Ləbije 7:13 - Maktub gə́ To gə Kəmee

¹³ Tɔɓəi yeḛ a ree gə muru gə́ əm-tiné to keneŋ mba kɔm dɔ mbə’g neelé karee to nékinjaməs gə́ ka̰ ra Ala oiyo kɔm ne səa na̰’d sad.

Ləbije 7:13 Iomraidhean Croise

Jeremi 33:11

d’a koo ndu pa rɔlel gə ndu pa kalrɔ ləm, gə ndu paje lə njedené-sigi gə njeŋgao-sigi ləm, gə ndu paje lə dee gə́ d’ɔs pana: Pidije Njesigənea̰ gə́ njeboo-néje Mbata Njesigənea̰ lé to njemajidum ləm, Meekɔrjol ləa to saar gə no̰ ləm tɔ. D’a koo ndu paje lə deḛ gə́ d’inja nékinjanéməsje gə́ ka̰ ra oiyo mee kəi’g lə Njesigənea̰ mbata m’a tel ree sə dee, ree kunda dee lée’g neelé to gə́ kédé ya. Njesigənea̰ ɓa pa bèe.

Ləbije 2:12

Seḭ a kasjekəm kun néje gə́ togə́bè asəna gə nékar gə́ wɔji dɔ dɔmaḭ-kó gə́ dɔtar ya nɛ d’a ree ne loo-nékinjaməs’g asəna gə nékar gə́ baḭyee ə̰də lel bèe lé el.

Ləbije 23:17

Seḭ a kḭje mee kəije’g lə sí gə pil muru joo-joo kawje ne mba kar dee ra nduree gə mba kundá ne gə kəmee, d’a to pil muru gə́ ra dee gə nduji gə́ ndá léréré ləm, gə koro gə əm-tiné ləm tɔ: to gə́ dɔ kó gə́ doŋgɔr gə́ d’un d’ar Njesigənea̰ ya.

Ləbije 23:18

Né gə́ seḭ a korèje dɔ muru’g neelé a to ŋgan badje siri gə́ ra ləb dee kára-kára gə́ rɔ dee ya̰ maree el ləm, gə bɔ maŋg kára ləma, gə bàl badje joo ləm tɔ gə́ nékinjaməs gə́ ka̰ roo kar Njesigənea̰, nékar gə́ to nduji gə nékar gə́ ka̰ tər naŋg ta-ta lé seḭ a korèje na̰’d gə néje neelé mba karee to nékar gə́ ka̰ roo gə́ baḭyee ə̰də lel Njesigənea̰ tɔ.

Amɔs 4:5

Ḭjaje nékinjanéməsje lə sí gə́ ka̰ ra oiyo Gə́ əm-tiné to keneŋ ləm, Ilaje mbər nékinjanéməsje gə́ seḭ ḭje ne gə meḛ sí Raje arje ndiil ɓar dɔ’g lé ləm tɔ Mbata yee ɓa gə́ né gə́ seḭ ndigije ya, Seḭ gə́ Israɛlje lé, Mbaidɔmbaije gə́ Njesigənea̰ ɓa pa bèe.

Matiyo 13:33

Yeḛ ula dee gosota gə́ raŋg ya tɔɓəi pana: Ɓeeko̰ gə́ dara lé to asəna gə né gə́ ar nduji ti gə́ dené ɔm dan nduji as ŋgo munda’g guru ne saar aree ḭ dor-dor.

1 Timote 4:4

Tɔgərɔ ya, néje lai gə́ Ala unda dee lé to néje gə́ maji ya. Né gə́ rara gə́ i oo loo mba ra Ala oiyo dɔ’g ndá maji kunda né neelé ɓad el,