Nɔ̰-ndôo gə́ wɔji dɔ Jerusalem 1:1 - Maktub gə́ To gə Kəmee

¹ Ɗi togə́bè wa. Ɓee-boo gə́ kédé dəwje taa loo keneŋ pəl-pəl lé Tel to dɔ nduba wa. Yee tel to asəna gə njekəisiŋga bèe! Kédé yee ur dɔ ɓeeje lə ginkoji dəwje gə raŋg lai ləm, Ria ɓar yaa̰ mbuna ɓeeko̰je’g lai ləm tɔ Nɛ yee tel to asəna gə njera kula kari ba ŋga!

Nɔ̰-ndôo gə́ wɔji dɔ Jerusalem 1:1 Iomraidhean Croise

2 Mbaije 23:33

Parao̰ Neko wá gə kúla lar mee ɓee gə́ Ribla dɔ naŋg gə́ Amat mba karee si Jerusalem o̰ ne ɓee el ŋga, yeḛ gaŋg lar-gədɓee dɔ ɓee’g as larnda nékwɔji kwɔi-lə-né tɔl-dɔg-loo-munda (3.000) ləm, gə larlɔr as nékwɔji kwɔi-lə-né rɔ-munda ləm tɔ.

2 Mbaije 23:35

Jojakim ar Parao̰ larnda gə larlɔr: nɛ lar gə́ d’a gə kar neelé yeḛ gaŋg dɔ dəwje gə́ mee ɓee’g gə goo ndukun lə Parao̰ ya, yeḛ wɔji ka̰ nana kara ɓa buguru dəwje taa ne larnda gə larlɔr gə́ kəm kar Parao̰ Neko lé ɓəi.

2 Sôrta Gḭka Israɛlje 9:26

Salomo̰ o̰ ɓee dɔ mbaije’g lai, un kudee baa-boo’g saar teḛ ne ɓeeje’g lə Pilistije saar teḛ rəw-nim-ɓee gə́ Ejiptə tɔ.

Esdras 4:20

Kédé lé mbaije gə́ to njésiŋgamoŋje ɓa d’isi Jerusalem d’o̰ loo lai gə́ kel tura-baa gə́ nu ndá d’ar dəwje d’uga dɔ rɔ dee ləm, gə négədɓee ləma, d’ar dee d’uga rəw ɓa dəs ne ləm tɔ.

Nehemi 5:4

Njé gə́ raŋg pana: Jeḛ n’wərje lar j’unda dɔ ndɔje’g lə sí ləm, gə dɔ ndɔ-nduúje’g lə sí ləm tɔ mba kuga ne nékoga dɔ rɔ gə́ wɔji dɔ mbai lé.

Nehemi 9:37

Dɔ naŋg lé ar némajije ləa ḭ dɔ maree’g gə́ kédé-kédé Ar mbaije gə́ i ar sí j’ulaje dɔ sí n’raje né j’ar dee lé Mbata kaiyaje lə sí ya, Deḛ d’o̰ dɔ darɔ sí ləm, Gə dɔ nékulje lə sí ləm tɔ To gə́ meḛ dee ndigi Ndá jeḛ ɓa j’isi dan boo-nékəmndoo’g ya.

Pakɔsje 122:4

To loo gə́ ginkoji dəwje gə raŋg Gə́ to ka̰ Njesigənea̰ lé d’aw keneŋ Gə goo godndu gə́ wɔji dɔ Israɛlje Gə mba pidi ne ri Njesigənea̰.

Esai 14:12

Ǝi, i lé ya ḭ dara oso wa I gə́ to kérèmé gə́ ndɔḭ wər-wər ləm, Gə ŋgolə duji-lookàr ləm tɔ! I lé d’undai d’ilai naŋg, I gə́ kédé to njedum dɔ ginkoji dəwje gə raŋg’g lé ya wa!

Esai 22:2

Ɓee-boo kunda bula ləm, Dəwje d’aw dɔ na̰’d gə́ wur-wur ləma, To loo-rɔlel ləm tɔ! Dəwje ləi gə́ d’wəi lé D’a kwəi yoo-kiambas el ləm, D’a kwəi yoo-rɔ el ləm tɔ.

Esai 3:26

Denéje d’a no̰ kwa ne ndòo yoo tarəwkɔgje gə́ Sio̰, Némajije d’a godo rɔ dee’g ndá d’a si naŋg kari ba.

Esai 49:21

Bèe ɓa seḭ a paje meḛ sí’g pana: See na̰ ɓa oji dee ar sí wa. Mbata jeḛ n’lalje ŋganje. Jeḛ n’toje kawkadje. D’wa sí gə́ ɓər ɓa tuba sí. See na̰ ɓa odo dee wa. Jeḛ j’isije gə kar sí ba. See loo gə́ ra ɓa ŋganje neelé d’ḭ keneŋ wa.

