Ləbije 7:31 - Maktub gə́ To gə Kəmee

³¹ Njekinjanéməs lé a roo ubu da loo-nékinjaməs’g ndá kaaree lé a to ka̰ Aaro̰ deḛ gə ŋganeeje ya.

Ləbije 7:31 Iomraidhean Croise

Teḛ-Raga 29:26

I a kun kaar bàl badə gə́ wɔji dɔ kunda Aaro̰ gə kəmee lé ndá, a kula gə́ yo gə́ nee no̰ Njesigənea̰’g, yee neelé a to gesee gə́ wɔji dɔi-i ya.

Ləbije 3:11

Njekinjanéməs a roo néje neelé loo-nékinjaməs’g. To nésɔ gə́ to nékinjaməs gə́ roo no̰ Njesigənea̰’g ya.

Ləbije 3:16

Njekinjanéməs lé a roo néje neelé loo-nékinjaməs’g. Ubeeje lai to gə́ nésɔ gə́ to nékinjaməs gə́ ka̰ roo gə́ baḭyee ə̰də lel Njesigənea̰ ya.

Ləbije 3:5

Ŋgalə Aaro̰ lé d’a roo néje neelé loo-nékinjaməs’g korè ne dɔ nékinjaməs gə́ ka̰ roo gə́ to dɔ kir’d gə́ d’ɔm dɔ pər’d lé. To nékinjaməs gə́ ka̰ roo gə́ baḭyee ə̰də lel Njesigənea̰ ya.

Ləbije 5:13

Yee gə́ bèe ɓa njekinjanéməs lé a ra mbata lə dəw neelé mba kuga ne dɔ kaiya gə́ yeḛ ra gə́ wɔji ne dɔ né gə́ kára mbuna néje’g neelé ndá ta a kɔr dəa’g ya. Ges nduji nékar gə́ nai lé a to mbata lə njekinjanéməs lé asəna gə nékar gə́ to nduji bèe ya tɔ.

Ləbije 6:16

Nékar gə́ rara gə́ to kó gə́ njekinjanéməs a kun kar lé d’a roo bura ya ɓó d’a sɔ el.

Ləbije 7:34

Mbata mbuna nékinjaməs gə́ ka̰ kɔm na̰’d gə́ Israɛlje d’a gə kinja lé ma nja m’un ndum mba kar kaar daje gə́ d’ula gə́ yo gə́ nee ləm, gə biŋgee gə́ deḛ d’ula ndiŋ gə́ tar ləm tɔ lé d’a to ka̰ Aaro̰ gə́ to njekinjanéməs gə ŋganeeje gə goo godndu gə́ to gə no̰ gə́ Israɛlje d’a ra lé ya.

Ləbije 8:29

Moyis un kaar bàl badə gə́ wɔji dɔ kunda gə kəmee kɔm kula ji dee’g ndá yeḛ ulá gə́ yo gə́ nee no̰ Njesigənea̰’g, yee ɓa to gə́ gesee gə́ wɔji dɔ Moyis, to gə́ Njesigənea̰ un ne ndia aree ne bèe lé ya tɔ.

Bula lə Israɛlje 18:11

Aa oo, né gə́ a gə to kaḭ ya ɓəi ɓa nee: Nénojije lai gə́ Israɛlje d’a ree ne kun dee gə́ tar kula dee gə́ yo gə́ nee lé ma m’ari-i gə ŋganije gə́ diŋgam gə njé gə́ dené səi na̰’d gə goo godndu gə́ to saar gə no̰ lé. Nana ɓa gə́ mee kəi’g ləi gə́ rəa àr ŋgad-ŋgad ndá a sɔ ya.

Bula lə Israɛlje 18:18

Dakas dee a to kaḭ to gə́ gogəro kaar dee gə́ d’ula gə́ yo gə́ nee ləm, to gə́ bḭgi dee gə́ dɔkɔl ləm tɔ.

1 Njé gə́ Kɔrḭtə 9:13

See seḭ gərje el wa, deḛ gə́ ra kula kəi-Ala’g lé d’usɔ né gə́ d’unda gə kəmee d’ar Ala mee kəi’g ləa ləm, deḛ gə́ ra kula loo-nékinjaməs’g lé kara d’iŋga né gə́ dɔ tabul’g gə́ wɔji dɔ dee keneŋ ləm tɔ.

Tel tura Godndu 18:3

Aa ooje, yee ɓa gə́ néka̰ njékinjanéməsje gə́ wɔji dɔ koso-dəwje gə wɔji dɔ deḛ gə́ d’a kinja nékinjanéməsje gə́ to bɔ maŋg əsé ŋgon badə: d’a kar njekinjanéməs kɔbee ləm, gə ka teaje ləma, gə tamasee ləm tɔ.