Ləbije 7:12 - Maktub gə́ To gə Kəmee

¹² Ɓó lé dəw kára a gə ra né gə́ ka̰ kɔm na̰’d sad ndá yeḛ a ree gə mbə gə́ lal əm-tiné gə́ mbɔḭ gə ubu ləm, gə mbə gə́ lal əm-tiné gə́ saga ubu dɔ’g ləma, gə mbə gə́ ra gə nduji gə́ ndá léréré gə́ lal əm-tiné gə́ mbɔḭ gə ubu ɓa d’ila əb’g ɓəi ləm tɔ ndá a korè dee na̰’d més gə nékinjaməs gə́ ka̰ kɔm na̰’d sad lé tɔ.

Ləbije 7:12 Iomraidhean Croise

2 Sôrta Gḭka Israɛlje 29:31

Ejekias un ta pa togə́bè pana: Ɓasinè gə́ seḭ undaje rɔ sí gə kəmee arje Njesigənea̰ mba̰ nee lé maji kar sí rəmje pər gə́ rəa’g gə nékulje inja deeje gə́ nékinjanéməsje gə́ ka̰ kɔm na̰’d mee kəi’g lə Njesigənea̰. Ndá koso-dəwje ree gə nékinjanéməsje tɔɓəi d’inja nékinjanéməsje gə́ ka̰ kɔm na̰’d ləm, deḛ lai gə́ d’ḭ gə meenoji gə́ meḛ dee’g lé d’inja nékinjanéməsje gə́ ka̰ roo ləm tɔ.

2 Sôrta Gḭka Israɛlje 33:16

Yeḛ tel gɔl loo-nékinjaməs lə Njesigənea̰ gə mba kinja nékinjanéməsje gə́ wɔji dɔ kɔm na̰’d ləm, gə njé gə́ wɔji dɔ ra oiyo ləm tɔ keneŋ ndá yeḛ un ndia ar Judaje gə mba kar dee ra né d’ar Njesigənea̰ Ala lə Israɛlje tɔ.

Nehemi 12:43

Mee ndəa’g neelé deḛ d’inja nékinjanéməsje bula yaa̰ ndá deḛ d’al rɔ dee mbata Ala ar koso-dəwje nérɔlel gə́ boo. Denéje gə ŋganje kara ra rɔlel tɔ ndá ndu rɔlel lə njé gə́ Jerusalem lé dəwje d’oo loo gə́ əw’g ya tɔ.

Pakɔsje 107:8

Maji kar dee d’ɔs gaji Njesigənea̰ Mbata meemaji ləa ləm, Gə mba nédumkooje ləa gə́ yeḛ ra ar dəwje lé ləm tɔ!

Pakɔsje 116:17

M’a kinja nékinjaməs gə́ ka̰ kɔm na̰’d sad kari ləm, M’a ɓar ne rii-i Njesigənea̰ lé ya ləm tɔ.

Pakɔsje 50:23

Yeḛ gə́ inja nékinjaməs gə́ ka̰ kɔm na̰’d sad lé Yeḛ nja ɓa ula rɔnduba dɔ neḛ’g, Yeḛ gə́ tɔs kəmee bao-bao dɔ rəw-kabee’g lé N’a kar kəmee inja dɔ kaji’g lə Ala ya.

Jeremi 33:11

d’a koo ndu pa rɔlel gə ndu pa kalrɔ ləm, gə ndu paje lə njedené-sigi gə njeŋgao-sigi ləm, gə ndu paje lə dee gə́ d’ɔs pana: Pidije Njesigənea̰ gə́ njeboo-néje Mbata Njesigənea̰ lé to njemajidum ləm, Meekɔrjol ləa to saar gə no̰ ləm tɔ. D’a koo ndu paje lə deḛ gə́ d’inja nékinjanéməsje gə́ ka̰ ra oiyo mee kəi’g lə Njesigənea̰ mbata m’a tel ree sə dee, ree kunda dee lée’g neelé to gə́ kédé ya. Njesigənea̰ ɓa pa bèe.

Ojee 14:2

Ǝi Israɛlje! ɔsje badm telje gə́ rɔ Njesigənea̰ Ala’g lə sí Mbata néra gə́ kori-korije lə sí ɓa Seḭ tugaje ne loo osoje ne.