Esai 50:5

Mbaidɔmbaije gə́ Njesigənea̰ ar mbim to tag Ndá ma m’ɔsee rəw el ləm, Ma m’gad kudum gə́ gogo el ləm tɔ.

Esai 52:2

Ḭje tar kundaje kor rɔ sí’g! Ḭje tar síje dɔ loo-si sí’g, Seḭ gə́ Jerusalem! Tuduje kúla gə́ to gwɔs sí’g, Seḭ ŋgalə Sio̰ gə́ toje ɓərje lé!

Esai 52:7

Dəw gə́ ḭ dɔ sém mbal’g ree ula sí tagə́maji ləm, Gə́ ila mber ta gə́ wɔji dɔ meekulɔm ləm, Yeḛ gə́ ula sí tagə́maji ləm, Gə́ ila mber ta gə́ wɔji dɔ kaji ləma, Yeḛ gə́ ula njé gə́ Sio̰ pana: Ala lə sí lé o̰ ɓee ləm tɔ lé Gɔlee to njam-njam.

Esai 54:4

Ɓəl el Mbata kəm sɔḭ a kwa kəmi el ləm, Ra kəm kul el Mbata i a nai gə rɔkul el ləm tɔ. Nɛ rɔkul ləi gə́ gə ma̰di lé Məəi a kwəi dɔ’g ɓəi ləm, Sul-boo gə́ d’ula dɔi’g mee kəi-siŋga’g ləi lé Məəi a kolé dɔ’g nda̰ el ləm tɔ.

Jeremi 31:7

Mbata Njesigənea̰ pa togə́bè pana: Raje né wəl gə ndu rɔlel dɔ Jakob’g ləm, Arje boo-rɔkal lə sí nduba rəa gə́ raga Dɔ yeḛ gə́ to doŋgɔr Le ginkoji dəwje gə raŋg ləm tɔ. Ɔrje ndu sí gə́ tar ɔsje ne pa Pideeje paje ne pana: Njesigənea̰, maji kari taa Dɔ koso-dəwje ləi, Ges Israɛlje gə́ nai lé!

Jeremi 40:9

Gedalia, ŋgolə Ahikam gə́ to ŋgolə Sapan man rəa ar dee-deḛ ləm, gə dəwje lə dee ləm tɔ pana: Ɓəlje mba ra kula kar Kaldeje el. Sije mee ɓee’g raje kula arje mbai gə́ Babilɔn ndá a síje ne gə́ majee.

Jeremi 42:2

d’ula Jeremi, njetegginta pana: Maji kar ndòo raje lə sí taa kəmi rəgm ya. Ra mbai ta Njesigənea̰, Ala’g lé ləi mbata lə síjeḛ dəwje lai gə́ naije mbata jeḛ m’bula yaa̰ kédé nɛ jeḛ naije jebəre ba to gə́ i oo gə kəmi nee lé.

Jeremi 44:2

Njesigənea̰ gə́ njeboo-néje gə́ to Ala lə Israɛlje pa togə́bè pana: Seḭ ooje némeekonje lai gə́ m’aree teḛ dɔ Jerusalem’g gə dɔ ɓee-booje lai gə́ Juda. Aa ooje, ɓogənè ɓee-booje neelé to dɔ nduba ləm, dəw kára kara si keneŋ el ləm tɔ,

Jeremi 44:6

Ma m’ɓugu oŋg gə meekḭ jugugu ləm dɔ dee’g ndá m’roo ɓee-booje gə́ Juda ləm, gə mba̰-rəwje gə́ Jerusalem ləm tɔ ar dee tuji pugudu ləm, ar dee tel to dɔdilaloo ləm tɔ, to gə́ dəwje d’oo ɓogənè lé.

Jeremi 50:23

Deḛ guree rug-rug ləm, D’iree njigi-njigi ləm tɔ! Babilɔn lé tuji pugudu Mbuna ginkoji dəwje gə raŋg’g!

Jeremi 9:11

See dəw gə́ ra ɓa gə́ njekəmkàr Gə́ gər gin néje neelé wa. Yeḛ gə́ Njesigənea̰ ulá ta lé maji karee pa! See gelee ban ɓa ɓee tuji ləm, Pər roo to gə́ dɔdilaloo gə́ dəw kára kara Dəs keneŋ el ləm tɔ wa.

Nɔ̰-ndôo gə́ wɔji dɔ Jerusalem 1:19

Ma m’ɓar baokuraje ləm Nɛ deḛ d’ərm gə́ kər ɓa. Njékinjanéməsje ləm gə ŋgatɔgje ləm kara D’wəi mee ɓee-boo’g Loo gə́ d’aw saŋg nésɔ mba kul ne rɔ dee.

