Ləbije 8:23 - Maktub gə́ To gə Kəmee

²³ Moyis inja gwɔb bàl badə neelé ndá yeḛ taa məsee rad gel mbi Aaro̰ gə́ dɔkɔl ləm, gə ko̰ jia gə́ dɔkɔl ləma, gə ko̰ gɔlee gə́ dɔkɔl ləm tɔ.

Ləbije 8:23 Iomraidhean Croise

Teḛ-Raga 29:20

I a kinja gwɔb bàl badə neelé ndá, a taa məsee mba rad gel mbi Aaro̰ gə́ dɔkɔl ləm, gə gel mbi ŋganeeje gə́ diŋgam gə́ dɔkɔl ləm, gə ko̰ ji dee gə́ dɔkɔl ləm, gə ko̰ gɔl dee gə́ dɔkɔl ləm tɔ ndá, a saga məs gugu ne dɔ loo-nékinjaməs neelé sub ya.

Teḛ-Raga 29:21

I a taa məs gə́ a to dɔ loo-nékinjaməs’g lé lam ləm, gə ubu gə́ ka̰ tər dɔ’g lé ləm tɔ ndá, a saga dɔ Aaro̰’g gə dɔ kubuje’g ləa ləm, dɔ ŋganeeje gə́ diŋgam’g gə dɔ kubuje’g lə dee ləm tɔ. Togə́bè ɓa Aaro̰ gə kubuje ləa ləm, gə ŋganeeje gə́ diŋgam gə kubuje lə dee ləm tɔ lé i a kɔr dee ne kunda dee ne gə kəmee kam tɔ.

Ləbije 14:14

Njekinjanéməs lé a kun məs da gə́ wɔji dɔ ta gə́ wa dɔ dəw lé, a rad məs neelé gel mbi yeḛ gə́ kəm kɔr won rɔko̰ rəa’g lé gə́ dɔkɔl ləm, gə ko̰ jia gə́ dɔkɔl ləma, gə ko̰ gɔlee gə́ dɔkɔl ləm tɔ.

Ləbije 14:17

Njekinjanéməs lé a rad ges ubu gə́ nai jia’g lé gel mbi dəw gə́ yeḛ a gə kɔr won rɔko̰ rəa’g lé gə́ dɔkɔl ləm, gə ko̰ jia gə́ dɔkɔl ləma, gə ko̰ gɔlee gə́ dɔkɔl ləm tɔ, dɔ məs da gə́ ka̰ ta gə́ wa dɔ dəw lé.

Ləbije 14:25

Yeḛ a kinja gwɔb ŋgon badə gə́ ka̰ ta gə́ wa dɔ debee gə́ al dɔ godndu lé. Njekinjanéməs lé a kun məs da gə́ ka̰ ta gə́ wa dəa lé ndá yeḛ a rad məs neelé gel mbi yeḛ gə́ ɔr won rɔko̰ rəa’d gə́ dɔkɔl ləm, gə ko̰ jia gə́ dɔkɔl ləma, gə ko̰ gɔlee gə́ dɔkɔl ləm tɔ.

Ləbije 14:28

Njekinjanéməs lé a rad ubu gə́ to mee ŋgo jia’g neelé gel mbi dəw gə́ yeḛ ɔr won rɔko̰ rəa’d gə́ dɔkɔl ləm, ko̰ jia gə́ dɔkɔl ləma, gə ko̰ gɔlee gə́ dɔkɔl ləm tɔ, lé gə́ yeḛ rad məs da gə́ wɔji dɔ ta gə́ wa dəa wɔji dɔ kal dɔ godndu keneŋ.

Ləbije 7:37

Yee ɓa to godndu gə́ wɔji dɔ nékinjaməs gə́ ka̰ roo ləm, gə nékar gə́ to kó ləm, gə nékinjaməs gə́ wɔji dɔ kuga dɔ kaiya ləm, gə nékinjaməs gə́ wɔji dɔ kal dɔ godndu ləm, yee gə́ wɔji dɔ kɔr dee kunda dee gə kəmee gə mba kɔm kula ji dee’g ləma, gə nékinjaməs gə́ ka̰ kɔm na̰’d sad ləm tɔ.

