Nɔ̰-ndôo gə́ wɔji dɔ Jerusalem 2:12 - Maktub gə́ To gə Kəmee

¹² Deḛ d’un ta dəji ko̰ deeje pana: See loo gə́ ra ɓa j’a kiŋga nésɔ gə mán-kai keneŋ wa. Deḛ toso ne dan rəwje’d gə́ mee ɓee-boo’g Asəna gə dəwje gə́ d’iŋga doo bèe. Tɔɓəi deḛ d’wəi ne kaar ko̰ deeje’g tɔ.

Nɔ̰-ndôo gə́ wɔji dɔ Jerusalem 2:12 Iomraidhean Croise

Maktub gə́ wɔji dɔ Jɔb 30:16

Tɔgərɔ, ɓasinè siŋgam teḛ rɔm’g wudu-wudu, Ndɔ némeekonje lé d’wam kérég.

Pakɔsje 42:4

Loo gə́ deḛ pa ne səm lal kwa ta dee pana: See Ala ləm si ra wa Ndá mán-no̰ ɓa gə́ nésɔm dan kàrá gə loondul’g.

Pakɔsje 62:8

Ala nja kára ba ɓa kaji ləm gə rɔnduba ləm d’ḭ rəa’g. Biri mbal gə́ to siŋgam ləm, gə njo̰loo-kula-dɔ ləm ləm tɔ lé to rɔ Ala’g lé ya.

Esai 51:20

Siŋga ŋgan síje lai godo Ar dee to gə mba̰-rəwje rib-rib Asəna gə da-kalje gə́ d’wa dee gə ba̰də bèe, Oŋg-boo lə Njesigənea̰ wa dɔ dee Gə goo tɔji ji lə Njesigənea̰, Ala lə sí.

Esai 53:12

Gelee gə́ nee ɓa m’a karee ne né gə́ wɔji dəa Gə dəwje gə́ boo-boo na̰’d, Yeḛ lé a kai nébanrɔ kar njésiŋgamoŋje Mbata yeḛ ḭ gə mée ya̰ rəa ar yoo ləm, Deḛ turá na̰’d gə njéramajelje ləm, Mbata yeḛ odo kaiya lə dəwje bula ɔm dəa’g ləma, Yeḛ ra tamaji mbata lə dəwje gə́ ta wa dɔ dee ləm tɔ.

Jeremi 5:17

D’a rɔm koje lə sí lai gə muru lə sí ləm, D’a tɔl ŋgan síje gə́ diŋgam gə njé gə́ dené ləm, D’a sɔ badje gə maŋgje lə sí ləm, D’a sɔ nduúje gə kodéje lə sí ləma, D’a tuji ɓee-booje lə sí gə́ siŋga dee to Gə́ seḭ ɔmje meḛ sí dɔ’g lé Gə kiambas ləm tɔ.

Nɔ̰-ndôo gə́ wɔji dɔ Jerusalem 1:11

Koso-dəwje ləa lai tuma̰ ŋgururu-ŋgururu Loo-saŋg-nésɔ’g lə dee, Deḛ d’odo nékiŋgaje lə dee Gə́ bḭ-maji ɓa taa ne nésɔ Mba kul ne rɔ dee tɔ. Aa loo oo, Njesigənea̰, tel kəmi oo sí Mbata jeḛ n’tel n’toje nékula sul dɔ’gje ya.

Nɔ̰-ndôo gə́ wɔji dɔ Jerusalem 4:4

Ndo̰ ŋgonkas lé al oso raga Mbata kṵdaman gə́ ɔree loi lé ləm, Ŋganje dəji nésɔ ləm tɔ Nɛ dəw kára kara un nésɔ ar dee el.

Ejekel 30:24

N’a kar kag ji mbai gə́ Babilɔn ɓar mèr-mèr ləm, n’a kula kiambas lə neḛ jia’g ləm tɔ, n’a təd kag ji Parao̰ ndá yeḛ a tuma̰ ŋgururu-ŋgururu nea̰’g asəna gə dəw gə́ iŋga doo gə́ as yoo bèe.