ra gə Silo bèe ləm, m’a kar ɓee-boo neelé tel to nékila ndɔl dɔ’g lə ginkoji dəwje gə raŋg lai gə́ dɔ naŋg nee ləm tɔ.

Jeremi 29:18

M’a korə dee gə kiambas ləm, gə ɓoo-boo ləma, gə yoo-koso ləm tɔ. M’a kar dee to néɓəl gə mbata lə ɓeeko̰je lai gə́ dɔ naŋg nee ləm, gə nékila ndɔl dɔ’g ləm, gə nékəmndoo ləm, gə nékula sul dɔ’g ləma, gə nékila rɔkul-boo dɔ’g ləm tɔ mbuna ginkoji dəwje gə raŋg gə́ m’a gə tuba dee kɔm dee keneŋ ləm,

Jeremi 50:17

Israɛl lé to ŋgon badə gə́ ndəm Gə́ toboḭje tuba gée, Mbai gə́ Asiri ɓa gə́ njesɔ dakasee kédé, yeḛ gə́ rudu lé to Nebukadnesar, mbai gə́ Babilɔn ndá yeḛ təd siŋga rém-rém.

Jeremi 50:7

Deḛ lai gə́ d’iŋga dee Ndá d’usɔ dee rɔg-rɔg Ndá njéba̰je lə dee pana: Taree wa dɔ neḛje el. Mbata deḛ ya ra kaiya D’ɔs ne ta lə Njesigənea̰ Gə́ to loo-gaŋg-rəwta Gə́ gə dɔ najee lé rəw ləm, D’ɔs Njesigənea̰ gə́ to nékunda-mee-yel lə bɔ deeje-je lé rəw ləm tɔ.

Jeremi 51:34

Nebukadnesar, mbai gə́ Babilɔn Sɔ sí rɔg-rɔg ləm, Tuji sí pugudu-pugudu ləm tɔ, Yeḛ ar sí n’tel n’toje jo gə́ mée to wəl, Yeḛ uru sí mée’g magə To gə́ da-kɔb uru ne né bèe ləm, Yeḛ ar néje lə sí gə́ mbərḛ mbə̰ Rusu mée tub ləm tɔ, Yeḛ tuba sí.

Nɔ̰-ndôo gə́ wɔji dɔ Jerusalem 1:21

Deḛ d’oo ndum Loo gə́ m’tuma̰ ŋgururu-ŋgururu lé Nɛ dəw kára kara ree rɔm’g mba gɔl məəm el, Loo gə́ njéba̰je ləm d’oo ta némeeko̰ gə́ teḛ dɔm’g lé ndá Deḛ d’al rɔ dee Mbata né gə́ i aree teḛ dɔm’g lé, Ndɔ gə́ i wɔji mba kar dee To to gə́ ma bèe lé I a kar ndəa neelé teḛ ləm, I a kila mberee ləm tɔ.

Nɔ̰-ndôo gə́ wɔji dɔ Jerusalem 3:46

Deḛ lai gə́ to njéba̰je lə sí lé Teḛ ta dee ləgəgə-ləgəgə dɔ sí’g.

Ejekel 23:32

Mbaidɔmbaije gə́ Njesigənea̰ pa togə́bè pana: I a kai né gə́ to mee bai’g lé To gə́ ŋgokɔḭ gə́ dené bèe ya, To bai gə́ mée tad ləm, ur ləm tɔ, I a tel to nékogo gə nédəjindu, Bai lé néje gə́ keneŋ to yaa̰.

Ejekel 25:15

Mbaidɔmbaije gə́ Njesigənea̰ pa togə́bè pana: Mbata Pilistije d’ula rɔ dee mbiriri loo-dalba̰’g ləm, mbata deḛ dal ba̰ d’ə̰ji ne loo bəḭ-bəḭ gə ŋgaw meḛ dee bura saŋg ne loo tuji ne néje lai pugudu-pugudu gə goo kḛji loo bəḭ-bəḭ lə deḛ gə́ to gə no̰ ləm tɔ lé

Ejekel 25:3

I a kula Amo̰je pana: Maji kar dee d’oo ta lə Mbaidɔmbaije gə́ Njesigənea̰. Mbaidɔmbaije gə́ Njesigənea̰ pa togə́bè pana: Mbata seḭ paje pana: Bèe ya ɓa! Bèe ya ɓa dɔ loo’g lə neḛ gə́ to gə kəmee gə́ d’ula sul dɔ’g ləm, gə dɔ naŋg lə Israɛl gə́ tel to dɔ nduba lé ləma, gə dɔ gel-bɔje lə Juda gə́ d’wa dee ɓər lé ləm tɔ

Ejekel 25:6

Mbata Mbaidɔmbaije gə́ Njesigənea̰ pa togə́bè pana: To gə́ seḭ kundaje ji sí ləm, seḭ tubaje gɔl sí naŋg ndag-ndag ləm, seḭ alje rɔ sí ə̰jije ne dɔ naŋg gə́ Israɛl bəḭ-bəḭ gə ŋgaw-meḛ sí bura ləm tɔ ndá

Ejekel 36:3

Maji kari tegginta pana: Mbaidɔmbaije gə́ Njesigənea̰ pa togə́bè pana: Bèe ya, mbata deḛ gə́ d’isi gə looje lai lé ndigi tuji sí pugudu gə kuru dɔ sí’g mba kar sí toje gə́ né ka̰ ginkoji dəwje gə raŋg ləm, mbata seḭ toje gə́ gin tapaje gə nékwɔji lə koso-dəwje ləm tɔ

Ejekel 5:15

Ɓee lé a to néboo-rɔkul, gə nékunda kogo ləm, a to nékwa kwɔji ne maree gə néɓəl ləm tɔ mbata ginkoji dəwje gə raŋg gə́ gugu dəa sub lé loo gə́ n’a gaŋg rəw-taje lə neḛ dəa’g gə oŋg ləm, gə boo-oŋg ləma, gə nékwɔji kəmkàrje gə́ kəbərə-kəbərə ləm tɔ. Neḛ Njesigənea̰ nja ɓa m’pata nee ya.

Ojee 8:8

Israɛlje d’udu guduru! Ɓasinè deḛ d’isi mbuna ginkoji dəwje gə raŋg’g Asəna gə jo-har bèe.

Misee 4:11

Ɓasinè lé ginkoji dəwje gə raŋg Mbo̰ na̰ gə mba rɔ sə sí mba̰. Deḛ pana: Maji kar dee d’ula sul dɔ sí’g ləm, Maji kar kəm neḛje oo tuji lə Jerusalem ləm tɔ!

Néra Njékaḭkulaje 7:54

Loo gə́ d’oo ta nee ndá oŋg ḭ meḛ dee’g jugugu, ar dee d’usɔ ŋgaŋ dee dɔ Etien’g pəgərə-pəgərə.