Ləbije 8:14 - Maktub gə́ To gə Kəmee

¹⁴ Yeḛ ar dee ree gə bɔ maŋg gə́ wɔji dɔ kuga dɔ kaiya ndá Aaro̰ gə ŋganeeje d’ɔm ji dee dɔ bɔ maŋg gə́ ka̰ kuga dɔ kaiya lé tɔ.

Ləbije 8:14 Iomraidhean Croise

Pakɔsje 66:15

M’a kinja badje gə́ rɔ dee ər ndəb-ndəb gə́ nékinjanéməsje Gə́ m’a roo kari na̰’d gə ubu bàl bya̰je. M’a kinja badje gə bàl bya̰je na̰’d gə́ nékinjanéməsje kari ya.

Esai 53:10

Mee Njesigənea̰ ndigi Mba kar dee d’ula kəmee ndòo, Loo gə́ yeḛ a kya̰ rəa Gə́ nékinjaməs gə mbata lə kaiya Ndá yeḛ a koo ŋgakeaje ləm, Ləbje ləa d’a kḭ dɔ maree’d gə́ kédé-kédé ləm tɔ, Né gə́ mee Njesigənea̰ ndigi lé Yeḛ a karee aw lée’g béréré ya.

Ejekel 43:19

I a kar njékinjanéməsje gə́ to Ləbije gə́ to gə́ ginka’g lə Sadɔk, deḛ gə́ d’aw rɔ neḛ’g ra né d’ar neḛ lé bɔ maŋg kára gə́ nékinjaməs gə́ ka̰ kuga dɔ kaiya. Mbaidɔmbaije gə́ Njesigənea̰ ɓa pa bèe.

Ejekel 43:20

I a taa məsee saga dɔ néndaji gaji daje gə́ sɔ gə́ to dɔ loo-nékinjaməs’g gə́ to dɔ kum gunee gə́ sɔ ləm, gə dɔ mbiree gə́ gugu dəa’g lé ləm tɔ, togə́bè ɓa a kɔr ne won loo-nékinjaməs karee àr ŋgad-ŋgad ləm, a kinja nékinjanéməsje gə́ ka̰ kuga dɔ kaiya keneŋ ləm tɔ.

Ejekel 44:27

Ndɔ gə́ yeḛ a kandə mee loo gə́ to gə kəmee’g mee gadloo gə́ kəi kɔrɔg gə mba ra kula keneŋ ndá yeḛ a kinja nékinjaməs gə́ wɔji dəa-yeḛ mba kuga ne dɔ kaiya, Mbaidɔmbaije gə́ Njesigənea̰ ɓa pa bèe.

Ləbije 1:4

Yeḛ a kila jia dɔ nékinjaməs gə́ ka̰ roo’g neelé ndá a taa ne kəm Njesigənea̰ mba karee ɔr ne ta dɔ debee’g neelé ya.

Ləbije 16:21

Aaro̰ a kodo jia bɔr kɔm dɔ bàl bya̰ gə́ nai kəmba’g lé ndá yeḛ a teggin kaiyaje lə Israɛlje lai ləm, gə kaltaje lə deḛ lai gə́ deḛ ra ne kaiya ləm tɔ lé kɔm dɔ bàl bya̰’g neelé, yeḛ a kɔm dee dɔ bàl bya̰’g neelé tɔɓəi yeḛ a tubá kar dəw kára gə́ kula nee wɔji dəa lé aw səa ilá par gə́ dɔdilaloo’g.

Ləbije 16:6

Aaro̰ a kinja bɔ maŋg ləa gə́ nékinjaməs gə́ ka̰ kuga dɔ kaiya ndá yeḛ a kuga ne dɔ kaiya ləa-yeḛ ləm, gə ka̰ njémeekəije ləa ləm tɔ.

Ləbije 4:15

Ŋgatɔgje lə Israɛlje lé d’a kila ji dee dɔ bɔ maŋg’d neelé no̰ Njesigənea̰’g ndá d’a kinja gwɔb bɔ maŋg neelé no̰ Njesigənea̰’g ya.

Ləbije 8:2

Maji kar Aaro̰ gə ŋganeeje d’aw səi na̰’d ndá odo kubuje ləm, gə ubu gə́ ka̰ tər dɔ dee’g ləm tɔ, wa bɔ maŋg gə́ ka̰ kuga dɔ kaiya ləm, gə bàl badje joo ləma, un karè gə́ muru gə́ lal əm-tiné to keneŋ ləm tɔ aw ne,

Bula lə Israɛlje 8:12

Ləbije lé d’a kɔm ji dee dɔ bɔ maŋgje’g ndá, i a kinja yee gə́ kára gə́ nékinjaməs gə́ ka̰ kuga dɔ kaiya ləm, gə yee gə́ raŋg gə́ nékinjaməs gə́ ka̰ roo ləm tɔ mba kuga ne dɔ kaiya lə Ləbije lé tɔ.

Njé gə́ Rɔmə 8:3

Né gə́ dum godndu lé mbata darɔ dəw ɓa as ra torndia el lé Ala nja ra ar ta wa ne dɔ kaiya lə darɔ loo gə́ yeḛ ula ne Ŋgonee gə́ gəd-gəd gə́ to tana gə darɔ síjeḛ njékaiyaje mba kɔr ne ta kaiya meḛ dəwje’g ləm,

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.

1 Piɛrə 3:18

Tɔgərɔ ya, Kristi, njemeekarabasur lé wəi gɔl kára ba kiao gə́ ŋgaŋgee mbata lə njéra né kori-korije gə mba kɔr sí ne kaw sə sí kar Ala ya, darəa ɓa deḛ tɔl nɛ Ndil ɓa tel ula kəmə mée’g gogo ɓəi.