Nɔ̰-ndôo gə́ wɔji dɔ Jerusalem 2:11 - Maktub gə́ To gə Kəmee

¹¹ Man-no̰ tɔ kəm wə-wə ləm, Ŋgan siḭm mbirim mba̰-mba̰ ləma, Siŋgam teḛ rɔm’g wɔndə ləm tɔ. Mbata tuji gə́ oso dɔ dəwje’g ləm ləm, Gə mbata ŋganje gə ŋganje gə́ ta mbà’d Gə́ d’aw d’ila mbir-mbir mee ɓee’g lé ləm tɔ.

Nɔ̰-ndôo gə́ wɔji dɔ Jerusalem 2:11 Iomraidhean Croise

Maktub gə́ wɔji dɔ Jɔb 16:13

Kandə ɓandaŋgje ləa gugu dɔm gə looje lai, Yeḛ ur ne rḛgm lal koo kəmtondoo ləm ləm, Yeḛ ar kəi kadm teḛ tam’g ɔm naŋg ləm tɔ.

Maktub gə́ wɔji dɔ Jɔb 30:27

Meem ndiri njigi-njigi ɓó əw el, Ndɔ nékəmndooje ubam naŋg bus.

Pakɔsje 119:82

Kəm to ndòo goo ndukun’g ləi Am m’pana: See ndɔ gə́ ra ŋga ɓa i a gɔl məəm ɓəi wa.

Pakɔsje 22:14

Deḛ teḛ ta dee ləgəgə-ləgəgə dɔm’g To gə́ toboḭ gə́ wa da inja miḭ dɔ’g hər-hər bèe.

Pakɔsje 31:9

Bèe ɓa i a kilam ji njeba̰’g ləm el, Nɛ i a kam m’ɔm gɔlm loo gə́ tad ila rəs’g ya.

Pakɔsje 38:8

Dunm nuŋga ne kəd-kəd ləm, Darɔm si gə́ majee gə́ tḛ́-tḛ́ bèe el ləm tɔ.

Pakɔsje 6:7

M’sané siŋgam loo tuma̰ ŋgururu-ŋgururu’g lé Loondulje kára-kára lai lé mán-no̰ ula loo-toom’g, Man-no̰ gə́ kəm’g ruba tira-tom’g ya tɔ.

Pakɔsje 69:3

Ma lé m’ur dan bɔrɔ dubu’g Ar loo kam m’uba gə mba kaar ne tar lé godo. Ma lé m’oso dan ɓul mán gə́ ɓiri’g Ar paŋgəm manee dəs dɔm’g.

Esai 22:4

Yee gə́ bèe ɓa ma m’pa ne m’pana: Unje kəm sí dɔm’d gə́ raŋg, Ya̰’mje amje m’no̰ gə meeko̰, Saŋje loo gə mba gɔl məəm Wɔji dɔ tuji-boo gə́ teḛ dɔ ŋgon gə́ dené’g lə koso-dəwje ləm lé el.

Esai 38:14

Ma m’no̰ njiriri-njiriri to gə́ ləbm-siri gə́ ḭ nar bèe ləm, Ma m’tuma̰ ŋgururu-ŋgururu to gə́ dərnda bèe ləm tɔ, M’un kəm gə́ dara nɛ kəm to bidig, Ǝi Njesigənea̰, m’isi dan néɓəŋgərə-ti’g, Taam ajim!

Esai 51:20

Siŋga ŋgan síje lai godo Ar dee to gə mba̰-rəwje rib-rib Asəna gə da-kalje gə́ d’wa dee gə ba̰də bèe, Oŋg-boo lə Njesigənea̰ wa dɔ dee Gə goo tɔji ji lə Njesigənea̰, Ala lə sí.

