Ləbije 7:18 - Maktub gə́ To gə Kəmee

¹⁸ Nɛ ɓó lé dəw sɔ da nékinjaməs ləa gə́ ka̰ kɔm na̰’d gə Ala mee ndɔ gə́ nuna̰ lé ndá nékinjaməs neelé a taa kəm Ala el, ta a kɔr dɔ yeḛ gə́ njekḭja’g el, to né gə́ mina̰ ya ar nana ɓa gə́ sɔ ndá taree a kwa dəa-yeḛ ya.

Ləbije 7:18 Iomraidhean Croise

Gosota-Kəmkàrje 15:8

Nékinjaməs lə njemeeyèr lé To né gə́ mina̰ kəm Njesigənea̰’g, Nɛ tamaji lə njéra né danaje ɓa lelee.

Esai 65:4

Deḛ gə́ d’ar dɔɓar ɓa gə́ loo-si dee ləm, Loondul’g ndá deḛ d’ar mee bolè mbalje ɓa gə́ loo-to dee ləm, Da-bər ɓa d’usɔ ləma, Nésɔje gə́ mina̰ ɓa to mee ŋgoroje’g lə dee ləm tɔ.

Esai 66:3

Dəw gə́ tɔl bɔ maŋg gə́ nékinjaməs lé Yeḛ tɔl dəw bèe ya ləm, Dəw gə́ inja ŋgon badə gə́ nékinjaməs lé Yeḛ təd gwɔb bisi bèe ya ləm, Dəw gə́ un nékar gə́ to nduji lé Yeḛ saga məs da-bər bèe ya ləma, Dəw gə́ tuu né gə́ ə̰də sululu lé Yeḛ wa magəje mée’g bèe ya ləm tɔ. Deḛ lai neelé d’ɔr kəm rəwje lə dee Mba njaa keneŋ ləm, Meḛ dee lel dee dɔ néje’g lə deḛ gə́ mina̰ ləm tɔ.

Jeremi 14:10

Aa ooje, ta gə́ Njesigənea̰ pa wɔji ne dɔ koso-dəwje neelé pana: Deḛ ndigi kaḭ gə́ yo gə́ nee ɓó dee gər loo kwa ŋgaŋ rɔ dee naŋg el. Njesigənea̰ ɔm dee’g el ləm, yeḛ ar mée olé ɓasinè dɔ néramajelje’g lə dee ləma, yeḛ ar bo̰ néra kaiyaje lə dee ɔs ta dee’g ləm tɔ.

Jeremi 14:12

Ɓó lé d’ɔg meḛ dee ɓoo kara n’a koo ndu no̰ lə dee el ləm, əsé lé d’un nékinjanéməsje gə́ ka̰ roo əsé nékarje kara n’a taa el ləm tɔ. Mbata neḛ ndigi tuji dəwje neelé gə kiambas ləm, gə ɓoo-boo ləma, gə yoo-koso ləm tɔ.

Ejekel 18:20

Dəw gə́ ra kaiya ndá yeḛ nja ɓa a kwəi. Ta néra gə́ kori-kori lə bɔ ŋgonje lé ŋgon a kuba pəree el ləm, ta néra gə́ kori-kori lə ŋgon lé bɔbeeje a kuba pəree el ləm tɔ. Néra gə́ gə dɔ najee lə njera né gə́ gə dɔ najee lé a kwɔji dəa-yeḛ nja ləm, néra meeyèr lə njemeeyèr a kwɔji dəa-yeḛ nja ləm tɔ.

Ojee 8:13

Néje gə́ deḛ d’inja dee gə́ məs d’arm ma lé Deḛ nja d’usɔ dakas dee ya. Néje neelé taa kəm Njesigənea̰ el, Ɓasinè Njesigənea̰ ar mée olé dɔ néra kori-korije’g lə dee Ndá yeḛ a kar bo̰ néra dee ɔs ta dee’g bɔsɔrɔ: Deḛ d’a tel kaw Ejiptə ya gogo.

