Ləbije 9:4 - Maktub gə́ To gə Kəmee

⁴ gə bɔ maŋg gə bàl badə gə́ nékinjaməs gə́ ka̰ kɔm na̰’d ləm tɔ, mba kinja dee no̰ Njesigənea̰’g, tɔɓəi nékar gə́ to nduji-kó gə́ mbɔḭ gə ubu tɔ. Mbata ɓogənè lé Njesigənea̰ a gə teḛ kəm sí’g ya.

Ləbije 9:4 Iomraidhean Croise

Teḛ-Raga 16:10

Loo gə́ Aaro̰ si ula koso-dəwje gə́ Israɛl lai ta bèe lé deḛ tel kəm dee par gə́ dɔdilaloo’g ndá aa oo, rɔnduba lə Njesigənea̰ teḛ dan mum’g.

Teḛ-Raga 19:11

Ndɔ gə́ njekɔm’g munda lé maji kar dee d’aar pèrèrè, mbata ndɔ gə́ njekɔm’g munda neelé Njesigənea̰ a kḭ tar kuru naŋg dɔ mbal gə́ Sinai kəm koso-dəwje’g lai.

Teḛ-Raga 24:16

Rɔnduba lə Njesigənea̰ nai dɔ mbal gə́ Sinai’g ndá Njesigənea̰ ɓar Moyis dan mum’g.

Teḛ-Raga 29:43

Lée gə́ neelé ɓa m’a ree kiŋga Israɛlje keneŋ ndá rɔnduba ləm lé a kɔr loo neelé kunda gə kəmee ya.

Ejekel 43:2

Ndá aa oo, nérɔnduba lə Ala lə Israɛlje ḭ bər aw gə́ nee. Keaa ɓar asəna gə kaa mán bélm ləm, rɔnduba ləa ar naŋg ndogó ne ɔr jol-jol ləm tɔ.

Ejekel 43:27

Loo gə́ ndɔje neelé d’a kas lée béréré mba̰ ndá un kudee ndɔ gə́ njekɔm’g jinaijoo saar gə́ kédé lé ndá njékinjanéməsje d’a kinja nékinjaməs gə́ ka̰ roo ləm, gə nékinjanéməsje gə́ ka̰ ra oiyo ləm tɔ dɔ loo-nékinjaməs’g lé. Bèe ɓa n’a ndigi sə sí, Mbaidɔmbaije gə́ Njesigənea̰ ɓa pa bèe.

Ləbije 2:1

Loo gə́ dəw a gə kun nékar gə́ to nduji mba kar Njesigənea̰ ndá yeḛ a kun nduji gə́ ndá léréré, yeḛ a kɔm ubu dɔ’g ləm, yeḛ a kɔm né gə́ ə̰də sululu dɔ’g ləm tɔ.

Ləbije 3:1

Loo gə́ dəw a gə kun nékinjaməs gə́ ka̰ kɔm na̰’d gə Njesigənea̰ ndá ɓó lé yeḛ a kwa da-kul gə́ boi, lé to gə́ bɔ maŋg əsé ko̰ maŋg kara yeḛ a kwa yee gə́ rəa mina̰ el ɓa a kaw ne no̰ Njesigənea̰’g ɓəi.

Ləbije 9:23

Moyis gə Aaro̰ d’andə d’aw mee kəi-kubu-kiŋga-na̰’g. Loo gə́ d’unda loo teḛ raga ndá deḛ tɔr ndu dee dɔ koso-dəwje’g. Tɔɓəi rɔnduba lə Njesigənea̰ teḛ kəm koso-dəwje’g lé lai tɔ.

Ləbije 9:3

I a kula Israɛlje pana: Maji kar sí waje bàl bya̰ gə́ nékinjaməs gə́ wɔji dɔ kuga dɔ kaiya ləm, gə ŋgon maŋg kára ləm gə ŋgon badə kára ləm tɔ, dee gə́ ra ləb dee kára-kára ba gə́ rɔ dee mina̰ el lé gə́ nékinjaməs gə́ ka̰ roo ləm,

Ləbije 9:5

Deḛ ree no̰ kəi-kubu-kiŋga-na̰’g gə néje lai gə́ Moyis un ndia dɔ’g ar dee lé, tɔɓəi koso-dəwje lai rəm pər gə́ keneŋ ndá d’aar tar no̰ Njesigənea̰’g.

Ləbije 9:6

Moyis pana: Yee ɓa gə́ né gə́ seḭ a raje gə́ Njesigənea̰ un ne ndia dɔ’g lé, raje ndá rɔnduba lə Njesigənea̰ a teḛ kəm sí’g ya.

Bula lə Israɛlje 14:10

Boo-dəwje lai d’wɔji-kwɔji tila dee gə kɔri-ər. Ndá rɔnduba lə Njesigənea̰ teḛ dɔ kəi-kubu-kiŋga-na̰’g kəm Israɛlje’g lai.

Bula lə Israɛlje 16:19

Koré ɓar koso-dəwje lai dɔ na̰’d tarəw kəi-kubu-kiŋga-na̰’g mba kar dee d’ḭ gə Moyis gə Aaro̰. Yen ŋga rɔnduba lə Njesigənea̰ teḛ kəm koso-dəwje’g lai təsərə.