Ləbije 8:15 - Maktub gə́ To gə Kəmee

¹⁵ Moyis inja gwɔbee ndá yeḛ taa məsee tɔɓəi rad məs neelé gə ŋgaw jia dɔ kum loo-nékinjanéməsje gə́ ḭta undá ne gə kəmee, yeḛ ɔm ges məs lé naŋg no̰ loo-nékinjaməs’g undá ne gə kəmee mba kinja ne nékinjaməs gə́ ka̰ kuga dɔ kaiya lé tɔ.

Ləbije 8:15 Iomraidhean Croise

2 Sôrta Gḭka Israɛlje 29:24

Njékinjanéməsje tḭja gwɔb dee ndá taa məs dee d’aw tər gɔl loo-nékinjaməs’g mba kuga ne dɔ kaiyaje lə Israɛlje lai, mbata mbai lé un ndia ar dee d’inja ne nékinjaməs gə́ ka̰ roo ləm, gə nékinjaməs gə́ ka̰ kuga dɔ kaiya ləm tɔ mbata lə Israɛlje lai ya.

Ejekel 45:20

Ndɔ gə́ njekɔm’g siri mee naḭ’g lé d’a ra togə́bè ya to mbata deḛ gə́ d’ḭ gə meḛ dee ɓa ra kaiya el əsé deḛ gə́ lal kunda kəmkàr dɔ rɔ dee’g ɓa ar dee ra kaiya, d’a ra togə́bè mba kɔr ne won kəi gə́ to gə kəmee.

Loo gə́ killa rea kəm Daniel’g 9:24

Deḛ d’wɔji mee ndəaje gə́ siri-siri Gɔl rɔ-siri dɔ koso-dəwje’g ləm, Gə dɔ ɓee-boo’g ləm gə́ to gə kəmee ləm tɔ Mba kar dee d’əw rɔ dee kalta ta godndu’g Gə kunda ŋgaŋ kaiya ra dee ləm, Gə mba ra né kɔr ne ta dɔ néra kori-kori’g Kar néra gə́ gə dɔ najee gə́ to gə no̰ lé ree ləm, Gə mba kar némḭdi gə ndərta d’aw ne lée’g béréré ləma, Gə mba tər ubu dɔ Njemeenda lə njémeendaje’g lé ləm tɔ.

Ləbije 1:11

Yeḛ a kinja gwɔbee mbɔr loo-nékinjaməs’g par gə́ dɔgel no̰ Njesigənea̰’g, ndá njékinjanéməsje gə́ to ŋgalə Aaro̰ lé d’a kun məsee mba saga dɔ loo-nékinjaməs’g gugu ne dəa sub.

Ləbije 1:5

Yeḛ a kinja gwɔb bɔ maŋg neelé no̰ Njesigənea̰’g ndá njékinjanéməsje gə́ to ŋgalə Aaro̰ lé d’a kun məs neelé mba saga gugu ne dɔ loo-nékinjaməs gə́ to tarəw kəi-kubu-kwa-dɔ-na̰’g lé tɔ.

Ləbije 16:20

Loo gə́ yeḛ tɔl kula gə́ wɔji dɔ kɔr ndɔl kaiya dɔ kəi gə́ to gə kəmee’g ləm, gə dɔ kəi-kubu-kiŋga-na̰’g ləma, gə dɔ loo-nékinjaməs’g ləm tɔ ndá yeḛ a kar dee ree gə bàl bya̰ gə́ nai kəmba lé.

Ləbije 3:2

Yeḛ a kila jia dɔ da-kul’g ndá a kinja gwɔbee tarəw kəi-kubu-kiŋga-na̰’g ndá njékinjanéməsje gə́ to ŋgalə Aaro̰ lé d’a saga məsee loo-nékinjaməs’g gugu sub ya.

Ləbije 3:8

Yeḛ a kila jia dɔ da-kul’d gə́ d’a gə kḭjá gə́ məs lé ndá yeḛ a kinja gwɔbee tarəw kəi-kubu-kiŋga-na̰’g, ndá ŋgalə Aaro̰ d’a saga məsee loo-nékinjaməs’g gugu ne sub.

Ləbije 4:25

Njekinjanéməs lé a kula ŋgaw jia dan məs da-kul gə́ ka̰ kiŋga meekoso lemsé lé ndá a rad dɔ kum loo-nékinjanéməsje gə́ ḭta gə́ ka̰ roo né keneŋ, tɔɓəi yeḛ a kɔm məs naŋg no̰ loo-nékinjaməs gə́ ka̰ roo né keneŋ lé tɔ.

Ləbije 4:30

Njekinjanéməs a kula ŋgaw jia dan məs da-kul’g neelé ndá a rad dɔ kum loo-nékinjanéməsje gə́ ḭta gə́ ka̰ roo né keneŋ tɔɓəi yeḛ a kɔm ges məs lé naŋg no̰ loo-nékinjaməs’g lé ya tɔ.

Ləbije 4:7

Ŋgɔ-njekinjanéməs neelé a rad məs lé dɔ kum loo-tuu-néje gə́ ə̰də sululu gə́ ḭta gə́ to no̰ Njesigənea̰’g mee kəi-kubu-kiŋga-na̰’g lé, ndá yeḛ a kɔm ges məs bɔ maŋg lé gel loo-nékinjaməs gə́ ka̰ roo né keneŋ gə́ to tarəw kəi-kubu-kiŋga-na̰’g lé tɔ.

Bula lə Israɛlje 8:12

Ləbije lé d’a kɔm ji dee dɔ bɔ maŋgje’g ndá, i a kinja yee gə́ kára gə́ nékinjaməs gə́ ka̰ kuga dɔ kaiya ləm, gə yee gə́ raŋg gə́ nékinjaməs gə́ ka̰ roo ləm tɔ mba kuga ne dɔ kaiya lə Ləbije lé tɔ.

Njé gə́ Rɔmə 5:10

Loo gə́ jeḛ nai gə́ njéba̰je ləa ɓəi lé kwəi lə Ŋgonee ɓa gɔl sí ɔm sí na̰’d yəg gə Ala lé nɛ ɓəd ɓa see kəmə gə́ yeḛ tel si kəmba lé see jeḛ gə́ j’ɔm na̰’d gə Ala lé see j’a kaji ne el wa.

Njé gə́ Epesə 2:16

Kag-dəs ləa ɓa yeḛ orè dee ne na̰’d joo bɔr ar dee to ne dəwje gə́ gin kára ba gə́ d’ɔm na̰’d gə Ala lé ləm, yeḛ udu ne kəm ba̰ lə dee jigi ləm tɔ.

Ǝbrəje 2:17

Togə́bè ɓa, rəa gə́ yeḛ tel tana gə ŋgabɔbeeje, tana sə dee pai-pai lé gə́ kuma̰ mba karee to ne ŋgɔ-njekinjanéməs gə́ njemeekɔrjol ləm, gə njemeenda londoŋ mba ra kula no̰ Ala’g ləm tɔ mba kuga ne kaiya lə dəwje lé.