Ləbije 8:33 - Maktub gə́ To gə Kəmee

³³ As ndɔ sí siri lé, seḭ a kḭje tarəw kəi-kubu-kiŋga-na̰’g kawje raŋg el saar kar ndɔje gə́ ka̰ kunda sí gə kəmee kɔm kula ji sí’g lé aw lée’g béréré ɓa, mbata as ndɔ siri lé ɓa d’a kunda sí gə kəmee kɔm kula ji sí’g ɓəi.

Ləbije 8:33 Iomraidhean Croise

Teḛ-Raga 29:30

Ŋgonee gə́ a taa toree loo kula gə́ wɔji dɔ nékinjaməs lé ləm, gə́ a kandə mee kəi-kubu-kiŋga-na̰ gə́ to gə kəmee mba ra kula mee loo gə́ to gə kəmee doi’g ləm tɔ lé a kula kubuje neelé rəa’g as ndəa siri.

Teḛ-Raga 29:35

I a ra gə Aaro̰ gə ŋganeeje gə́ diŋgam lé gə goo ndukunje lai gə́ ma m’un ne ndum m’ari lé. I a kwɔji ndɔ siri mba kɔr dee ne kunda dee ne gə kəmee ya.

Ləbije 14:8

Yeḛ gə́ d’ɔr won rəa lé a togo kubuje ləa ləm, a ndisa bḭ reaje bur-bur ləma, a ndogo mán ləm tɔ, ndá yeḛ a to dəw gə́ àr. Gée gə́ gogo yeḛ a kaskəm kandə loo-si dee’g, nɛ a si gir kəi-kubu’g ləa gə́ raga as ndɔ siri ɓəi.

Ləbije 15:13

Loo gə́ mán rəa gə́ ree rəa’g lé gelee gaŋg ndá yeḛ a tura ndɔ siri goo’g ɓa won rəa lé a kɔr ɓə̰dərə-ɓə̰dərə ɓəi, tɔɓəi yeḛ a togo kubuje ləa ləm, a togo rəa gə mán gə́ ula yal-yal ləm tɔ ɓa rəa a kàr ŋgad-ŋgad ɓəi.

Ləbije 8:34

Né gə́ jeḛ n’ra ɓogənè lé Njesigənea̰ ɓa un ndia mba kar sí n’raje to gə́ ra ɓogənè mba kuga ne dɔ kaiyaje lə sí bèe ya.

Bula lə Israɛlje 19:12

Yeḛ a kɔr won rəa gə mán neelé mee ndɔ gə́ njekɔm’g munda’g ləm, gə ndɔ gə́ njekɔm’g siri’g ləm tɔ ndá rəa a kàr ne ŋgad-ŋgad, nɛ ɓó lé yeḛ ɔr won rəa mee ndɔ gə́ njekɔm’g munda’g el ləm, gə ndɔ gə́ njekɔm’g siri’g el ləm tɔ ndá rəa a kàr ŋgad-ŋgad el tɔ.