Ləbije 8:2 - Maktub gə́ To gə Kəmee

² Maji kar Aaro̰ gə ŋganeeje d’aw səi na̰’d ndá odo kubuje ləm, gə ubu gə́ ka̰ tər dɔ dee’g ləm tɔ, wa bɔ maŋg gə́ ka̰ kuga dɔ kaiya ləm, gə bàl badje joo ləma, un karè gə́ muru gə́ lal əm-tiné to keneŋ ləm tɔ aw ne,

Ləbije 8:2 Iomraidhean Croise

Teḛ-Raga 28:1

Maji kari ar ŋgokɔḭ Aaro̰ gə ŋganeeje gə́ diŋgam rəm pər gə́ rɔi’g ndá ɔr dee mbuna Israɛlje’g mba kunda dee gə kəmee gə mba karee ra kula gə́ wɔji dɔ nékinjaməs kam. Aaro̰ gə ŋganeeje gə́ diŋgam gə́ Nadab, gə Abihu, gə Eləajar, gə Itamar tɔ.

Teḛ-Raga 28:40

D’a ra kubuje gə́ dɔ maree’g mbata ŋgalə Aaro̰ gə́ diŋgam ləm, d’a ra gagəraje ləma, gə jɔgje ləm tɔ, gə mba kula ne rɔnduba dɔ dee’g ləm, kunda dee ne gə kəmee ləm tɔ.

Teḛ-Raga 39:41

Gə kubuje gə́ to gə kəmee mbata lə Aaro̰ gə́ to njekinjanéməs lé ləma, Gə ka̰ ŋganeeje gə́ diŋgam gə mba kar dee ra ne kula gə́ wɔji dɔ nékinjaməs lé ləm tɔ.

Ləbije 6:10

D’a kila mee əb’g lal kila əm-tiné keneŋ. To ges nékarje gə́ ka̰ roo gə́ d’am ma nja ɓa m’ar dee gə́ ka̰ dee-deḛ lé. To né gə́ to gə kəmee doi asəna gə nékinjanéməsje gə́ ka̰ kiŋga meekoso lemsé ləm, gə mba kɔr ne ta gə́ wa dɔ dəw ləm tɔ.

Ləbije 8:1

Njesigənea̰ ula Moyis pana:

Ləbije 8:10

Moyis un ubu gə́ ka̰ kunda ne né gə kəmee ndá yeḛ saga dɔ kəi-kubu gə́ to gə kəmee gə dɔ néje’g lai gə́ to keneŋ unda dee ne gə kəmee.

Ləbije 8:18

Yeḛ ar dee ree gə bàl badə gə́ nékinjaməs gə́ ka̰ roo ndá Aaro̰ gə ŋganeeje lé d’ɔm ji dee dɔ bàl badə’g neelé tɔ.

Ləbije 8:22

Yeḛ ar dee ree gə bàl badə gə́ kára gə́ nai lé, to bàl badə gə́ wɔji dɔ kunda dee ne gə kəmee kɔm kula ji dee’g ndá Aaro̰ gə ŋganeeje d’ɔm ji dee dɔ bàl badə’g neelé.

Ləbije 8:3

ndá maji kari mbo̰ koso-dəwje lai dɔ na̰’d tarəw kəi-kubu-kiŋga-na̰’g.

Ǝbrəje 7:27

Ŋgɔ-njékinjanéməsje gə́ neen lé ndɔ dee ndɔ dee d’inja nékinjanéməsje mba kuga ne kaiya lə dee-deḛ nja kédé ɓa ka̰ koso-dəwje lé ɓəi. Nɛ kea̰-yeḛ lé to togə́bè el. Mbata yeḛ ya̰ rəa ar yoo tel ne nékoga-kaiya lə dəwje gɔl kára ba kiao gə́ ŋgaŋgee.