Ləbije 8:22 - Maktub gə́ To gə Kəmee

²² Yeḛ ar dee ree gə bàl badə gə́ kára gə́ nai lé, to bàl badə gə́ wɔji dɔ kunda dee ne gə kəmee kɔm kula ji dee’g ndá Aaro̰ gə ŋganeeje d’ɔm ji dee dɔ bàl badə’g neelé.

Ləbije 8:22 Iomraidhean Croise

Ləbije 7:37

Yee ɓa to godndu gə́ wɔji dɔ nékinjaməs gə́ ka̰ roo ləm, gə nékar gə́ to kó ləm, gə nékinjaməs gə́ wɔji dɔ kuga dɔ kaiya ləm, gə nékinjaməs gə́ wɔji dɔ kal dɔ godndu ləm, yee gə́ wɔji dɔ kɔr dee kunda dee gə kəmee gə mba kɔm kula ji dee’g ləma, gə nékinjaməs gə́ ka̰ kɔm na̰’d sad ləm tɔ.

Ləbije 8:2

Maji kar Aaro̰ gə ŋganeeje d’aw səi na̰’d ndá odo kubuje ləm, gə ubu gə́ ka̰ tər dɔ dee’g ləm tɔ, wa bɔ maŋg gə́ ka̰ kuga dɔ kaiya ləm, gə bàl badje joo ləma, un karè gə́ muru gə́ lal əm-tiné to keneŋ ləm tɔ aw ne,

Ləbije 8:29

Moyis un kaar bàl badə gə́ wɔji dɔ kunda gə kəmee kɔm kula ji dee’g ndá yeḛ ulá gə́ yo gə́ nee no̰ Njesigənea̰’g, yee ɓa to gə́ gesee gə́ wɔji dɔ Moyis, to gə́ Njesigənea̰ un ne ndia aree ne bèe lé ya tɔ.

Tagə́maji gə́ Ja̰ ndang 17:19

Ma lé m’ɔr rɔm m’unda gə kəmee mbata lə dee mba kar kankəmta gə́ to meḛ dee’g lé a kɔr dee kunda dee-deḛ nja gə kəmee bèe ya tɔ.

1 Njé gə́ Kɔrḭtə 1:30

Togə́bè ɓa Ala nja ɔm sí na̰’d gə Jeju Kristi, yeḛ gə́ Ala nja undá gə́ kəmkàr lə sí ləm, gə njekɔr ta dɔ sí no̰ Ala’g lé ləm, gə nékunda sí gə kəmee lə sí ləma, gə nékoga dɔ sí ləm tɔ,

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.

Njé gə́ Epesə 5:25

Diŋgamje, undaje denéje lə sí dan kəm sí’g, to gə́ Kristi kara unda ne Eglisə dan kəmee’g, ila ne rəa da gə mbata ləa bèe tɔ.

Njé gə́ Epesə 5:27

mba kar Eglisə lé nduba ne rəa nea̰’g, kar rəa ila ɓal el ləm, ɔm kúla el ləma, a kya̰ maree el ləm tɔ, nɛ yee a kàr raŋg-raŋg ləm, né gə́ tḛ́-tḛ́ bèe kara a kuba rəa təb el ləm tɔ.