Ləbije 6:3 - Maktub gə́ To gə Kəmee

³ Njekinjanéməs lé a kula kubu ləa gə́ ŋgal yududu gə́ d’ṵji gə kúla palégal ləm, gə kubu bulaa ləm tɔ ndá yeḛ a kɔr bu pər gə́ roo ne nékinjaməs gə́ ka̰ roo loo-nékinjaməs’g lé kɔm mbɔr loo-nékinjaməs’g lé ya.

Ləbije 6:3 Iomraidhean Croise

Teḛ-Raga 23:4

Ɓó lé seḭ iŋgaje maŋg əsé mulayḛ̀je lə njeba̰ lə sí gə́ ndəm lé ndá seḭ a kwáje reeje səa kaareeje ya.

Teḛ-Raga 28:42

Maji kari ra kubu bulaa gə kubu gə́ d’ṵji gə palégal mbata lə dee mba karee ɔn dɔ rɔ dee ndá kubu neelé a kḭ reŋ dee’g kaw njal teḛ biŋ dee’g tɔ.

Gosota-Kəmkàrje 24:28

Maji kari ɔr goo ta gə mḭdé ba ɔs ne njeboatakəi ləi rəw el, See i ndigi su kəm loo gə tapaije wa.

Gosota-Kəmkàrje 30:9

Nà banelə loo gə́ m’a si dan néje’g bèdèg ndá M’a mbadi pa ne pana: see Njesigənea̰ ɓa to nawa. Esé loo gə́ m’a si dan ndòo’g ndá M’a ɓogo kila ne ndɔl dɔ ri Ala’g lé ləm tɔ.

Jeremi 5:2

Ɓó lé deḛ pa pana: Njesigənea̰ si kəmba kara To taŋgɔm ɓa deḛ pa Ndo̰ ne naji d’ubu ne rɔ dee.

Jeremi 7:9

Ɗi togə́bè wa, ɓogo, tɔl dəw, ndal mɔdkaiya, gə kubu rɔ gə taŋgɔm, roo néje gə́ ə̰də sululu kar magə-Baal ləm, gə kaw goo magəje gə́ seḭ gər deeje el ləm tɔ!

Ejekel 44:19

Loo gə́ d’a kunda loo teḛ kaw gadloo gə́ raga rɔ koso-dəwje’g ndá d’a tɔr kubuje gə́ ra ne kula lé kɔm mee ŋgan kəije gə́ wɔji dɔ kəi gə́ to gə kəmee lé, d’a kula kubuje gə́ raŋg ɓó gə mba kunda koso-dəwje gə kəmee gə kubuje lə dee el.

Ləbije 1:16

Yeḛ a kɔr kəi néko̰ lə yel gə bèleje na̰’d ndá a kɔm dee mbɔr loo-nékinjaməs’g par gə́ bər loo kɔm bu pər’g.

Ləbije 16:4

Yeḛ a kula kubu gə́ to gə kəmee gə́ ŋgal yududu gə́ ra gə kúla palégal ləm, yeḛ a kula kubu bulaa gə́ ra gə kúla palégal rəa’g ləm tɔ, yeḛ a kwa rḛgee gə gagəra gə́ ra gə kúla palégal ləm, a kula dɔgugu gə́ ra gə kúla palégal dəa’g ləm tɔ, to kubuje gə́ d’unda dee gə kəmee doi gə́ yeḛ a kula rəa’g loo gə́ yeḛ a ndogo mán mba̰ lé tɔ.

Ləbije 19:12

Seḭ a ɓarje rim kubuje ne rɔ sí gə taŋgɔm el mbata yee gə́ nee ɓa seḭ arje ri Ala lə sí tel to ne né gə́ sin kari ba. Ma m’to Njesigənea̰.

Jakari 5:4

Njesigənea̰ gə́ njeboo-néje lé pana: Neḛ n’ilá mba karee andə mee kəije’g lə njéɓogoje ləm, gə kəije’g lə deḛ gə́ ɓar ri neḛ d’ubu ne rɔ dee gə taŋgɔm ləm tɔ gə mba karee ra loo-siée mee kəije’g lə dee mba tuji dee na̰’d pugudu gə kag gə kɔri-mbalje.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.