Nɔ̰-ndôo gə́ wɔji dɔ Jerusalem 2:1

Ɗi togə́bè wa. Ɓa Njesigənea̰ ar oŋg ḭ səa pu Ɓa dəb ne rigim dɔ ŋgoma̰də gə́ Sio̰’g lé wa. Boo-nérɔnduba lə Israɛl gə́ ndɔḭ wər-wər lé Yeḛ ḭ səa dara ɔsee piriŋ ilá naŋg! Yeḛ ar mée wəi dɔ nétura-gɔl-kɔm’g ləa Mee ndɔ oŋg’d ləa lé tɔ.

Nɔ̰-ndôo gə́ wɔji dɔ Jerusalem 2:10

Ŋgatɔgje lə ŋgoma̰də gə́ Sio̰ lé D’isi dɔ mundu, Deḛ tuga kor d’ɔm dɔ dee’g ləm, Deḛ d’ula kubu-kwa-ndòo ɓa rɔ dee’g ləm tɔ, Ŋgama̰dje gə́ Jerusalem lai lé D’ula dɔ dee naŋg.

Nɔ̰-ndôo gə́ wɔji dɔ Jerusalem 4:1

See ɗi togə́bè wa. Larlɔr lé ndɔḭ ləa tuji ŋga. Larlɔr gə́ àr ŋgad-ŋgad lé Tel mina̰ ŋga! Kɔr mbalje gə́ mee kəi gə́ to gə kəmee lé kara Deḛ sané dee kad-kad tɔ-rəwje’g lai-lai ya tɔ.

Nɔ̰-ndôo gə́ wɔji dɔ Jerusalem 5:16

Dəwje d’oo sí gə́ né kəm dee’g el ləm! Némeeko̰ gə ban ɓa bèe wa! Mbata jeḛ n’raje kaiya ya.

Ejekel 26:16

Ŋgan-mbaije lai gə́ njékaa dɔ dəb ɓeeko̰je gə́ d’isi ta baa-boo-kad’g lé d’ḭ dɔ kalimbaije’g lə dee d’ur naŋg. Deḛ tɔr kubuje lə dee gə́ boi yul-yul rɔ dee’g ləm, deḛ tɔr kubuje lə dee gə́ d’ɔs ndaji ta’g ləm tɔ. Deḛ ɓiri rɔ dee gə ɓəl ndá rəm d’isi naŋg. Ɓəl-boo dəb dɔ dee’g gə mee kàrje lai ləm, ɓəl unda dee badə gaŋg dee mbata né gə́ yeḛ aree teḛ dɔi’g ləm tɔ.

Ejekel 26:2

I ŋgon-dəw lé to gə́ Tirje pata dɔ Jerusalem’g pana: Bèe ya ɓa! Bèe ya ɓa lé, ɓee gə́ to tarəwkəi lə koso-dəwje lé təd ar dəwje tel kəm dee gə́ dɔ síjeḛ’g. Yee ɓa j’a kar néje taa rɔ síjeḛ pəl-pəl mbata yee lé to dɔ nduba!

Ejekel 5:5

Mbaidɔmbaije gə́ Njesigənea̰ pa togə́bè pana: Yee ɓa to né gə́ a teḛ dɔ Jerusalem gə́ neḛ nja n’aree to mbuna ginkoji dəwje gə raŋg’g gə ɓeeje gə́ gugu dəa lé.

Ləbije 26:31

M’a kar ɓee-booje lə sí tel to dɔ nduba ləm, m’a tuji looje lə sí gə́ to gə kəmee ləma, néje lə sí gə́ d’ə̰də sululu lé kara m’a taa baḭ dee el ləm tɔ.

Ləbije 26:33

M’a sané sí mbuna ginkoji dəwje gə raŋg’g, tɔɓəi m’a kar dee d’orè goo sí ndəŋ gə kiambas tɔ. Ɓee lə sí a to nduba ləm, ɓee-booje lə sí kara d’a tel to dɔdilalooje ləm tɔ.

Soponi 2:15

Aa ooje, yee ɓa gə́ ɓee-boo gə́ dəwje gə́ keneŋ d’isi dan rɔlel’g Nda ne meḛ dee kaḭ dɔ rɔ dee’g Ra né meḛ dee’g pana: Neḛ ya ɓó né gə́ raŋg godo, to neḛ ya! Ɗi togə́bè wa. Yee tuji pugudu ŋga. Yee tel to loo-to daje gə́ wala! Deḛ lai gə́ dəs mbɔree’g lé D’a kur kɔl piu jeŋ ne ji dee.

Loo gə́ killa rea kəm Ja̰’g 18:7

Kɔs gə́ yeḛ ɔs gaji rəa ɓa uru ne dan némajije gə́ d’al dɔ loo sula ɓəi lé areeje uga gə néurti gə kəmndooyoo togə́bè tɔ. Mbata yeḛ ə̰ji ta mée’g pana: N’isi n’to mbai gə́ dené ləm, neḛ n’to gə́ dené nduba el ləm, kəmndooyoo a teḛ dɔ neḛ’g el ŋga ləm tɔ.