Ləbije 6:4 - Maktub gə́ To gə Kəmee

⁴ Tɔɓəi yeḛ a kɔr kubuje neelé kya̰ kula njé gə́ raŋg rəa’g mba kodo ne bu neelé kaw ne gir loo-si dee gə́ raga, loo gə́ d’unda gə kəmee lé.

Ləbije 6:4 Iomraidhean Croise

Gḭ-Néje 21:25

Nɛ Abrakam ḭ pa gə Abimelek mbata lə bwa-mán kára gə́ kuraje lə Abimelek d’wa taa gə siŋga dee.

Nehemi 5:11

Ɓogənè ya, maji kar sí ar deeje ndɔje lə dee gogo ləm, gə ndɔ-nduúje lə dee ləm, gə kag-koiyoje lə dee ləm, gə kəije lə dee ləma, gə né gə́ taa manee dɔ’g gə́ wɔji dɔ lar gə kó gə mán-nduú gə́ sigi gə ubu gə́ seḭ taaje ji dee’g gə siŋga sí lé ləm tɔ.

Maktub gə́ wɔji dɔ Jɔb 20:19

Mbata yeḛ ra kədərə gə njéndooje ya̰ dee dan nékəmndoo’g ləm, Yeḛ taa kəije gə́ yeḛ ra el gə siŋgamoŋ ləm tɔ.

Maktub gə́ wɔji dɔ Jɔb 24:2

Deḛ ŋgəs gə rəw-nimje ləm, Deḛ ɓogo koso-nékulje d’aw d’ul dee ləm tɔ.

Esai 59:6

Jámje lə dee lé D’askəm kṵji gə́ kubu el ləm, Nékula lə dee lé D’askəm kɔn ne rɔ dee el ləm tɔ, Kulaje lə dee to kulaje gə́ gə dɔ najee el ləm, Néra gə́ kərm-kərm lə dee to meḛ ji dee’g ləm tɔ.

Ejekel 18:12

ɓó lé yeḛ buguru njenékəmndoo gə njendoo ləm, ɓó lé yeḛ taa né gə ɓogo ləm, ɓó lé yeḛ tel gə nékɔsnaŋ ar njea el ləm, ɓó lé yeḛ un kəmee aa ne magəje gərərə ra ne néje gə́ mina̰ jɔmri-jɔmri ləma,

Ejekel 18:18

Bɔbeeje nja ɓa to njekula kəm dəwje ndòo ləm, gə njetaa né lə njé gə́ raŋg gə ɓogo ləma, yeḛ nja ɓa gə́ nje néra gə́ majel mbuna koso-dəwje’g ləa ləm tɔ ndá yeḛ nja ɓa a kwəi yoo-kaiya ləa.

Ejekel 18:7

yeḛ buguru dəw kára kara el ləm, yeḛ tel gə nékɔsnaŋ ar njea ləm, yeḛ taa né gə ɓogo el ləm, yeḛ un muru ləa ar dəw gə́ ɓó tɔlee ləm, yeḛ ula kubu rɔ dəw gə́ aw kudee dum’g ləm,

Ejekel 33:15

ɓó lé yeḛ tel gə nékɔsnaŋ ar njea gə́ yeḛ tona né lé ləm, tel gə né gə́ yeḛ ɓogo ar njea ləma, ɓó lé yeḛ un goo ndukunje gə́ d’ar dəw si ne kəmba ra ne né gə́ kori-kori el ləm tɔ ndá yeḛ a si kəmba ɓó a kwəi el.

Ejekel 44:19

Loo gə́ d’a kunda loo teḛ kaw gadloo gə́ raga rɔ koso-dəwje’g ndá d’a tɔr kubuje gə́ ra ne kula lé kɔm mee ŋgan kəije gə́ wɔji dɔ kəi gə́ to gə kəmee lé, d’a kula kubuje gə́ raŋg ɓó gə mba kunda koso-dəwje gə kəmee gə kubuje lə dee el.

Ləbije 24:18

Yeḛ gə́ unda da kul tɔlee ndá a kar njea maree toree’g gə yee gə́ kəmba.

Ləbije 24:21

Yeḛ gə́ a tɔl da-kul ndá a kar njea maree toree’g ya nɛ yeḛ gə́ a tɔl dəw ndá d’a tɔlee gə́ tɔl ya.

Ləbije 4:12

yeḛ a kun ne bɔ maŋg lé bura ya kaw ne gir loo-si dee gə́ raga, loo gə́ d’unda gə kəmee ləm, loo gə́ d’ɔm bu pər keneŋ ləm tɔ ndá yeḛ a roo dɔ kir’d. Loo kɔm bu pər ɓa d’a roo keneŋ ya.

Amɔs 3:10

Njesigənea̰ ɓa pa togə́bè pana: Deḛ gər loo ra né gə́ danasur el ləm, Deḛ taa néje lə mar deeje gə siŋgamoŋ lə dee dɔ buguru’g Daa ne néje neelé mee kəi-mbaije’g lə dee ləm tɔ.

Misee 2:2

Deḛ ra kəmkəḭ dɔ ndɔje’g ndá Deḛ taa dɔ buguru’g ləm, Gə dɔ kəije’g ndá D’odo néje gə́ keneŋ dɔ buguru’g ləm tɔ. Deḛ ra né gə́ kərm-kərm gə dəw gə njemeekəije ləa ləm, Buguree gə nénduba ləa na̰’d ləm tɔ.

Soponi 1:9

Mee ndəa’g neelé n’a kar bo̰ néra deḛ lai gə́ tal dɔ loo-kandə-kəi’g asəna gə njépole-magəje bèe ləm, Gə deḛ lai gə́ d’ar néra gə́ kərm-kərm Gə nésukəmloo taa mee kəi lə ɓée deeje pəl-pəl ləm tɔ lé ɔs ta dee’g.

Malasi 1:13

Seḭ pajena: Seḭ daoje ne yaa̰! Tɔɓəi seḭ unje kəm sí dəa’g rəw, Njesigənea̰ gə́ njeboo-néje lé ɓa pa bèe. Nɛ lé bèe kara seḭ reeje gə daje gə́ seḭ ɓogoje ləm, əsé gə́ d’oso məd ləma, əsé gə́ rɔ dee to dee ləm tɔ, yee ɓa gə́ nékinjanéməsje gə́ seḭ reeje ne! See m’askəm taa ji sí’g wa. Njesigənea̰ gə́ njeboo-néje lé ɓa dəji sí togə́bè.

Bula lə Israɛlje 5:7

ndá yeḛ a teggin kaiya ləa gə́ raga ləm, a tel gə né gə́ yeḛ tuji lé bura ləma, a kila maree dɔ’g as laree gə́ kaiyee loo mi ɓa d’un təa kára ləm tɔ, tɔɓəi yeḛ a tel gə né neelé kar dəw gə́ yeḛ tuji né ləa ar ta wa ne dəa lé tɔ.