Ləbije 7:23 - Maktub gə́ To gə Kəmee

²³ Ula Israɛlje pana: Seḭ a sɔje ubu maŋg əsé ubu ŋgon badə əsé ubu ko̰ bya̰ el.

Ləbije 7:23 Iomraidhean Croise

Teḛ-Raga 22:30

Seḭ a toje dəwje ləm gə́ toje gə kəmee doi. Seḭ a sɔje dakas da gə́ maree wa tiee mbidi-mbidi el, seḭ a kɔmje kɔrɔ karje bisije ɓa tɔ.

Ləbije 17:6

Njekinjanéməs a kɔm məs daje dɔ loo-nékinjaməs’g lə Njesigənea̰ gə́ to mbɔr tarəw kəi-kubu-kiŋga-na̰’g, yeḛ a roo ubee ndá baḭyee a kə̰d lel Njesigənea̰ tɔ.

Ləbije 7:22

Njesigənea̰ ula Moyis pana:

Néra Njékaḭkulaje 28:27

Mbata koso-dəwje lé meḛ dee ndər ləm, Mbi dee udu ləma, kəm dee libi ləm tɔ, Ɓa nà d’a koo gə kəm dee gə mbi dee ləm, D’a kḛji meḛ dee’g gər ne ginee ləma, D’a kɔs badm tel kar neḛ n’aji dee ləm tɔ.

Njé gə́ Rɔmə 13:13

Ar sí njaaje danasur asəna gə dəw gə́ njaa dan kàrá. Ɓər lə kido ləm, gə néraje gə́ ndəl-ndəl ləm, gə kəmnda ləm, gə mɔdkaiya ləm, gə kɔl na̰ ləma, gə kəmkəḭ ləm tɔ, néje neelé saaje rɔ sí keneŋ rəw.

Njé gə́ Rɔmə 8:13

Tɔgərɔ ya, ɓó lé seḭ sije kəmba gə mba darɔ ndá seḭ a kwəije ne. Nɛ ɓó lé seḭ ndolèje goo Ndil, tɔlje ne néra lə darɔ ndá seḭ a sije ne gə kəmə lé ya.

Tel tura Godndu 32:38

To magəje nee gə́ d’usɔ ubu nékinjanéməsje lə dee ləm, Gə d’ai mán-nduúje gə́ mḭ lə dee Gə́ ka̰ tər naŋg ləm tɔ. Maji kar dee d’ḭta la ne sə sí ləm, Maji kar dee d’ɔn dɔ sí Ŋgəm sí ne ləm tɔ!

1 Samel 2:29

Nékinjaməsje gə nékarje ləm gə́ m’un ndum m’ar dee ree ne mee kəi-sim’g lé see ban ɓa seḭ tuba deeje gə gɔl sí wa. See gə mba ɗi ɓa i ula rɔnduba dɔ ŋganije’g undam-ma, ar sí taaje ne néje gə́ doŋgɔr gə́ dəwje ləm gə́ Israɛl d’un lé d’ar sí-seḭ ərje ne ndɔl-ndɔl wa.