Nɔ̰-ndôo gə́ wɔji dɔ Jerusalem 1:12 - Maktub gə́ To gə Kəmee

¹² Seḭ lai gə́ dəsje rəw’g neelé Ma m’ndigi kula sí ta. Maji kar sí aaje loo ooje To gə́ némeeko̰ gə́ ram lé garee godo ləm To rɔ sí-seḛ el ləm tɔ. Njesigənea̰ nja ɓa ḭ səm Ula ne kəm ndòo ndɔ gə́ oŋg-boo ḭ səa lé!

Nɔ̰-ndôo gə́ wɔji dɔ Jerusalem 1:12 Iomraidhean Croise

Pakɔsje 88:16

Ma lé m’to njenékəmndoo gə́ m’to ta yoo’g tebdé Nai’m gə basa ya saar ɓasinè ləm, Ma lé néɓəl-boo ləi dəb dɔm’g Ar məəm to ne kəgəgə ya ləm tɔ.

Esai 13:13

Gelee gə́ nee ɓa n’a yə dara ɓugu-ɓugu ləm, Gel naŋg kara a yə ləm tɔ Gə goo oŋg lə Njesigənea̰ gə́ njeboo-néje Mee ndɔ boo-oŋg’d ləa gə́ a kḭ səa jugugu lé tɔ.

Jeremi 10:19

Meeko̰ oso dɔm’g am m’tuji mba̰! Doo lé tom yaa̰! Kédé ma m’pana: To rɔko̰ gə́ ram Ndá m’a kila məəm po̰.

Jeremi 18:16

Deḛ d’ar ɓee lə dee tel dɔ nduba, Ar dəwje d’ula sul dɔ’d gə́ kédé-kédé, Deḛ lai gə́ dəs lée’g neelé D’wa ta dee sud ləm, Biri dɔ dee widi-widi ləm tɔ.

Jeremi 30:23

Lel-boo lə Njesigənea̰ Gə́ to oŋg-boo ləa nduba rəa ləm, Ndi bura-boo aw gə́ nee ləm tɔ Ndá jura dɔ njémeeyèrje’g.

Jeremi 30:24

Oŋg lə Njesigənea̰ Gə́ o̰ to gə́ pər bèe lé a kwəi bèm el Saar karee tɔl ne ta néje Gə́ yeḛ wɔji mée’g mba ra lé bém, Ndɔje gə́ gogo ɓa seḭ a gərje njai ɓəi.

Jeremi 30:7

Meeko̰ gə́ ban ɓa bèe wa! Mbata ndɔ neelé to ndɔ gə́ boo! Ndɔ gə́ raŋg gə́ as səa kédé lé godo. To kàr néɓəŋgərəti mbata lə Jakob, Nɛ yeḛ a teḛ ta’g gə majee ya.

Jeremi 4:8

Gelee gə́ nee ɓa maji kar sí ulaje kubu-kwa-ndòo rɔ sí’g No̰je ne ləm, gə tuma̰je ne ŋgururu-ŋgururu ləm tɔ, Mbata oŋg lə Njesigənea̰ gə́ to asəna gə pər bèe lé a lal sí el.

Jeremi 48:27

See i lé unda Israɛlje gə́ nékula sul dɔ’g ləi el wa. See i teḛ dəa’g wai mbuna njéɓogoje’g ɓa i pata ləa tuga ne dɔi jəgm-jəgm bèe wa.

Nɔ̰-ndôo gə́ wɔji dɔ Jerusalem 1:18

Njesigənea̰ lé to njemeekarabasur ya, Nɛ to ma ya ɓa m’al dɔ ndukunje ləa. Seḭ koso-dəwje lai lé urje mbi sí ooje ne ta ləm ləm, Teḛje kəm sí ooje ne némeeko̰ ləm ləm tɔ! Ŋganəmje gə́ ma̰də ləm, gə deḛ gə́ basa ləm tɔ lé D’wa dee ɓər d’aw sə dee ya.

Nɔ̰-ndôo gə́ wɔji dɔ Jerusalem 2:1

Ɗi togə́bè wa. Ɓa Njesigənea̰ ar oŋg ḭ səa pu Ɓa dəb ne rigim dɔ ŋgoma̰də gə́ Sio̰’g lé wa. Boo-nérɔnduba lə Israɛl gə́ ndɔḭ wər-wər lé Yeḛ ḭ səa dara ɔsee piriŋ ilá naŋg! Yeḛ ar mée wəi dɔ nétura-gɔl-kɔm’g ləa Mee ndɔ oŋg’d ləa lé tɔ.

Nɔ̰-ndôo gə́ wɔji dɔ Jerusalem 2:13

See ta ɗi ɓa m’a pa kari tɔɓəi wa. See ɗi ɓa m’a kwa kwɔjii ne wa, I ŋgoma̰də gə́ Jerusalem lé. See na̰ ɓa to asəna səi wa. See ta ɗi ɓa m’a gɔl ne məəi, I ŋgon dené gə́ Sio̰ lé wa. Mbata doo ləi lé to tad rəg-rəg Asəna gə baa-boo-kad bèe: See na̰ ɓa a kaskəm karee ər kəmsə wa.

Loo gə́ killa rea kəm Daniel’g 9:12

Taje gə́ yeḛ gaŋg dɔ sí’g gə dɔ mbaije’g lə sí gə́ d’o̰ dɔ sí lé yeḛ ar dee d’aw lée’g béréré tɔɓəi yeḛ ar tuji-boo teḛ dɔ sí’g tɔ. Tuji-boo gə́ teḛ dɔ Jerusalem’g lé d’oo garee togə́bè dɔ naŋg nee kédé el.

Joɛl 2:2

To ndɔ ka̰ loo gə́ ndul njudu-njudu Gə loo gə́ dəb bigim ləm, To ndɔ gə́ mum a koso ləm Ndi a kḭ loḭ-loḭ ləm tɔ. Yee ree asəna gə kàr gə́ uba kuji’d Gə́ ar loo àr dɔ mbalje’g bèe. Aa ooje, ginkoji dəwje gə́ bula digi-digi Gə́ to njésiŋgamoŋje Gə́ dəw oo gar dee kédé el ləm, D’a koo gar dee gə́ togə́bè gogo nda̰ el ləm tɔ.

Matiyo 24:21

Mbata ndəa neelé némeeko̰ gə́ a gə ra sí lé a kal dɔ loo sula. D’oo garee togə́bè ndɔ tum gin naŋg nee saar ɓasinè lé el ɓəi ləm, d’a koo garee gə́ togə́bè gogo nda̰ bèe el ləm tɔ.