Ləbije 7:16 - Maktub gə́ To gə Kəmee

¹⁶ Ɓó lé dəw kára ree gə nékinjaməs gə́ ka̰ tɔl ne ta manrɔ ləa əsé gə nékar gə́ yeḛ ḭ gə mée mba kar lé ndá d’a sɔ da neelé mee ndəa gə́ yeḛ ḭjá’g lé, tɔɓəi gesee gə́ nai lé kara bèlè lookàree d’a sɔ tɔ.

Ləbije 7:16 Iomraidhean Croise

Pakɔsje 116:14

Ndukunje ləm gə́ m’un m’ar Njesigənea̰ lé M’a ra tɔl bém kəm koso-dəwje’g ləa lai ya.

Pakɔsje 116:18

Ndukunje ləm gə́ m’un m’ar Njesigənea̰ lé M’a ra tɔl bém kəm koso-dəwje’g ləa lai

Pakɔsje 66:13

M’a kaw mee kəi’g ləi gə nékinjanéməsje gə́ ka̰ roo ləm, M’a tɔl ne ta ndukunje ləm gə́ m’un m’ari lé bém ya ləm tɔ,

Teḛ-Raga 35:29

Israɛlje lai, diŋgamje gə denéje kara deḛ gə́ meḛ dee ɔs dee ɓɔḭ-ɓɔḭ mba kar dee ra né mbata lə kula gə́ Njesigənea̰ un ne ndia ar dee gə ndu Moyis ya ndá deḛ ree gə nékarnojije lə dee gə́ d’ḭ ne gə meḛ dee d’ar Njesigənea̰ lé tɔ.

Gosota-Kəmkàrje 7:14

Nékinjaməs gə́ ka̰ meekulɔm to rɔm’g nee, Ɓogənè m’tɔl ta ndukun ləm bém ŋga.

Ejekel 46:12

Ɓó lé mbai gə́ njeɓee ḭ gə mée un nékinjaməs gə́ ka̰ roo əsé ḭ gə mée un nékinjaməs gə́ ka̰ ra oiyo ar Njesigənea̰ ndá d’a kɔr tarəwkəi gə́ to par gə́ bər karee, bèe ɓa yeḛ a kun nékinjanéməsje ləa gə́ ka̰ roo gə ka̰ ra oiyo to gə́ yeḛ ra gə ndɔ-kwa-rɔ lé, tɔɓəi yeḛ a kunda loo teḛ raga ndá d’a kudu tarəw gée’g loo gə́ yeḛ unda loo teḛ raga lé,

Ləbije 22:23

Maŋg əsé badə gə́ barkəmrea ŋgal unda maree əsé gwɔji as maree el lé seḭ a kasjekəm kinjaje gə́ nékinjaməs gə́ wɔji dɔ né gə́ kḭ gə mée ra ya, nɛ yee gə́ bèe lé a taa kəm Njesigənea̰ gə́ nékinjaməs gə́ wɔji dɔ tɔl ta ndukun lə sí el.

Ləbije 22:29

Loo gə́ seḭ a kinjaje nékinjaməs gə́ wɔji dɔ ra Njesigənea̰ oiyo ndá seḭ a raje gə goo rəbee gə́ a taa kəmee ɓa.

Ləbije 23:38

Néje gə́ seḭ a reeje ne korèje ne dɔ yee gə́ ndɔ-kwa-rɔje’g lə Njesigənea̰ ɓa nee: seḭ a karje Njesigənea̰ nékarje lə sí kəm sí gə́ kédé-kédé ləm, nékinjanéməsje lə sí lai mba tɔl ne ta ndukun lə sí ləma, gə nékarje lə sí lai gə́ seḭ ḭje ne gə meḛ sí arje ləm tɔ.

Bula lə Israɛlje 15:3

loo gə́ seḭ injaje nékinjanéməsje gə́ ka̰ roo kar Njesigənea̰ lé, lé to nékinjaməs gə́ ka̰ roo əsé nékinjaməs gə́ ka̰ tɔl ne ta ndukun əsé to gə́ nékarnoji gə́ dəw ḭ gə mée mba ra əsé loo ra naḭje lə sí kara nékulje lə sí gə́ boi-boi əsé njé gə́ lam-lam ba gə́ d’a tel to né gə́ baḭyee ə̰də lel Njesigənea̰ lé

Tel tura Godndu 12:11

Bèe ɓa, lé gə́ neelé Ala lə sí gə́ Njesigənea̰ a kɔr kəm loo keneŋ mba kar ria ɓar dɔ’g. Lée gə́ neelé ɓa seḭ a reeje gə néje lai gə́ ma m’un ndum dɔ’g m’ar sí lé: nékinjanéməsje lə sí gə́ ka̰ roo ləm, gə nékinjanéməsje lə sí gə́ raŋg ləm, gə néje lə sí gə́ dɔg kun təa kára kar ləm, dɔ koje lə sí gə́ doŋgɔr ləma, gə nékarje lai gə́ seḭ a kɔrje kəmee gə mba karje Njesigənea̰ gə mba tɔl ne ta ndukunje lə sí bém ləm tɔ.

Tel tura Godndu 12:17

Né gə́ dɔg kun təa kára kar gə́ to kó lə sí əsé mán-nduú lə sí əsé ubu lə sí əsé ŋgandər da-kulje lə sí gə́ boi-boi əsé dee gə́ lam-lam əsé né gə́ rara kara gə́ mbuna nékarje’g lə sí gə́ ka̰ tɔl ne ta ndukun lə sí bém əsé nékarje lə sí gə́ ka̰ kḭ gə mee kar əsé dɔ koje lə sí gə́ doŋgɔr lé seḭ a kasjekəm sɔje loo-si sí’g el.

Tel tura Godndu 12:26

Nɛ néje gə́ seḭ ndiŋgaje rɔ sí gə mba kundaje gə kəmee ləm, gə nékarje gə́ seḭ a karje gə mba tɔl ne ta ndukun bém ləm tɔ lé seḭ a kawje ne loo gə́ Njesigənea̰ a mbər’g lé ɓa.

Tel tura Godndu 12:6

Lée gə́ neelé ɓa seḭ a reeje keneŋ gə nékinjanéməsje lə sí gə́ ka̰ roo ləm, gə nékinjanéməsje lə sí gə́ raŋg ləm, gə néje lə sí gə́ dɔg kun təa kára kar lé ləm, gə dɔ koje lə sí gə́ doŋgɔr ləm, gə nékarje gə́ ka̰ tɔl ne ta ndukun bém lé ləm, gə nékar gə́ ka̰ kḭ gə mee kar ləma, gə ŋgandər nékulje lə sí gə́ boi-boi əsé gə́ lam-lam ləm tɔ.