Moyis gə Aaro̰ mbuna njékinjanéməsje’g ləa ləm, Samel kara mbuna deḛ gə́ no̰ ɓar ria’g lé ləm tɔ Deḛ neelé no̰ ɓar ri Njesigənea̰ ndá Yeḛ ar dee né gə́ deḛ dəjee lé ya.
I Moyis a kula kubuje neelé rɔ ŋgokɔḭ Aaro̰’d gə rɔ ŋganeeje gə́ diŋgam’g səa na̰’d. D’a kwa dɔ dee gə ubu ləm, i a kɔr dee kunda dee ɓəd mbata lə Ala ləma, i a kunda dee gə kəmee doi ləm tɔ ndá d’a si gə mba ra kula gə́ wɔji dɔ nékinjaməs lé kam ya.
Aa oo, né gə́ i a ra mba kunda dee ne gə kəmee mba kar dee ra ne kula gə́ wɔji dɔ nékinjaməs kam lé ɓa nee: I a kwa bɔ maŋg kára gə bàl badje joo gə́ rɔ dee mina̰ el.
Kubuje gə́ to gə kəmee gə́ wɔji dɔ Aaro̰ lé gée gə́ gogo ndá d’a to mbata lə ŋganeeje gə́ diŋgam ya, bèe ɓa d’a kula rɔ dee’g loo gə́ d’a tər ubu dɔ dee’g gə mba kɔr dee kunda dee ne gə kəmee mbata lə Ala.
I a tɔ gagəra reŋ Aaro̰’g gə reŋ ŋganeeje gə́ diŋgam’g ləm, a tula jɔgje dɔ ŋgalə Aaro̰’g ləm tɔ. Kula nékinjaməs neelé a to ka̰ dee-deḛ gə goo godndu gə́ to gə no̰. Togə́bè ɓa i a kɔr ne Aaro̰ gə ŋganeeje gə́ diŋgam kunda dee ne gə kəmee ya.
Togə́bè ɓa deḛ tɔl ne kulaje lai gə́ wɔji dɔ kəi-kubu-si-Ala, gə kəi-kubu-kiŋga-na̰ lé bém tɔ. Israɛlje lé ra néje lai gə́ Njesigənea̰ un ne ndia ar Moyis, deḛ ra togə́bè tɔ.
Njesigənea̰ un ne ndia ar Moyis dɔ mbal gə́ Sinai mee ndəa gə́ yeḛ un ne ndia ar Israɛlje mba kar dee ree ne gə nékarje lə dee d’ar Njesigənea̰ dɔdilaloo gə́ Sinai lé ya.
Yee neelé ɓa to ri ŋgalə Aaro̰ gə́ deḛ ndèm ubu dɔ dee’g d’ar dee to ne njékinjanéməsje ləm, gə d’unda dee gə kəmee mba kar dee ra ne kula gə́ wɔji dɔ nékinjanéməsje ləm tɔ.
