Ləbije 7:21 - Maktub gə́ To gə Kəmee

²¹ Nana ɓa gə́ ɔrɔ rɔ né gə́ mina̰ gə́ to rɔ dəw gə́ rəa mina̰’g, əsé da gə́ mina̰, əsé né gə́ mina̰ gə́ ban-ban ɓa yeḛ sɔ ne da nékinjaməs gə́ ka̰ kɔm na̰’d gə Ala gə́ to ka̰ Njesigənea̰ doŋgɔ doi tɔɓəi lé ndá, debee neelé d’a kɔree mbuna dəwje’g ləa ya.

Ləbije 7:21 Iomraidhean Croise

Gḭ-Néje 17:14

Diŋgam gə́ lal kinja tamɔdee, gə́ deḛ d’inja tamɔdee el lé d’a karee udu bo̰ mbuna koso-dəwje’g ləa, mbata yeḛ ɔs ta manrɔ ləm ŋgərəŋ.

Teḛ-Raga 12:15

As ndɔ siri lé, seḭ a ko̰je muru gə́ əm-tiné godo keneŋ. Un kudee mee ndəa gə́ dɔtar lé əm-ti muru a godo mee kəije’g lə sí, mbata nana ɓa gə́ o̰ muru gə́ ti lé mee ndəa gə́ dɔtar saar teḛ ndəa gə́ siri lé ndá d’a kɔree mbuna Israɛlje’g gə́ gogo ya.

Teḛ-Raga 12:19

As ndɔ siri lé əm-ti muru a godo mee kəije’g lə sí, mbata nana ɓa gə́ o̰ muru gə́ ti lé lé to dəw-dɔ-ɓee əsé to kojiɓee kara d’a kɔree mbuna koso-dəwje gə́ Israɛl’g gə́ gogo ya.

Ejekel 33:25

Gelee gə́ nee ɓa maji kari ula dee pana: Mbaidɔmbaije gə́ Njesigənea̰ pa togə́bè pana: Seḭ sɔje dakasrɔ da gə məsee na̰’d ləm, seḭ waje magəje lə sí meḛ sí’g ləma, seḭ ilaje məs ləm tɔ. Ŋga see ɓee lé a to ka̰ sí ya wa.

Ejekel 4:14

Ma m’pana: Wai, Mbaidɔmbaije gə́ Njesigənea̰, aa oo, m’ar rɔm mina̰ gɔl kára el, un kudee gə basəm ba ya saar ɓasinè lé m’usɔ da gə́ wəi gə́ kwəi əsé gə́ maree wá el ləm, dakas da gə́ mina̰ gə́ rara kara ɔrɔ tam el ləm tɔ.

Ləbije 11:20

Ŋgan néje lai gə́ d’ḭ gə bag dee ləm, gə njaa gə gɔl dee sɔ ləm tɔ lé seḭ a koo deeje gə́ néje gə́ to kḛji.

Ləbije 12:1

Njesigənea̰ ula Moyis pana:

Ləbije 17:10

Ɓó lé dəw gə́ Israɛl kára mbuna ginkoji’g lə Israɛlje əsé mbuna dəw-dɔ-ɓeeje gə́ d’isi mbuna dee’g lé sɔ məs da gə́ rara kara ndá m’a kun kəm dɔ dəw gə́ njesɔ məs’g neelé ləm, m’a kɔree mbuna dəwje’g ləa ləm tɔ.

Ləbije 17:14

Mbata kəmə lə nékunda gə́ rara kara to dan məsee’d gə́ to darəa’g. Gelee gə́ nee ɓa m’ula ne Israɛlje m’pana: Seḭ a sɔje məs nékunda kára kara el mbata kəmə lə nékunda gə́ rara kara to məsee ya, yeḛ gə́ sɔ ndá d’a kɔree mbuna dəwje’g ləa ya.

Ləbije 18:29

Mbata deḛ lai gə́ ra né kára mbuna néje gə́ to kḛji’g neelé ndá d’a kɔr dee mbuna koso-dəwje’g lə Israɛl ya.

