Ləbije 9:24 - Maktub gə́ To gə Kəmee

²⁴ Pər ḭ no̰ Njesigənea̰’g ndá roo nékinjaməs gə́ ka̰ roo gə ubuje gə́ to loo-nékinjaməs’g lé. Koso-dəwje lai d’oo ndá deḛ ra né u-u-u gə rɔlel tɔɓəi deḛ d’oso rəb dəb kəm dee naŋg tɔ.

Ləbije 9:24 Iomraidhean Croise

Gḭ-Néje 15:17

Loo gə́ kàr andə mba̰ ndá loondul njudu-njudu. Ndá aa oo, loo-kula-bṵda gə́ sa pər teḛ keneŋ teḛ ləm, ndo̰ pərje gə́ ḭ keneŋ andə mbuna daje gə́ riba’g lé tɔ.

Gḭ-Néje 17:3

Abram oso naŋg bəbərə, dəb kəmee naŋg, ndá Ala ulá pana:

2 Mbaije 19:15

ra ne tamaji nee ar Njesigənea̰ pana: Njesigənea̰, Ala lə Israɛlje, i gə́ si dɔ kuraje gə́ dara gə́ ɓar dee Nékundaje gə́ dara! I nja kára ba kiao ɓa to Ala dɔ ɓeeko̰je’g lai gə́ dɔ naŋg nee ləm, i ɓa gə́ njekunda dara gə naŋg nee ləm tɔ.

1 Sôrta Gḭka-Israɛlje 21:26

Dabid unda loo-nékinjaməs lée’g neelé ar Njesigənea̰ ləm, yeḛ inja nékinjanéməsje gə́ ka̰ roo ləm, gə nékinjanéməsje gə́ ka̰ kɔm na̰’d ləm tɔ.

2 Sôrta Gḭka Israɛlje 6:2

Nɛ ma lé m’ra kəi mbai gə́ a to loo-sii Gə́ i a si keneŋ saar-saar gə no̰ to!

Esdras 3:11

Deḛ d’ɔs pa pidi ne Njesigənea̰ d’ɔs ne gajee pana: Mbata yeḛ lé maji dum ləm, meekɔrjol ləa gə mbata lə Israɛlje lé to saar-saar gə no̰ ya ləm tɔ. Tɔɓəi koso-dəwje lai neelé ra né gə ndu dee gə́ boi wəl d’ɔs ne gaji Njesigənea̰ gə mbata gin kəi lə Njesigənea̰ gə́ deḛ tum lé tɔ.

Pakɔsje 80:1

Pakɔs lə Asap gə́ ar bao-pa mba karee ɔs sə dee lé. D’ɔs gə ndu gwɔs pa gə́ pana: Pudu ndujaje.

Teḛ-Raga 3:2

Ndá kura lə Mbaidɔmbaije gə́ dara teḛ kəmee’g dan ndo̰ pər gə́ ḭ mee ŋgon kag’d o̰ lé. Moyis aa loo oo ndá aa oo, pər taa rɔ ŋgon kag neelé pəl-pəl nɛ roo ŋgon kag lé el.

Ləbije 10:2

Togə́bè ɓa pər ḭ no̰ Njesigənea̰’g roo dee ar dee d’wəi ne no̰ Njesigənea̰’g tɔ.

Ləbije 6:13

Aa oo, nékarje gə́ Aaro̰ gə ŋganeeje d’a ree ne kar Njesigənea̰ mee ndəa gə́ d’a tər ne ubu dɔ dee’g lé ɓa to nee: nduji gə́ ndá léréré as nékwɔji kwɔi-lə-né sɔ, yee ɓa a to nékar gə́ to nduji gə́ to gə no̰ lé ndá d’a ree gə gesee gə ndɔ ləm, gə gesee gə́ kàrkametag ləm tɔ.

Bula lə Israɛlje 14:5

Moyis gə Aaro̰ rəm d’oso naŋg rəb kəm koso-dəwje gə́ Israɛl gə́ mbo̰ dɔ na̰ lé.