Jeremi 14:17

Aa oo, ta gə́ kəm kari ula dee ɓa to nee: Man-no̰ ndəi kəm neḛ’g dan kàrá Gə loondul’g, ɓó əw el, Mbata koso-dəwje lə neḛ Gə́ to d’asəna Gə ŋgoma̰də gə́ gər ŋgaw el lé Neḛ n’ar tuji-boo teḛ dɔ dee’g, To doo gə́ a kər el.

Jeremi 4:19

Wurm ɓòo! Wurm ɓòo! Dɔ ɓəŋgərəm ndiri njigi-njigi, Dɔ ɓəŋgərəm unda bala, Loo kam m’isi lɔm godo. Mbata ma m’oo ndu to̰to̰ ləm, Gə ndu kò-rɔ ləm tɔ.

Jeremi 44:7

Ɓasinè Njesigənea̰ Ala gə́ njeboo-néje gə́ to Ala lə Israɛlje lé pa togə́bè pana: See gelee ban ɓa seḭ nja raje némajel gə́ boo gə rɔ sí gə mba kar diŋgamje gə denéje gə ŋganje gə ŋganje gə́ ta mbà’g d’udu ne bo̰ dan koso-dəwje gə́ Juda kar ges sí kára kara nai el bèe wa.

Jeremi 8:19

Aa ooje, ndu no̰ lə koso-dəwje ləm ɓar Dɔ naŋg ɓeeje gə́ əw’g pana: See Njesigənea̰ godo Sio̰ wa. See mbai lə dee godo keneŋ wa. See gelee ban ɓa Deḛ tɔl néndajije gə́ magəje Gə́ to magəje gə́ dɔ ɓee’g D’ar oŋg ḭ ne səm pu wa.

Nɔ̰-ndôo gə́ wɔji dɔ Jerusalem 1:11

Koso-dəwje ləa lai tuma̰ ŋgururu-ŋgururu Loo-saŋg-nésɔ’g lə dee, Deḛ d’odo nékiŋgaje lə dee Gə́ bḭ-maji ɓa taa ne nésɔ Mba kul ne rɔ dee tɔ. Aa loo oo, Njesigənea̰, tel kəmi oo sí Mbata jeḛ n’tel n’toje nékula sul dɔ’gje ya.

Nɔ̰-ndôo gə́ wɔji dɔ Jerusalem 1:16

Néje neelé ɓa am m’no̰ ne, Ar mán-no̰ ndum ne kəm Mbata dəw gə́ njegɔl məəm ləm, Gə́ to njekarm siŋgam ləm tɔ lé Sa rəa rɔm’g rəw. Ŋganəmje lai d’isi dan no̰ ndòo’g Mbata njeba̰ lé siŋgá dum dɔ loo.

Nɔ̰-ndôo gə́ wɔji dɔ Jerusalem 1:20

Njesigənea̰, maji kari oo kəm loo to ndòo’g! Ŋgan siḭm mbirim mba̰-mba̰ ləm, Ɓə̰gərəm kara tuji pugudu məəm’g ləm tɔ Mbata tɔgərɔ kalta ndá m’al ya. Loo gə́ raga lé kiambas tuji ləm, Loo gə́ kəi lé yoo ɓa ula ŋgirá keneŋ ləm tɔ.

Nɔ̰-ndôo gə́ wɔji dɔ Jerusalem 5:17

Ɓó lé ɓəŋgərə sí ti dus ləm, Ɓó lé no̰ tɔ kəm sí wə-wə ləm tɔ ndá

Lugu 23:29

Mbata aa ooje, mee ndəaje d’a gə teḛ lé d’a pana: Rɔlel nai gə kawkadje ləm, rɔlel nai gə́ deḛ gə́ d’oji ŋgon kəm kára el gə deḛ gə́ d’ar ŋganje d’il mbà dee kəm kára el ləm tɔ.

1 Samel 30:4

Yen ŋga Dabid gə njérɔje gə́ d’aw səa lé d’ɔr ndu dee gə́ tar wəl no̰ saar d’ar siŋga dee gə́ kəm no̰ ne gə́ kédé-kédé lé godo.