Ləbije 10:17

See ban ɓa seḭ sɔje da kuga dɔ kaiya lé mee loo gə́ to gə kəmee’g el wa. To né gə́ to gə kəmee doi ya, tɔɓəi Njesigənea̰ ar sí mba kar sí taaje ne néra kori-korije lə koso-dəwje ɔmje dɔ sí’g ləm, kar sí ugaje ne dɔ dee no̰ Njesigənea̰’g ləm tɔ.

Ləbije 10:19

Aaro̰ ula Moyis pana: Aa oo, ɓogənè lé deḛ d’inja nékinjaməs lə dee gə́ wɔji dɔ kuga dɔ kaiya ləm, gə nékinjaməs lə dee gə́ ka̰ roo no̰ Njesigənea̰’g ləm tɔ, tɔɓəi gə goo né gə́ teḛ dɔm’g lé ɓó lé m’usɔ da gə́ wɔji dɔ kuga dɔ kaiya lé ɓogənè ndá see né neelé a to maji kəm Njesigənea̰’g ya wa.

Ləbije 11:41

Né gə́ rara gə́ ag naŋg gə ta mée lé seḭ a kéeje gə́ né gə́ to kḛji ləm, dəw a sɔ el ləm tɔ.

Ləbije 17:16

Ɓó lé yeḛ togo kubuje ləa el ləm, ndogo mán el ləm tɔ ndá taree a kwa dəa ya.

Ləbije 19:5

Loo gə́ seḭ a kinjaje gwɔs nékinjaməs gə́ ka̰ kɔm na̰’d gə Njesigənea̰ ndá seḭ a kḭjáje gə goo rəbee mba karee taa kəmee ɓa.

Ləbije 20:17

Ɓó lé diŋgam taa konanee gə́ to ŋgolə bɔbeeje əsé ŋgolə kea̰je ɓa aree to gə́ dené ləa ndá to né gə́ ram: d’a kɔr dee kəm koso-dəwje’g lə dee: mbata yeḛ to gə konanee ndá néra majel ləa neelé a kwa dəa-yeḛ ya.

Ləbije 20:19

Seḭ a toje gə ko̰ síje gə́ to ŋgoko̰ ko̰ síje el ləm, əsé ben síje gə́ to konan bɔ síje el ləm tɔ mbata yeḛ to gə́ njenoji lə sí gə́ pər ya: Ɓó lé dəwje ra bèe ndá ta néra majel lə dee neelé a nai dɔ dee-deḛ’g ya.

Ləbije 22:16

néje gə́ to gə kəmee gə́ d’usɔ togə́bè d’ar ta wa ne dɔ dee lé d’a kɔm ne ta kaiya dɔ dee’g ya tɔ, mbata ma m’to Njesigənea̰ gə́ m’ɔr dee m’unda dee gə kəmee lé.

Ləbije 22:23

Maŋg əsé badə gə́ barkəmrea ŋgal unda maree əsé gwɔji as maree el lé seḭ a kasjekəm kinjaje gə́ nékinjaməs gə́ wɔji dɔ né gə́ kḭ gə mée ra ya, nɛ yee gə́ bèe lé a taa kəm Njesigənea̰ gə́ nékinjaməs gə́ wɔji dɔ tɔl ta ndukun lə sí el.

Ləbije 22:25

Seḭ a ndogoje daje gə́ togə́bè ji dəw-dɔ-ɓee’g kinja gə́ məs gə́ nésɔ lə Ala lə sí el, mbata barkəmrɔ dee gaŋg ləm, rɔ dee ya̰ maree ləm tɔ: d’a taa kəm Njesigənea̰ el tɔ.

Ləbije 5:17

Ɓó lé dəw kára ra kaiya, al ne dɔ godndu Njesigənea̰ ra ne néje gə́ kəm ra el, lal gər gelee ndá taree a kwa dəa ləm, d’a kɔm taree dəa’g karee ra née ləm tɔ.

