Ləbije 8:21 - Maktub gə́ To gə Kəmee

²¹ Yeḛ togo ŋgan siḭyeje gə gɔleeje gə mán ndá yeḛ roo dee gə ges bàl badə gə́ nai loo-nékinjaməs’g lé: to nékinjaməs gə́ roo ləm, to nékinjaməs gə́ ka̰ roo gə́ baḭyee ə̰də lel Njesigənea̰ ləm tɔ, to gə́ Njesigənea̰ un ne ndia aree lé ya.

Ləbije 8:21 Iomraidhean Croise

Gḭ-Néje 8:21

Njesigənea̰ taa baḭ né gə́ ə̰də lel ndá yeḛ pa mée’g pana: M’a Man naŋg neelé gə mbata lə dəw lé gogo el ŋga, mbata dəw lé un kudee gə́ kasee ba saar gə́ kédé-kédé lé takə̰ji gə́ mée’g majel ya, tɔɓəi m’a tel tuji néje lai gə́ d’aw kəmba lé to gə́ m’ra kédé lé el ŋga tɔ.

Teḛ-Raga 12:9

D’a tibi dɔ pər’g gə́ tibi ba sɔ el ləm, d’a ndiri gə mán karee ər lam ba gə mba sɔ el ləm tɔ, nɛ d’a nuŋga dɔ pər’g gə dəa, gə gɔleeje, gə dəaje gə́ mée’g bura ya karee no̰ so̰-so̰ tɔ.

Teḛ-Raga 29:18

I a roo bàl badə neelé bura loo-nékinjaməs’g, yee ɓa to nékinjaməs gə́ ka̰ roo kar Njesigənea̰ ləm, to nékinjaməs gə́ ka̰ roo dula-dula gə́ baḭyee ə̰də lel Njesigənea̰ ləm tɔ.

Teḛ-Raga 40:16

Moyis ra néje lai gə́ Njesigənea̰ un ne ndia aree lé, yeḛ ra togə́bè ya.

Ləbije 1:13

Yeḛ a togo ŋgan siḭ da lé gə gɔleeje gə man, ndá njekinjanéməs a roo néje neelé lai loo-nékinjaməs’g. To né gə́ ka̰ roo ləm, to nékinjaməs gə́ roo gə́ baḭyee ə̰də lel Njesigənea̰ ləm tɔ.

Ləbije 1:17

Yeḛ a ta̰ bagee kya̰ keneŋ lal kɔr, ndá njekinjanéməs lé a roo né neelé loo-nékinjaməs’g, dɔ ta kir gə́ dɔ pər’d. To né gə́ ka̰ roo ləm, to nékinjaməs gə́ roo gə́ baḭyee ə̰də lel Njesigənea̰ ləm tɔ.

Ləbije 1:9

Yeḛ a togo ŋgan siḭ da lé gə gɔleeje gə man ndá njekinjanéməs lé a roo néje neelé lai dɔ loo-nékinjaməs’g. To né gə́ ka̰ roo ləm, to nékinjaməs gə́ roo gə́ baḭyee ə̰də lel Njesigənea̰ ləm tɔ.

Ləbije 2:9

Njekinjanéməs lé a kɔr né gə́ kəm kolé-mee-dɔ’g lé kédé ɓa a rée loo-nékinjaməs’g ɓəi. To nékar gə́ baḭyee ə̰də lel Njesigənea̰ ya.

Ləbije 8:13

Moyis ar ŋgalə Aaro̰ rəm pər gə́ rəa’g ndá yeḛ ula kubuje gə́ ŋgal yududu-yududu rɔ dee’g ləm, wa dɔ kubuje lé gə ndar ləma, ula jɔg dɔ dee’g ləm tɔ, to gə́ Njesigənea̰ un ne ndia aree mba karee ra lé ya.

Ləbije 8:9

Yeḛ ula dɔgugu dəa’g ndá tɔ mbɔr gə́ ra gə larlɔr no̰ dɔgugu’d gə́ to dɔgugu gə́ to gə kəmee lé, to gə́ Njesigənea̰ un ne ndia aree mba karee ra lé tɔ.

Njé gə́ Epesə 5:2

Ɔsje rɔ sí ɓad gə́ kédé-kédé dɔ meenoji’g, ndajije ne kəm Kristi, yeḛ gə́ unda sí dan kəmee’g ləm, ya̰ ne rəa ar Ala mbata lə sí ləm tɔ. Yee ɓa yeḛ to ne nékar gə nékinjaməs gə́ baḭyee ə̰də lel Ala ya.