Ləbije 19:8

Dəw gə́ sɔ da neelé ndá bo̰ kaiya ləa a kɔs təa’g mbata né gə́ d’unda gə kəmee d’ar Njesigənea̰ lé yeḛ aree tel to né gə́ sin kari ba, ndá dəw neelé d’a kɔree mbuna koso-dəwje’g ləa ya.

Ləbije 20:3

Tɔɓəi ma lé m’a kun kəm rəw dɔ dəw’g neelé mba kɔree ne mbuna koso-dəwje’g ləa mbata yeḛ wa ŋgon mee kára ar magə-Molok ləm, yeḛ ila ndɔl dɔ kəi’g ləm gə́ to gə kəmee ləma, yeḛ ar rim-ma gə́ to gə kəmee lé kara tel to né gə́ gə mḭdé ləm tɔ.

Ləbije 22:3

Ula dee pana: Nana ɓa mbuna ŋgaka síje gə́ d’a gə korè goo na̰ lé gə́ a ree gə néje gə́ to gə kəmee gə́ Israɛlje d’ar Njesigənea̰ ɓa yeḛ ar né gə́ mina̰ gə́ ban-ban to rəa’g ndá, debee neelé d’a kɔree nɔm’g gogo. Ma m’to Njesigənea̰.

Ləbije 22:4

Dəw gə́ rara gə́ to ŋgoka Aaro̰ gə́ ba̰ji rəa əsé iŋga rɔko̰ mɔdee’g ar mán aḭ keneŋ yao-yao ndá yeḛ a sɔ néje gə́ to gə kəmee lé el saar rəa a kàr ɓa. A to togə́bè mbata lə yeḛ gə́ ɔrɔ rɔ maree gə́ mina̰ mbata lə nin dəw gə́ yeḛ ɔrɔ ləm, gə mbata lə yeḛ gə́ ni ar mán-mɔdee ree rəa’g ləm,

Ləbije 23:29

Dəw gə́ rara ɓa gə́ wa ndòo rəa mee ndəa’g neelé el ndá d’a kɔree mbuna dəwje’g ləa.

Ləbije 7:20

Dəw gə́ rara gə́ rəa àr lé ɓa a kaskəm sɔ da neelé ya, nana ɓa gə́ rəa mina̰ ɓa sɔ da nékinjaməs gə́ ka̰ kɔm na̰’d sad gə Ala gə́ to ka̰ Njesigənea̰ ya doŋgɔ doi lé ndá d’a kɔree mbuna koso-dəwje’g ləa lé ya.

Ləbije 7:22

Njesigənea̰ ula Moyis pana:

Ləbije 7:25

Mbata nana ɓa gə́ sɔ ubu daje gə́ d’inja dee gə́ məs gə́ ka̰ roo kar Njesigənea̰ lé ndá debee neelé d’a kɔree mbuna koso-dəwje’g ləa ya.

Ləbije 7:27

Nana ɓa gə́ a sɔ məs né gə́ rara kara ndá d’a kɔree mbuna koso-dəwje’g ləa ya.

Bula lə Israɛlje 19:22

Né gə́ rara gə́ dəw gə́ rəa mina̰ ɔrɔ lé ndá né neelé kara tel mina̰ ya ləm, dəw gə́ ɔrɔ rɔ né neelé kara rəa a mina̰ saar kar kàr andə ləm tɔ.

Tel tura Godndu 14:10

Nɛ dee gə́ ŋgadŋgə dee gə ŋgwɔi dee godo lé seḭ a sɔje kára kara el: seḭ a koo deeje gə́ néje gə́ mina̰ ya.

Tel tura Godndu 14:3

Seḭ a sɔje né gə́ mina̰ kára kara el.

1 Samel 20:26

Mee ndəa’g neelé Sawul pata kára el mbata yeḛ ə̰ji mée’g pana: Banelə né teḛ dəa’g əsé rəa mina̰, tɔgərɔ rəa mina̰ ya.