Njé gə́ Rɔmə 12:1

Ŋgakɔmje, m’ndəji sí bər-bər gə mba kar sí unje rɔ sí arje Ala, asəna gə nékinjaməs gə́ to kəmba ləm, gə to gə kəmee doi ləma, gə a taa kəm Ala rəgm ləm tɔ. Yee ɓa gə loo kwá meḛ sí’g gə́ kəm ra ya.

Njé gə́ Rɔmə 6:13

Ya̰je dəb rɔ sí arje kaiya gə mba kar dee tel to gel nékulaje lə néra gə́ ndɔji pɔdɔdɔ el. Seḭ gə́ wəije nɛ seḭ tel sije kəmba gogo lé unje rɔ sí bura arje Ala mba kar dəb rɔ sí to ne gel nékulaje gə́ ka̰ meekarabasur lé.

Njé gə́ Rɔmə 6:19

Tapa dəwje ɓa m’un gosee m’ula sí ne mbata kunda ndolé lə darɔ sí lé. To gə́ seḭ waje dəb rɔ sí gə́ ɓər lə ram-né gə néra gə́ kori-kori mba kuru ne dan néra gə́ kori-kori’g ndá ɓasinè lé maji kar sí waje rɔ sí gə́ ɓər lə meekarabasur gə mba teḛ ne gə́ dəwje gə́ to gə kəmee lé.

1 Njé gə́ Kɔrḭtə 1:2

jeḛ ndaŋg maktub nee j’ar Eglisə lə Ala gə́ to Kɔrḭtə, deḛ gə́ Jeju Kristi ɔr dee unda dee gə kəmee mba kar dee to njémeendaje lé deḛ gə́ gə loo lai ɓar ri Mbaidɔmbaije lə sí Jeju Kristi, yeḛ gə́ to Mbaidɔmbaije lə dee ləm, gə ka̰ síjeḛ ləm tɔ lé keneŋ.

1 Njé gə́ Kɔrḭtə 1:30

Togə́bè ɓa Ala nja ɔm sí na̰’d gə Jeju Kristi, yeḛ gə́ Ala nja undá gə́ kəmkàr lə sí ləm, gə njekɔr ta dɔ sí no̰ Ala’g lé ləm, gə nékunda sí gə kəmee lə sí ləma, gə nékoga dɔ sí ləm tɔ,

1 Njé gə́ Kɔrḭtə 6:20

Mbata Ala uga sí gə né gə́ gadee dum ndogo. Bèe ndá maji kar sí unje rɔ sí gə ndil bura ulaje ne rɔnduba dɔ Ala’g.

Njé gə́ Pilibə 1:20

Tɔgərɔ ya ma m’wa məəm kɔgərɔ m’unda məəm yel mba kar néje gə́ ram lé a kam m’ra ne rɔkul el. M’wa diŋgam məəm’g ɓasinè to gə́ kédé mba kar darɔm gə́ kəm əsé yeḛ gə́ yoo kara m’a kula ne rɔnduba dɔ Kristi’g.

Njé gə́ Pilibə 2:17

Ɓó lé məsm a kaḭ kula naŋg ndá m’a koo gə́ nékinjaməs gə nékarnoji gə́ m’ar sí mba gɔl ne meekun lə sí, yee ɓa ma m’ra ne rɔlel m’al ne rɔm sə sí na̰’d.

1 Njé gə́ Tesalonikə 5:22

Saaje rɔ sí rəw dɔ né gə́ majel gə́ gə ria-ria.

Ǝbrəje 2:10

Tɔgərɔ ya, Ala gə́ unda néje lai ləm, nékundaje lai to kea̰-yeḛ ləm tɔ lé yeḛ nja ra gə goo rəbee loo gə́ yeḛ ar njegin bəgərə kaji lə ŋganee bula uru dan néurti’g, mba karee to ne dəw gə́ maji dum ləm, mba karee ɔr no̰ dee ula ne rɔnduba dɔ dee’g ləm tɔ.

Ǝbrəje 5:8

Yeḛ to ŋgon mee bɔbee ya nɛ yeḛ kara némeeko̰ gə́ rəa ɓa yeḛ ndoo ne loo kila ne ŋgonkoji dɔ bɔbeeje’g.