Ləbije 7:32 - Maktub gə́ To gə Kəmee

³² Da nékinjanéməsje lə sí gə́ ka̰ kɔm na̰’d lé seḭ a karje njekinjanéməs biŋgee gə́ dɔkɔl gə́ seḭ ulaje ndiŋ gə́ tar gə́ né kea̰-yeḛ lé.

Ləbije 7:32 Iomraidhean Croise

Teḛ-Raga 29:27

Kaar bàl badə gə biŋgee gə́ wɔji dɔ kɔr Aaro̰ gə ŋganeeje gə́ diŋgam kunda dee gə kəmee lé i a kunda dee gə kəmee ya, kaaree lé i a kula gə́ yo gə́ nee ləm, biŋgee kara i a kunee gə́ tar ləm tɔ.

Ləbije 10:14

Go̰gsɔ-kaar da gə́ ra nduree ləm, gə biŋgee gə́ ra nduree mba kunda dee gə kəmee ləm tɔ lé i gə ŋganije gə́ diŋgam gə njé gə́ dené lé seḭ a sɔje mee loo gə́ to gə kəmee’g ya, mbata to néje gə́ d’ar sí gə́ wɔji dɔi-i ləm, gə wɔji dɔ ŋganije ləm tɔ mbuna nékinjanéməsje’g lə Israɛlje gə́ ka̰ kɔm na̰’d lé.

Ləbije 7:33

Yeḛ gə́ kára mbuna ŋgalə Aaro̰’g ree gə məs gə ubu da nékinjaməs gə́ ka̰ kɔm na̰’d sad lé biŋgee gə́ dɔkɔl lé a to kea̰-yeḛ ya.

Ləbije 7:34

Mbata mbuna nékinjaməs gə́ ka̰ kɔm na̰’d gə́ Israɛlje d’a gə kinja lé ma nja m’un ndum mba kar kaar daje gə́ d’ula gə́ yo gə́ nee ləm, gə biŋgee gə́ deḛ d’ula ndiŋ gə́ tar ləm tɔ lé d’a to ka̰ Aaro̰ gə́ to njekinjanéməs gə ŋganeeje gə goo godndu gə́ to gə no̰ gə́ Israɛlje d’a ra lé ya.

Ləbije 9:21

Aaro̰ odo kaar dee gə biŋ da gə́ kára gə́ dɔkɔl lé ra nduree no̰ Njesigənea̰’g unda ne gə kəmee to gə́ Moyis un ne ndia lé.

Bula lə Israɛlje 5:9

Nékarje gə́ rara kara gə́ to néje gə́ d’unda dee gə kəmee gə́ Israɛlje ree ne no̰ njekinjanéməs’g lé d’a to kea̰-yeḛ nja doŋgɔ doi.

Bula lə Israɛlje 6:20

Njekinjanéməs lé a kula dee gə́ yo gə́ nee no̰ Njesigənea̰’g, to né gə́ to gə kəmee doi gə́ to ka̰ njekinjanéməs ya doŋgɔ, na̰’d gə gogəro kaaree gə́ ula ləm, gə kɔbee gə́ un gə́ tar gə́ nétɔji ləm tɔ. Ɓa gée gə́ gogo ndá njḛdukun najirea lé a kaskəm kai mán-nduú gə́ mḭ lé ɓəi.

Tel tura Godndu 18:3

Aa ooje, yee ɓa gə́ néka̰ njékinjanéməsje gə́ wɔji dɔ koso-dəwje gə wɔji dɔ deḛ gə́ d’a kinja nékinjanéməsje gə́ to bɔ maŋg əsé ŋgon badə: d’a kar njekinjanéməs kɔbee ləm, gə ka teaje ləma, gə tamasee ləm tɔ.

1 Samel 9:24

Njḛdiri-né lé un biŋ da gə ubee gə́ wa keneŋ ndá yeḛ ar Sawul tɔ. Ndá Samel pana: Aa oo, né gə́ ma m’unda kul ɓa nee. Unda nɔḭ’g ndá sɔ mbata d’unda kul d’wɔji ne dɔi-i ya, loo gə́ m’ɓar koso-dəwje loo-nésɔ’g neelé. Bèe ɓa Sawul sɔ ne né gə Samel na̰’d mee ndəa’g neelé.