Ləbije 9:23 - Maktub gə́ To gə Kəmee

²³ Moyis gə Aaro̰ d’andə d’aw mee kəi-kubu-kiŋga-na̰’g. Loo gə́ d’unda loo teḛ raga ndá deḛ tɔr ndu dee dɔ koso-dəwje’g. Tɔɓəi rɔnduba lə Njesigənea̰ teḛ kəm koso-dəwje’g lé lai tɔ.

Ləbije 9:23 Iomraidhean Croise

2 Sôrta Gḭka Israɛlje 7:1

Loo gə́ Salomo̰ tɔl tamaji ləa mba̰ ndá pər ḭ dara roo nékinjaməs gə́ ka̰ roo ləm, gə nékinjaməs gə́ raŋg ləm tɔ ndá rɔnduba lə Njesigənea̰ taa mee kəi lé pəl-pəl tɔ.

Teḛ-Raga 16:10

Loo gə́ Aaro̰ si ula koso-dəwje gə́ Israɛl lai ta bèe lé deḛ tel kəm dee par gə́ dɔdilaloo’g ndá aa oo, rɔnduba lə Njesigənea̰ teḛ dan mum’g.

Teḛ-Raga 39:43

Moyis tən kulaje neelé lai, ndá aa oo, deḛ ra to gə́ Njesigənea̰ un ne ndia ar dee lé deḛ ra togə́bè ya. Bèe ɓa Moyis tɔr ne ndia dɔ dee’g ya.

Ləbije 9:4

gə bɔ maŋg gə bàl badə gə́ nékinjaməs gə́ ka̰ kɔm na̰’d ləm tɔ, mba kinja dee no̰ Njesigənea̰’g, tɔɓəi nékar gə́ to nduji-kó gə́ mbɔḭ gə ubu tɔ. Mbata ɓogənè lé Njesigənea̰ a gə teḛ kəm sí’g ya.

Ləbije 9:6

Moyis pana: Yee ɓa gə́ né gə́ seḭ a raje gə́ Njesigənea̰ un ne ndia dɔ’g lé, raje ndá rɔnduba lə Njesigənea̰ a teḛ kəm sí’g ya.

Bula lə Israɛlje 14:10

Boo-dəwje lai d’wɔji-kwɔji tila dee gə kɔri-ər. Ndá rɔnduba lə Njesigənea̰ teḛ dɔ kəi-kubu-kiŋga-na̰’g kəm Israɛlje’g lai.

Bula lə Israɛlje 16:19

Koré ɓar koso-dəwje lai dɔ na̰’d tarəw kəi-kubu-kiŋga-na̰’g mba kar dee d’ḭ gə Moyis gə Aaro̰. Yen ŋga rɔnduba lə Njesigənea̰ teḛ kəm koso-dəwje’g lai təsərə.