Ləbije 7:19

Dakas da gə́ d’aree ɔrɔ rɔ né gə́ mina̰ ndá d’a sɔ el: d’a roo gə́ roo ya.

Amɔs 5:22

Loo gə́ seḭ injaje nékinjanéməsje lə sí Gə́ ka̰ roo arje neḛ Esé reeje gə nékar lə sí Gə́ to gə́ nduji kó bèe lé Rɔ neḛ lel neḛ dɔ’g el ləm, Bɔ maŋgje lə sí gə́ rɔ dee to ndəb-ndəb Gə́ seḭ inja deeje gə́ məs Gə́ wɔji dɔ kɔm na̰’d lé kara Neḛ n’un kəm neḛ dɔ’g rəw ya ləm tɔ.

Malasi 1:10

See na̰ ɓa mbuna sí’g a kudu tarəwje mba kɔg sí kar sí yelje pər loo-nékinjaməs’g ləm wa. Ma m’iŋga rɔlel kára kara rɔ sí’g el, Njesigənea̰ gə́ njeboo-néje lé pa bèe. Nékarje gə́ to ji sí’g kara taa kəm el ŋga.

Malasi 1:13

Seḭ pajena: Seḭ daoje ne yaa̰! Tɔɓəi seḭ unje kəm sí dəa’g rəw, Njesigənea̰ gə́ njeboo-néje lé ɓa pa bèe. Nɛ lé bèe kara seḭ reeje gə daje gə́ seḭ ɓogoje ləm, əsé gə́ d’oso məd ləma, əsé gə́ rɔ dee to dee ləm tɔ, yee ɓa gə́ nékinjanéməsje gə́ seḭ reeje ne! See m’askəm taa ji sí’g wa. Njesigənea̰ gə́ njeboo-néje lé ɓa dəji sí togə́bè.

Bula lə Israɛlje 18:27

Nékar lə sí lé d’a tura gée kwɔji ne dɔ sí asəna gə kó gə́ d’ɔr loo-kunda-kó’g ləm, asəna gə mán-nduú gə́ sigi gə́ d’ɔr mee loo-mbula-nduú’g ləm tɔ.

Lugu 16:15

Jeju ula dee pana: Seḭ lé seḭ rabje rɔ sí kəm dəwje’g mba kar dee d’oo sí gə́ njémeekarabasurje nɛ Ala gər meḛ sí gao ya. Mbata né gə́ rab rəa kəm dəwje’g raga lé Ala lé oo gə́ ram né ya.

Njé gə́ Rɔmə 4:11

Abrakam un mée kédé ar Ala tɔr ndia dəa’g ɓa inja tamɔdee ɓəi. Kinja tamɔd lé to ne nétɔji gə́ wɔji dɔ meekun ləa gə́ Ala tura gə́ némeekarabasur ləa loo gə́ yeḛ inja tamɔdee el ɓəi. Togə́bè ɓa Abrakam lé to ne bɔ deḛ lai gə́ d’ɔm meḛ dee dɔ Ala’g aree tura meekun lə dee gə́ darɔ meekarabasur lə deḛ gə́ lal kinja tamɔd dee lé.

Ǝbrəje 9:28

togə́bè ɓa Kristi kara wəi gɔl kára ba kiao gə́ ŋgaŋgee to mba kodo ne kaiyaje lə dəwje bula. Loo ree ləa gə́ gɔl joo lé yeḛ a ree mba kaji deḛ gə́ ŋginá pèrèrè lé ɓó mba taa kaiya le dee el ŋga.

1 Piɛrə 2:24

Yeḛ nja ɓa odo kaiyaje lə sí ɔm dəa’g aw ne kaar kag’d mba kar sí j’oo rɔ sí gə́ yoo-dəwje dɔ kaiya’g lə sí ɓa j’isi ne kəmba dɔ néra gə́ ka̰ meekarabasur lé. Dooje gə́ yeḛ iŋga lé gə́ kuma̰ kar ta doo lə sí ər ne kəmsə.