Ləbije 8:3 - Maktub gə́ To gə Kəmee

³ ndá maji kari mbo̰ koso-dəwje lai dɔ na̰’d tarəw kəi-kubu-kiŋga-na̰’g.

Ləbije 8:3 Iomraidhean Croise

1 Sôrta Gḭka-Israɛlje 13:5

Dabid mbo̰ Israɛlje lai dɔ na̰’d un kudee baa gə́ Sikɔr gə́ wɔji dɔ Ejiptə saar teḛ ne loo-kandə-kaw mee ɓee gə́ Amat gə mba tel gə sa̰duk-manrɔ lə Ala gə́ to Kirjat-Yearim lé ree ne gogo.

1 Sôrta Gḭka-Israɛlje 15:3

Yen ŋga Dabid mbo̰ Israɛlje lai dɔ na̰’d mee ɓee gə́ Jerusalem mba kar dee ree gə sa̰duk-manrɔ lə Njesigənea̰ d’unda mee loo gə́ yeḛ wa dɔ gɔlee lé.

2 Sôrta Gḭka Israɛlje 30:13

Koso-dəwje bula ree mbo̰ dɔ na̰ Jerusalem gə mba ra naḭ gə́ wɔji dɔ muru gə́ əm-tiné godo keneŋ mee naḭ gə́ njekɔm’g joo’g lé. Ndá to koso-dəwje gə́ bula digi-digi ya tɔ.

2 Sôrta Gḭka Israɛlje 30:2

Mbai ləm gə ŋgan-mbaije ləa gə koso-dəwje lai lé mbo̰ dɔ na̰ Jerusalem d’ɔm ta lə dee na̰’d gə mba ra naḭ Pag mee naḭ gə́ njekɔm’g joo’g,

2 Sôrta Gḭka Israɛlje 30:25

Koso-dəwje lai gə́ Juda ləm, gə njékinjanéməsje gə Ləbije ləm, gə koso-dəwje gə́ d’ḭ Israɛl ləma, gə dəw-dɔ-ɓeeje gə́ d’ḭ mee ɓeeko̰ gə́ Israɛl əsé gə́ d’isi Juda ləm tɔ lé d’ya̰ rɔ dee yag dan rɔlel’g.

2 Sôrta Gḭka Israɛlje 5:2

Togə́bè ɓa mbai Salomo̰ mbo̰ ŋgatɔgje gə́ Israɛl ləm, gə mbai dɔ ginkojije lai ləma, gə mbai dɔ gel-bɔje lə Israɛlje lai ləm tɔ dɔ na̰’g mee ɓee gə́ Jerusalem gə mba kar dee ree gə sa̰duk-manrɔ lə Njesigənea̰ gə́ to mee ɓee-boo’g lə Dabid gə́ to Sio̰ lé.

2 Sôrta Gḭka Israɛlje 5:6

Mbai Salomo̰ gə dəwje gə́ Israɛl lai gə́ mbo̰ dɔ na̰ lé ree d’aar no̰ sa̰duk-manrɔ’g. Deḛ d’inja nékinjanéməsje gə́ to badje, gə maŋgje gə́ d’askəm tura dee əsé koo bula lə dee el mbata bula lə dee gə́ digi-digi lé.

Nehemi 8:1

Koso-dəwje lai mbo̰ dɔ na̰ to gə́ dəw gə́ kára ba bèe ndaa-loo gə́ to tarəwɓee gə́ ria lə Rəw-Manje. Deḛ d’ula Esdras, njendaji-maktub lé mba karee ree gə maktub godndu Moyis gə́ Njesigənea̰ aree mbata lə Israɛlje lé.

Pakɔsje 22:25

Mbata nékəmndooje lə njenékəmndoo lé Yeḛ oo gə́ kəm dɔbee əsé oo gə́ né gə́ to kḛji el, Yeḛ iya səa kəmee el Nɛ mbia to tag mba koo ne ndu no̰ ləa ya.

Ləbije 14:11

Njekinjanéməs gə́ njekɔr won rɔko̰ neelé a ree gə dəw gə́ kəm kɔr won rɔko̰ rəa’g neelé gə néje lai neelé no̰ Njesigənea̰’g tarəw kəi-kubu-kiŋga-na̰’g.

Ləbije 8:2

Maji kar Aaro̰ gə ŋganeeje d’aw səi na̰’d ndá odo kubuje ləm, gə ubu gə́ ka̰ tər dɔ dee’g ləm tɔ, wa bɔ maŋg gə́ ka̰ kuga dɔ kaiya ləm, gə bàl badje joo ləma, un karè gə́ muru gə́ lal əm-tiné to keneŋ ləm tɔ aw ne,

Ləbije 8:4

Moyis ra torndu Njesigənea̰, bèe ɓa koso-dəwje lé d’wa dɔ na̰ tarəw kəi-kubu-kiŋga-na̰’d lé tɔ.

Bula lə Israɛlje 20:8

Un kag-tɔs ndá i seḭ gə ŋgokɔḭ Aaro̰, mbo̰je koso-dəwje dɔ na̰’d. Seḭ a kulaje mbal ta kəm dee’g, ndá mbal lé a kar dee mán: i a kar mán teḛ kaar mbal’g neelé kar dee ndá i a kar koso-dəwje gə nékulje lə dee d’ai ya.

Bula lə Israɛlje 21:16

Deḛ d’ḭ lée’g nee d’aw Beer. Bwa-mán gə́ Beer neelé ɓa to loo gə́ Njesigənea̰ ula Moyis ta keneŋ pana: Mbo̰ koso-dəwje dɔ na̰’d ndá m’a kar dee mán d’ai.

Bula lə Israɛlje 8:9

I a kar Ləbije lé ree pər gə́ no̰ kəi-kubu-kiŋga-na̰’g ləm, i a ɓar koso-dəwje lə Israɛlje lai keneŋ ləm tɔ.

Néra Njékaḭkulaje 2:1

Loo gə́ kàr ndɔ Pa̰dekɔt teḛ mba̰ ndá deḛ lai d’wa dɔ na̰ loo kára ba.