Ləbije 7:9 - Maktub gə́ To gə Kəmee

⁹ Nékarje gə́ rara gə́ nuŋga mee bwa-bṵda’g, əsé nuŋga gə́ nuŋga, əsé d’ɔb əb’d kara a to ka̰ njekinjanéməs gə́ un lé ya.

Ləbije 7:9 Iomraidhean Croise

2 Mbaije 12:17

Nɛ lar nékinjanéməsje gə́ wɔji dɔ kal dɔ godndu ləm gə lar nékinjanéməsje gə́ wɔji dɔ kuga dɔ kaiya ləm tɔ lé deḛ ree ne kəi lə Njesigənea̰ el: yee to mbata lə njékinjanéməsje ɓa.

Ejekel 44:29

D’a kul rɔ dee gə nékarje gə nékinjanéməsje gə́ ka̰ kuga dɔ kaiya ləm, gə ka̰ kalta ləm tɔ, tɔɓəi néje lai gə́ deḛ d’unda gə kəmee mbata lə neḛ mee ɓee gə́ Israɛl ndá a to mbata lə dee-deḛ ya.

Ləbije 2:10

Ges nékar gə́ to nduji gə́ nai lé a to ka̰ Aaro̰ gə ŋganeeje ya, to né gə́ to gə kəmee doi gə́ ur dɔ mareeje’g mbuna nékarje gə́ ka̰ roo no̰ Njesigənea̰’g ya.

Ləbije 5:13

Yee gə́ bèe ɓa njekinjanéməs lé a ra mbata lə dəw neelé mba kuga ne dɔ kaiya gə́ yeḛ ra gə́ wɔji ne dɔ né gə́ kára mbuna néje’g neelé ndá ta a kɔr dəa’g ya. Ges nduji nékar gə́ nai lé a to mbata lə njekinjanéməs lé asəna gə nékar gə́ to nduji bèe ya tɔ.

Ləbije 7:10

Nékar gə́ rara gə́ to nduji gə́ mbɔḭ gə ubu ɓa tudu kurum-kurum ɓəi lé a to ka̰ ŋgalə Aaro̰ kar nana kara iŋga kea̰ asəna gə ka̰ maree bèe ya tɔ.

Ləbije 7:8

Njekinjanéməs gə́ a kinja da-kul lə dəw gə́ nékinjaməs gə́ ka̰ roo lé yeḛ ɓa a to njendar da gə́ yeḛ inja gə́ məs lé ya.

Bula lə Israɛlje 18:9

Aa oo, né gə́ a to kaḭ mbuna néje gə́ to gə kəmee doi’d gə́ to néje gə́ d’a roo el lé ɓa nee: Nékarje lə deḛ lai gə́ to nduji ləm, nénojije lə deḛ lai ləm, nékinjanéməsje lə deḛ lai gə́ to nékoga dɔ kaiya ləma, gə nékinjanéməsje lai gə́ d’inja dee d’am lé ləm tɔ, néje neelé gə́ to gə kəmee doi lé d’a to kaḭ-i gə ka̰ ŋganije tɔ.

1 Njé gə́ Kɔrḭtə 9:13

See seḭ gərje el wa, deḛ gə́ ra kula kəi-Ala’g lé d’usɔ né gə́ d’unda gə kəmee d’ar Ala mee kəi’g ləa ləm, deḛ gə́ ra kula loo-nékinjaməs’g lé kara d’iŋga né gə́ dɔ tabul’g gə́ wɔji dɔ dee keneŋ ləm tɔ.

1 Njé gə́ Kɔrḭtə 9:7

See njerɔ gə́ ra ɓa si aw gə́ rɔ’g ŋga a kun lar ləa-yeḛ nja tɔɓəi gə mba tel kuga né dɔ jia wa. See na̰ ɓa ma̰a nduú ŋga a lal sɔ ka̰dee wa. Esé see na̰ ɓa ul nékulje ŋga a lal kai mbà dee wa.

Njé gə́ Galati 6:6

Maji kar yeḛ gə́ d’aw ndée Tagə́maji lé un ta némajije ləa mba kar yeḛ gə́ njendée né lé tɔ.