Bula lə Israɛlje 16:22

Moyis gə Aaro̰ d’oso naŋg bəbərə-bəbərə dəb kəm dee naŋg, deḛ pana: Ǝi Ala! i gə́ ar dəwje lai d’isi kəmba lé! Dəw kára ba ɓa ra kaiya ndá ŋga, see oŋg ləi a kḭ səi pu dɔ koso-dəwje’g ləi lai to gə́ ban wa.

Bula lə Israɛlje 23:21

Yeḛ oo néra kori-kori rɔ Jakob’g el ləm, Yeḛ oo néra gə́ lal najee rɔ Israɛlje’g el ləm tɔ. Njesigənea̰, Ala ləa nai səa ləm, Yeḛ to mbai ləa ləma, gə gin rɔkal ləa ləm tɔ.

Matiyo 26:39

Loo gə́ yee ɔd aw gə kuree rəgəsə ndá yeḛ oso naŋg bəbərə dəb kəmee naŋg ra ndòo ta Ala’g pana: Bɔm, ɓó lé to kəm ra ndá taa ŋgo-kai meeko̰ neelé jim’g rəw gə́ raŋg. Ɓó lé to gə́ ndigi el ndá kara ra né gə́ məəi-i nja wɔji ɓó to gə́ məəm-ma ɓa wɔji el.

Loo gə́ killa rea kəm Ja̰’g 4:9

Nékundaje gə́ d’aw kəmba lé loo gə́ deḛ d’ila riɓar dɔ yeḛ gə́ si kalimbai’g gə́ sí gə ləbee-ləbee gə nea̰ lé ɓa d’ula ne rɔnduba dəa’g ləm, deḛ rəa oiyo ləm tɔ

Loo gə́ killa rea kəm Ja̰’g 5:8

Loo gə́ yeḛ taa maktub lé mba̰ ndá nékundaje lə Ala sɔ gə́ d’aw kəmba ləm, gə ŋgatɔgje rɔ-joo-gir-dee-sɔ ləm tɔ d’unda barmba d’ula dɔ dee naŋg no̰ Ŋgonbad’g lé. Deḛ kára-kára lai d’isi gə kṵdu-kagje ləm, bai-larlɔrje gə́ né ə̰də sululu rusu mee dee tub-tub to ji dee’g kára-kára lai ləm tɔ. Yee ɓa gə́ tamaji ra lə deḛ gə́ to gə kəmee.

Loo gə́ killa rea kəm Ja̰’g 7:11

Kuraje lə Ala gə́ dara lai gugu dɔ kalimbai lé sub ləm, gə dɔ ŋgatɔgje lé ləma, gə dɔ nékundaje lə Ala gə́ sɔ gə́ d’aw kəmba lé ləm tɔ. Deḛ d’unda barmba d’ula dɔ dee naŋg no̰ kalimbai’g, d’wa Ala meḛ dee’g

Njéga̰g-Rəwtaje 13:23

Dené ləa ilá keneŋ pana: Ɓó lé Njesigənea̰ ndigi kar sí j’wəije ndá yeḛ a taa nékinjaməs gə́ ka̰ roo gə nékar gə́ to nduji neelé ji sí’g el ləm, yeḛ a kar sí j’oo néje lai neelé gə kəm sí el ləma, yeḛ a kar sí j’oo gar néje gə́ togə́bè gə mbi sí el ləm tɔ.

Njéga̰g-Rəwtaje 6:21

Yen ŋga kura lə Njesigənea̰ gə́ dara ɔrɔ rɔ da gə muru gə́ əm-tiné godo keneŋ gə dɔtel kag gə́ to jia’g. Léegəneeya pər ḭ dɔ biri mbal’g roo da gə muru gə́ lal əm-tiné lé rɔg-rɔg. Ndá kura lə Njesigənea̰ gə́ dara lé sané pá kəmee’g.