Ləbije 2:4

Ɓó lé i a gə kun nékar gə́ d’wɔb mee bwa-bṵda’g ndá i a kun mbə gə́ ra gə nduji gə́ ndá léréré gə́ lal əm-tiné gə́ mbɔḭ gə ubu ləm, əsé a to mbə gə́ kila gə́ lal əm-tiné gə́ saga ubu dɔ’g ləm tɔ.

Ləbije 2:5

Ɓó lé nékar ləi to mbə gə́ d’ila mee əb’d ndá i a ra gə nduji gə́ ndá léréré gə́ mbɔḭ gə ubu gə́ əm-tiné godo keneŋ.

Ləbije 22:29

Loo gə́ seḭ a kinjaje nékinjaməs gə́ wɔji dɔ ra Njesigənea̰ oiyo ndá seḭ a raje gə goo rəbee gə́ a taa kəmee ɓa.

Ləbije 6:16

Nékar gə́ rara gə́ to kó gə́ njekinjanéməs a kun kar lé d’a roo bura ya ɓó d’a sɔ el.

Ləbije 7:15

Dakas da-kul gə́ d’ḭjá gə́ məs gə́ ka̰ ra Ala oiyo kɔm ne na̰’d sad lé d’a sɔ gə́ mee ndəa gə́ d’ḭjá gə́ məs’g lé ya, d’a kya̰ gesee saar kar loo àr dɔ’g el.

Amɔs 4:5

Ḭjaje nékinjanéməsje lə sí gə́ ka̰ ra oiyo Gə́ əm-tiné to keneŋ ləm, Ilaje mbər nékinjanéməsje gə́ seḭ ḭje ne gə meḛ sí Raje arje ndiil ɓar dɔ’g lé ləm tɔ Mbata yee ɓa gə́ né gə́ seḭ ndigije ya, Seḭ gə́ Israɛlje lé, Mbaidɔmbaije gə́ Njesigənea̰ ɓa pa bèe.

Bula lə Israɛlje 6:15

ŋgon karè gə́ muru gə́ lal əm-tiné to keneŋ ləm, bina gə́ ra gə nduji gə́ ndá léréré gə́ loḭ gə ubu ləma, gə bina gə́ kila gə́ lal əm-tiné gə́ saga ubu dɔ’g ləm tɔ lé gə nékarje gə́ to nduji ləm, gə ka̰ nékai ləm tɔ.

Lugu 17:16

Yeḛ ti oso naŋg bəbərə no̰ Jeju’g dəb kəmee naŋg rəa ne oiyo tɔ. Dəw neelé to dəw gə́ Samari.

Lugu 17:18

See dəw gə́ dɔɓee’g nee gə karee ba ɓa ree mba kula rɔnduba dɔ Ala’g ɓó dəw gə́ raŋg el wa.

Njé gə́ Rɔmə 1:21

mbata deḛ gər Ala lé gao ya nɛ rɔnduba gə́ wɔji dəa lé d’ula dəa’g el ləm, deḛ rəa oiyo el ləm tɔ. Takə̰ji lə deḛ gə́ gə mḭdé ba lé uru dee wala ləm, kəmkàr gə́ godo meḛ dee’g lé ar meḛ dee ndul ne njudu-njudu ləm tɔ.

Njé gə́ Epesə 5:20

Nénojije lai gə́ seḭ iŋgaje lé raje ne oiyo gə mbəa arje Ala Bɔ síje gə ri Jeju Kristi Mbaidɔmbaije lə sí lé.

Ǝbrəje 13:15

Bèe ndá maji kar ta sí oji ta pidi Ala ta-ta, yee ɓa gə́ nékinjaməs gə́ j’un j’ar Ala mba kar ria ɓar ne.

1 Piɛrə 2:5

Seḭje kara toje asəna gə mbalje gə́ to kəmba gə́ d’odo sí rɔd sí dɔ na̰’g mba ra ne kankəm kəi gə́ ka̰ Ndil lé ləm, kar sí toje njékinjanéməsje gə́ d’unda sí gə kəmee mba kar sí unje nékinjaməs gə́ ka̰ ndil lé gə ri Jeju Kristi gə́ a taa kəm Ala rəgm lé ləm tɔ.